Numero 23:10 - Ti Baro a Naimbag a Damag Biblia

¹⁰ Kasla tapok ti kaadu dagiti kaputotan ti Israel— di mabilang ti umariwekwek a kaaduda. Ti ipapatayko kas koma ti ipapatay dagiti tattao ti Dios; pumusayak koma a natalna a kas kadagiti nalinteg.”

Ti Biblia (1973)

¹⁰ Asino ti macabalin a mangbilang iti tapoc ni Jacob, Wenno mangbilang iti apagcapat ti Israel? Matayac coma iti patay dagiti nasingpet, Ket ti maudi a tungpalco cas coma kencuana!

Numero 23:10 Iomraidhean Croise

Genesis 13:16

Paraburankanto iti adu a kaputotan. Awanto ti makabilang iti kaaduda ket nalaklakanto a bilangen ti tapok iti daga.

Genesis 22:17

Paaduekto dagiti kaputotam a kas iti kaadu dagiti bituen iti tangatang wenno dagiti darat iti igid ti baybay. Parmekento dagiti kaputotam dagiti kabusorda.

Genesis 28:14

Umadunto ti kaputotam—kaslanto tapok ti kaaduda. Agwarasdanto iti amin a lugar ket dawatento dagiti amin a nasion a bendisionak met ida a kas iti panangbendisionko kenka ken kadagiti kaputotam.

Dagiti Salmo 116:15

Maseknan unay ti Apo no matay ti maysa kadagiti pinilina.

Dagiti Salmo 37:37

Siputam ti naimbag a tao, paliiwem ti nalinteg; adda kaputotan ti natalna a tao.

Dagiti Proverbio 14:32

Dagiti killo nga aramid ti managdakdakes ti mangyeg iti mismo a pannakatnagna, ngem masalakniban ti naimbag a tao babaen iti kinataknengna.

Numero 31:8

agraman dagiti lima nga ari ti Midian: Evi, Rekem, Zur, Hur ken Reba. Pinapatayda met ni Balaam nga anak ni Beor.

2 Taga-Corinto 5:1

Ammomi nga inton marakrak daytoy kalapaw a pagnaedantayo, nga isu ti bagitayo ditoy daga, addanto balay nga ited ti Dios a pagnaedantayo idiay langit, balay nga isu a mismo ti nangaramid ken agpaut iti agnanayon.

Paltiing 14:13

Kalpasanna, nakangngegak iti timek a naggapu sadi langit. Kinunana kaniak, “Isuratmo daytoy: Manipud ita, nagasat dagiti matay iti panagserbida iti Apo.” “Wen, nagasat,” kuna ti Espiritu. “Makainanadan kalpasan ti nadagsen a trabahoda ta kumuykuyog kadakuada ti bunga ti panagserbida.”