Numero 22:3 - Ti Baro a Naimbag a Damag Biblia

³ Nagbuteng ti ari ken dagiti amin a tattaona gapu iti kaadu dagiti Israelita.

Ti Biblia (1973)

³ Ket ti Moab napalalo ti butengna cadagiti tattao, gapu ta aduda idi: ket ti Moab nagliday a gapu cadagiti annac ti Israel.

Numero 22:3 Iomraidhean Croise

Nehemias 13:2

Ngamin, dida inikkan idi dagiti Israelita iti kanen ken inumen idi rimmuarda idiay Egipto. Tinangdananda ketdi ni Balaam a mangilunod iti Israel ngem pinagbalin ti Diostayo ti lunod a bendision.

Dagiti Salmo 53:5

Ngem napalalo ti panagbutengda; saan pay a napasamak ti kastoy kadakuada! Ngamin, iwarawaranto ti Dios dagiti tultulang ti kabusor ti ilina. Nailaksidda isut' gapuna a parmeken ti Israel ida.

Exodo 1:12

Ngem no kasano ti panangparparigat dagiti Egipcio kadakuada, immad-aduda ketdi ket nagwarasda. Isut' gapuna a kinabuteng ida dagiti Egipcio.

Exodo 15:15

Agbuteng dagiti pangulo ti Edom, agpigpigerger dagiti maingel ti Moab; mapukaw ti tured dagiti amin nga agnaed idiay Canaan.

Exodo 23:27

“Gapu iti aramidek, agbutengto kaniak dagiti amin a bumusor kadakayo ket kiburekto dagiti kagubatyo. Pagsanudekto amin a kabusoryo ket itarayandakayto.

Isaias 23:5

Uray dagiti Egipcio, maklaat ken agladingitdanto inton madamagda a nadadaelen ti Tiro.

Deuteronomio 2:25

Manipud ita nga aldaw, pagbutngek dagiti tattao iti amin a lugar kadakayo. Agtigergerto ti tunggal maysa iti butengna a makangngeg iti naganyo.’

Josue 2:24

“Awan duadua nga inteden ti Apo ti entero a pagilian kadatayo,” kinunada kenkuana. “Mabuteng dagiti amin a tattao sadiay kadatayo.”

Josue 9:24

“Inaramidmi ti kasta, apo,” insungbatda, “agsipud ta naammoanmi nga agpayso a binilin ti Apo a Diosyo ni Moises nga adipenna nga itedna kadakayo ti entero a daga ket pukawenyo amin nga agnanaed ditoy. Inaramidmi daytoy gapu ta napalalo ti butengmi kadakayo; pudno a mabutengkam amangan no patayendakami.