Numero 21:7 - Ti Baro a Naimbag a Damag Biblia

⁷ Napan dagiti tattao ken ni Moises ket kinunada, “Nagbasolkami iti panagsaomi iti maibusor iti Apo kasta met kenka. Ikararagmo koma iti Apo nga ipanawna dagitoy nga uleg.” Iti kasta, inkararagan ni Moises dagiti tattao.

Ti Biblia (1973)

⁷ Ket dagiti tattao immayda ken Moises, ket kinunada, Nacabasolcami, gapu ta nagsaocami iti maicaniwas ken Jehova, ken maicaniwas kenca; agdawatca ken Jehova nga iccatenna coma cadacami dagiti ul-uleg. Ket ni Moises indawatanna ti umili.

Numero 21:7 Iomraidhean Croise

Genesis 20:17

Gapu iti naaramid ken ni Sara nga asawa ni Abraham, dinusa ni Yahweh dagiti amin a babbai iti sangkabalayan ni Abimelec: saan nga impalubos ni Yahweh nga aganak dagiti babbai. Iti kasta, inkararagan ni Abraham ni Abimelec. Immimbag ti ari ket manipud idin, nagsikog ti asawa ni Abimelec ken dagiti babbai a tagabuna.

Genesis 20:7

Ngem ita, isublim ti babai iti asawana. Profeta ti asawana ket ikararagannakanto tapno dika matay. Ngem no dimo isubli, ballaaganka a saan la a sika ti matay no di ket mairaman pay amin a tattaom.”

1 Ar-ari 13:6

Kinuna ti ari kenkuana, “Pangngaasim, ta ikararagannak iti Apo a Diosmo ket dawatem kenkuana a paimbagenna ti imak.” Nagkararag ti profeta ket naisubli ti sigud a kasasaad ti ima ti ari.

2 Ar-ari 13:4

Nagkararag ni Joacaz, ket idi nakita ni Yahweh ti panangparigat ti ari ti Siria kadagiti Israelita, impangagna ti kararag ti ari.

Ti Libro ni Job 42:10

Pinagrang-ay manen ni Yahweh ni Job kalpasan ti panangidawdawatna kadagiti tallo a gagayyemna. Dinoblena ti kaadu ti sigud a sanikua ni Job.

Ti Libro ni Job 42:8

Ita ngarud, mangalakay iti pito a toro a baka ken pito a kalakian a karnero sayo ited ken ni Job, ket puoranyo dagitoy nga animal a kas datonyo. Idawdawatannakayto ni Job ket sungbatakto ti kararagna. Iti kasta, dikayto ibabain a kas iti kaikarianyo. Ngamin, saan a pudno ti imbagayo maipapan kaniak a kas iti inaramid ni Job.”

Dagiti Salmo 106:23

Idi imbaga ti Dios a pukawenna dagiti tattaona, bimmallaet ni Moises nga adipen a pinilina, ket dina impatuloy a bumtak ti pungtotna a mangdadael kadakuada.

Dagiti Salmo 78:34

Tunggal adda dagiti papatayenna kadakuada, isu metten ti panagbirok kenkuana dagiti dadduma, agbabawida ket sipapasnekda nga agkararag kenkuana.

Exodo 10:17

Pangngaasiyo ta pakawanenyo ti basolko, uray ita laeng. Idawdawatyo iti Apo a Diosyo nga ikkatenna kaniak daytoy makapatay a dusa.”

Exodo 32:11

Ngem nagpakpakaasi ni Moises ken ni Yahweh a Diosna ket kinunana, “Apo, apay a kapungtotmo dagiti tattaom, isuda a winayawayaam idiay Egipto babaen iti naindaklan a pannakabalinmo?

Exodo 32:30

Kabigatanna, kinuna ni Moises kadagiti tattao, “Nadagsen unay ti nagbasolanyo. Ngem ita, innak iti Apo iti bantay bareng no maipamuspusak ti pannakapakawanyo.”

Exodo 8:28

Kinuna ti ari, “Palubosankayo a mapan agidaton iti Apo a Diosyo iti let-ang ngem saankayo nga umadayo unay. Ikarkararagandak.”

Exodo 8:4

Kalay-atendakanto, kasta met dagiti tattaom ken dagiti amin nga ofisialesmo.’”

Exodo 8:8

Pinaayaban ti ari da Moises ken Aaron, ket kinunana, “Idawatyo iti Apo nga ikkatenna dagitoy a tukak ket palubosakon dagiti tattaoyo a mapan agidaton iti Apo.”

Isaias 26:16

Dinusam dagiti tattaom, O Apo, ket idi marigatanda, immasugda kenka.

Jeremias 15:1

Kinuna ti Apo kaniak, “Uray no da Moises ken Samuel ti agparintumeng, diak kaasian dagitoy a tattao. Papanawem ida; diak kayat a makita ida.

Jeremias 37:3

Imbaon ni Ari Zedekias ni Jehucal nga anak ni Selemias ken ni Sofonias a padi nga anak ni Maaseyas, nga umay kaniak ket kiniddawda nga agkararagak ken ni Yahweh a Diosmi para iti pagilianmi.

Oseas 5:15

“Panawakto dagiti tattaok agingga nga umdas ti panagsagabada gapu kadagiti basbasolda. Nalabit nga iti panagsagabada, ikagumaandakto a biroken.”

Numero 11:2

Nagpatulong dagiti tattao ken ni Moises, isu a nagkararag ken ni Yahweh ket naiddep ti apuy.

San Mateo 27:4

“Nagbasolak!” kinunana, “ta inyawatko a mapapatay ti maysa a tao nga awan basolna.” “Ania ti bibiangmi?” kinunada kenkuana. “Problemam daytan.”

Dagiti Aramid 8:24

Kinuna ni Simon kada Pedro ken Juan, “Pangngaasiyo ta idawdawatandak iti Apo tapno saan a mapasamak kaniak ti uray ania kadagitoy.”

Taga-Roma 10:1

Kakabsatko, tarigagayak iti amin a pusok a maisalakan koma dagiti kadaraak! Nasged ti panangidawdawatko kadakuada iti Dios!

Deuteronomio 9:20

Nakapungtot met ti Apo ken ni Aaron ket kayatna idi a pukawen. Iti kasta, indawdawatak met ni Aaron.

Santiago 5:16

Ngarud, ipudnoyo dagiti basbasolyo iti tunggal maysa. Ikarkararaganyo ti tunggal maysa tapno maagasankayto. Adda nabileg a pannakabalin a parnuayen ti kararag ti nalinteg a tao.

1 Samuel 15:24

“Wen, nagbasolak,” insungbat ni Saul. “Diak tinungpal ti bilin ti Apo ken dagiti bilinmo. Nagbutengak kadagiti tattaok, isu a sinurotko ti kayatda a maaramid.

1 Samuel 15:30

Kinuna ni Saul, “Pudno a nagbasolak. Ngem iti daytoy a gundaway, ipakitam koma ti panagraemmo kaniak iti imatang dagiti pangulo dagiti tattaok ken iti amin nga Israel. Kumuyogka koma kaniak nga agsubli tapno agdaydayawak iti Apo a Diosmo.”