Numero 26:10 - Ti Baro a Naimbag a Damag Biblia

¹⁰ Nagrengngat ti daga ket inalun-onna ida. Nairamanda a natay ken ni Kora agraman dagiti pasurotna idi naikisap ti 250 a lallaki babaen iti apuy. Nagserbi dagitoy a pasamak a ballaag kadagiti tattao.

Ti Biblia (1973)

¹⁰ Ket ti daga linuctanna ti ngiwatna, ket inalun-unna ida agraman ken Core, idi a natay daydi buyot; iti daydi nga aldaw a panangalun-un ti apuy iti duagasut ket limapulo a tattao, ket nagbalinda a maysa a pagtandaanan.

Numero 26:10 Iomraidhean Croise

Exodo 16:35

Uppat a pulo a tawen a mana ti kinkinnan dagiti Israelita agingga a dimtengda iti daga ti Canaan ket nagnaedda sadiay.

Jeremias 29:22

No adda kadagiti tattao a naipanaw iti Jerusalem a kas balud a naipan dita Babilonia ti agtarigagay a mangilunod iti siasinoman, kunananto, ‘Aramiden koma kenka ti Apo ti kas iti inaramidna kada Zedekias ken Ahab a sibibiag a pinuoran ti ari ti Babilonia.’

Ezekiel 14:8

Busorek dayta a tao. Pagbalinek a pakaballaagan dagiti tattao. Ilaksidko iti taripnong dagiti tattaok tapno maammoanyo a siak ni Yahweh.

Numero 16:38

Nagbalin a nasagradoan dagiti insensario idi naidatagda iti altarko. Alaenna ngarud dagiti insensario dagitoy a lallaki a napapatay gapu iti basolda ket pitpitenna agingga nga umingpis sana aramiden a kalub ti altar. Agserbi daytoy a ballaag kadagiti Israelita.”

Numero 17:3

ket isuratmo ti nagan ni Aaron iti sarukod a mangibagi iti tribu ti Levi. Iti kasta, adda sarukod ti tunggal pangulo ti tribu.

Numero 27:3

“Natay daydi amami nga awan anakna a lalaki. Saan a nairaman iti bunggoy ni Kora a bimmusor iti Apo. Natay gapu iti basolna.

Deuteronomio 11:6

Lagipenyo ti inaramidna kada Datan ken Abiram, dagiti annak ni Eliab iti tribu ni Ruben. Iti imatang ti amin, nagrengngat ti daga ket inalun-onna ida, agraman dagiti familiada, dagiti toldada ken amin a tagabu ken animalda.

Deuteronomio 28:46

Dagitoyto ti pammaneknek iti agnanayon a panangukom ti Apo kadakayo ken kadagiti kaputotanyo.

2 Pedro 2:6

Dinusa ti Dios dagiti siudad ti Sodoma ken Gomorra. Pinuoranna agingga a dimmapuda ket pinagbalinna ida a pagulidanan ti mapasamakto kadagiti awanan-dios.

San Judas 1:7

Laglagipenyo ti Sodoma ken Gomorra ken dagiti kabangibang nga il-ili. Nagbasolda iti pannakikamalala ken kinaderrep ket sagsagabaenda ti dusa iti agnanayon nga apuy. Daytoy ti pakaballaagantayo amin.

1 Samuel 2:34

Inton aggiddan a matay dagiti dua nga annakmo, da Ofni ken Finees, isunton ti pagilasinam a matungpal ti imbagak.