Numero 21:9 - Ti Baro a Naimbag a Damag Biblia

⁹ Nangaramid ngarud ni Moises iti sinan-uleg, ket inkabilna iti kayo. No adda kagaten ti uleg, umimbag no kitaenna ti sinan-uleg.

Ti Biblia (1973)

⁹ Ket ni Moises inaramidna ti maysa a sinan-uleg nga suer ket imbayogna iti maysa a monmon: ket naaramid a no maysa nga uleg kimmagat iti maysa a tao, no isu cumita idi sinan-uleg a suer, nagbiag.

Numero 21:9 Iomraidhean Croise

2 Ar-ari 18:4

Dinadaelna dagiti lugar a pagdaydayawan dagiti pagano, binurburakna dagiti bato nga adigi, ken tinumbana dagiti adigi a naidaton ken ni Asera a diosa. Binurburakna met ti sinan-uleg a bronse nga inaramid ni Moises a maaw-awagan iti Nehustan. Agingga kadagita a tiempo, nagpupuor dagiti Israelita iti insenso a kas pammadayaw iti sinan-uleg.

Isaias 45:22

“Agsublikayo kaniak tapno maisalakankayo, dakay a tattao iti entero a daga. Siak ti Dios, awan ti sabali.

Zacarias 12:10

“Punnoekto dagiti kaputotan ni David ken dagiti tattao ti Jerusalem iti espiritu a mamagbalin kadakuada a manangngaasi ken managkararag. Kitaendanto ti natay gapu iti panangduyokda kenkuana ket dung-awandanto a kas iti pimmusay a kakaisuna nga anak. Agdung-awdanto iti nasaem a kasla kadagiti tattao a natay ti inauna nga anakda.

San Juan 1:29

Iti sumuno nga aldaw, nakita ni Juan nga agturong ni Jesus iti yanna. “Daytoy ti Kordero ti Dios a mangikkat iti basol ti lubong!” kinuna ni Juan.

San Juan 12:32

Inton maibayogak ditoy daga, guyugoyekto nga umay kaniak dagiti amin a tattao.” (

San Juan 6:40

Ta pagayatan ni Amak nga amin a makakita ken mamati iti Anak adda biagna nga agnanayon. Ket pagungarekto ida inton maudi nga aldaw.”

Taga-Roma 1:17

Ta ipakaammo ti ebanghelio a ti panangpalinteg ti Dios iti tao mangrugi iti pammati ket agpatingga iti pammati. Kas kuna ti Nasantoan a Surat: “Agbiagto ti pinalinteg ti Dios babaen iti pammati.”

Taga-Roma 8:3

Inaramid ti Dios ti saan a kabaelan nga aramiden ti Linteg gapu iti kinarasi ti tao. Inukomna ti basol ti kinatao. Imbaonna ti mismo nga Anakna nga addaan iti naintaoan a kasasaad tapno pukawenna ti basol.

2 Taga-Corinto 5:21

Awan basol ni Cristo. Ngem gapu kadatayo, imbaklayna dagiti basoltayo tapno iti pannakikaysatayo kenkuana, mairanudtayo iti kinalinteg ti Dios.

Hebreo 12:2

Ditay isinsina ti matatayo ken ni Jesus a pangulo ken mangpunno iti pammati. Saan a naupay ni Jesus gapu iti krus. Ngem gapu iti rag-o nga agur-uray kenkuana, dina pinampanunot ti pannakaibabain iti ipapatay iti krus. Adda itan a situtugaw iti makannawan ti trono ti Dios.

1 Juan 3:8

Ngem kadua ti Diablo ti saan a sumardeng nga agbasol, ta nagbasolen ti Diablo manipud pay idi punganay. Daytoy ti gapuna nga immay ti Anak ti Dios tapno dadaelenna dagiti aramid ti Diablo.