Numero 24:7 - Ti Baro a Naimbag a Damag Biblia

⁷ Addaandanto iti tudo a nabuslon agmuladanto kadagiti mapadanuman a taltalon. Nabilbilegto ngem ni Agag ti arida, lumawanto ti sakupen ti pagturayanna.

Ti Biblia (1973)

⁷ Danum agayusto cadagiti timtimbana, Ket cadagiti adu a dandanum agyanto ti bin-ina, Ket nangatngatonto ngem ni Agag ti arina, Ket maitan-octo ti pagarianna.

Numero 24:7 Iomraidhean Croise

2 Samuel 5:12

Iti kasta, nabigbig ni David nga insaad ni Yahweh a kas ari ti Israel ket parang-ayenna ti pagarianna gapu kadagiti tattaona.

1 Ar-ari 4:21

Sakupen ti pagarian ni Solomon ti amin a pagilian manipud Karayan Eufrates iti daya agingga idiay Filistia iti laud ken agingga iti beddeng ti Egipto iti abagatan. Nagbuisda kenkuana ket inturayanna ida iti unos ti panagbiagna.

1 Ar-ari 5:1

Nabayagen a nadekket nga aggayyem da Hiram nga ari ti Tiro ken Ari David. Idi madamag ni Hiram a naisaad ni Solomon nga ari a sukat daydi amana, nangibaon kadagiti pannakabagina a mapan kenkuana.

1 Cronicas 14:2

Iti kasta, nabigbig ni David nga insaad ni Yahweh a kas ari ti Israel, ket parparang-ayenna ti pagarianna gapu kadagiti tattaona.

ESDRAS 4:20

Mamaingel nga ari ti nagturay iti Jerusalem, ket inturayanda ti entero a probinsia ti Laud-ti-Eufrates. Nagsingirda iti buis ken kuarta a nagtaud iti nadumaduma a pamastrekan.

Ester 3:1

Iti saan a mabayag, insaad ni Ari Xerxes ti maysa a tao nga agnagan iti Haman a kangatoan nga ofisial ti pagarian. Isu ti anak ni Hammedata a nagtaud iti kaputotan ni Agag.

Dagiti Salmo 18:43

Insalakannak kadagiti nasukir a tattao, ket pinagturaynak kadagiti pagilian; nagserbi kaniak dagiti saanko idi nga am-ammo.

Dagiti Salmo 68:26

“Idaydayawyo ti Dios iti taripnong dagiti tattaona; wen, idaydayawyo ti Apo, dakayo a kaputotan ti Israel!”

Dagiti Salmo 72:11

Agrukbabto dagiti amin nga ari kenkuana, agserbinto kenkuana dagiti amin a pagilian.

Dagiti Salmo 89:27

Ibilangkonto nga inauna nga anakko; isunto ti kangatoan kadagiti amin nga ari.

Isaias 2:2

Kadagiti masakbayan nga aldaw, ti bantay a nakabangonan ti Templo isunto ti kangatoan, rimbawanna dagiti katurturodan. Adunto dagiti nasion a mapan kenkuana

Isaias 30:25

Iti aldaw a masakup dagiti sarikedked dagiti kabusoryo ket mapapatay dagiti tattaoda, agayusto dagiti danum kadagiti ubbog manipud kadagiti bambantay ken turturod.

Isaias 48:1

Denggenyo daytoy, O balay ni Jacob, dakay a maawagan iti Israel, dakay a kaputotan ni Juda. Agsapatakayo iti nagan ti Apo, ket kunayo nga agdaydayawkayo iti Dios ti Israel, ngem saan a pudno ti sasawenyo.

Isaias 9:7

Dumakkelto a dumakkel ti bilegna a kas ari; addanto latta kappia iti pagarianna. Isunto ti sumukat ken ni Ari David nga agturay. Ibataynanto ti turayna iti kinapudno ken kinalinteg manipud ita ingganat' inggana. Aramiden nga aramiden amin daytoy ti Apo a Mannakabalin-amin.

Jeremias 51:13

Adu dagiti karayan ken nabaknang a gameng ti Babilonia ngem dumtengen ti panungpalanna. Napugsaten ti linas ti biagna.

Daniel 2:44

Iti panawen dagitoy nga agturay, mangipasdekto ti Dios ti langit iti pagarian a pulos a dinto agpatingga. Saanto a maparmek dayta a pagarian ngem gibusannanto dagiti amin a pagarian. Isu laeng ti agpaut iti agnanayon.

Numero 24:20

Iti parmata ni Balaam, nakitana dagiti Amalekita ket impadtona daytoy: “Ti Amalec ti kabilgan iti amin a pagilian, ngem iti kamaudiananna mapukawto iti agnanayon.”

San Juan 1:49

“Maestro,” insungbat ni Natanael. “Sika ti Anak ti Dios! Sika ti Ari ti Israel!”

Paltiing 11:15

Pinuyot ti maikapito nga anghel ti trumpetana. Adda dagiti napipigsa a timek a naggapu sadi langit a kunkunada, “Naiteden iti Apotayo ken iti Cristona ti pagarian ti lubong, ket agturayto iti agnanayon nga awan inggana!”

Paltiing 17:1

Immasideg kaniak ti maysa kadagiti pito nga angheles nga addaan iti pito a malukong ket kinunana: “Umayka, ket ipakitak kenka ti pannakadusa ti reyna ti immoralidad, dayta agdindinamag a siudad a nabangon iti asideg dagiti adu a karayan.

Paltiing 17:15

Kinuna pay ti anghel kaniak: “Dagiti nakitam a danum a pagtugtugawan ti immoral a babai, isuda dagiti adu a tattao iti amin a puli ken pagilian.

Paltiing 19:16

Iti kawes ken luppona, naisurat dagiti balikas: “Ari dagiti ar-ari ken Apo dagiti appo.”