Numero 24:6 - Ti Baro a Naimbag a Damag Biblia

⁶ Kasda la atiddog nga intar ti palma wenno minuyongan iti igid ti karayan. Kasda la aloe nga immula ti Apo wenno sedro iti igid ti waig.

Ti Biblia (1973)

⁶ Cas loblobong aglaylayonda. Cas bangbangcag iti abay ti carayan, Cas caycayo a sandalo nga immula ni Jehova, Cas caycayo a cedro iti arubayan ti dandanum.

Numero 24:6 Iomraidhean Croise

Genesis 13:10

Inwaras ni Lot ti panagkitana ket naimatanganna ti entero a Tanap ti Jordan agingga idiay Zoar. Adu ti danumna a kas iti Minuyongan ni Yahweh wenno ti daga ti Egipto. (Saan pay idi a nadadael dagiti siudad ti Sodoma ken Gomorra.)

Dagiti Salmo 1:3

Mayarig iti kayo a naimula iti igid ti waig. Nalangto latta dagiti bulongna ken agbunga iti tiempona. Agballigi iti amin nga aramidenna.

Dagiti Salmo 104:16

Nabuslon a tudo ti agtinnag kadagiti sedro ti Libano— dagiti kayo nga immula ni Yahweh.

Dagiti Salmo 45:8

Agayamuom ti mirra, aloe, ken kasia iti amin a kawesmo; iti uneg dagiti marfil a palasio linglingayendaka kadagiti nakuerdasan a pagtokaran.

Kanta ni Solomon 6:11

Simmalogak iti kaalmendrasan tapno kitaek dagiti nalangto a mula iti tanap; tapno kitaek no naguggoten dagiti ubas ken nagsabongen dagiti granada.

Isaias 41:19

Iti let-ang, pagtuboekto dagiti sedro, kasta met dagiti akasia, arrayan ken olibo. Agbalinto a kabakiran ti natikag a daga, kabakiran a pagtuboan ti saleng, aruo ken parwa.

Isaias 58:11

Kankanayonto nga idalankayo, ket itedkonto ti amin nga agkakaimbag a bambanag a kayatyo. Pagtalinaedenkayto a napigsa ken nasalun-at. Mayarigkayto iti hardin nga adu ti danumna, kas iti ubbog a pulos a di agmaga.

Jeremias 17:18

Ibabainmo dagiti mangidadanes kaniak, ngem dinak iramraman. Lapunosem ida iti buteng, ngem dinak butbutngen. Didigraem ken dadaelem ida a mamimpinsan.

Jeremias 31:12

Umaydanto agkanta a sirarag-o iti tapaw ti Bantay Sion. Maragsakandanto kadagiti sagsagutko a trigo, arak, ken lana, kadagiti karnero ken kadagiti baka. Kasdanto hardin a nasayaat ti pannakasibogna, addanto aminen a masapulda.

Ezekiel 47:12

Iti agsumbangir nga igid ti karayan, agtubonto ti amin a kita ti kayo a mangted iti taraon. Dinto malaylay dagiti bulongda ket didanto agsardeng nga agbunga. Binulanto nga adda nasayaat a bungada gapu ta kanayon a maay-ayusanda iti danum nga aggapu iti Templo. Agpaayto a taraon dagiti bunga ket maaramat met nga agas dagiti bulongda.”

Joel 3:18

Inton dumteng dayta nga aldaw, masaknapanto iti ubas dagiti kabambantayan; adunto ti baka kadagiti katurturodan; nabuslonto ti danum iti entero a Juda. Addanto waig nga aggapu iti Templo ni Yahweh, ket padanumannanto ti Tanap dagiti Acacia.

Numero 24:5

Napintas dagiti tolda ti Israel.