Numero 21:2 - Ti Baro a Naimbag a Damag Biblia

² Insapata dagiti Israelita iti Apo: “No palubosannakami a mangparmek kadagitoy a tattao, idatonmi kenka ida ken dagiti siudadda ket dadaelenmi ida.”

Ti Biblia (1973)

² Ket ti Israel nangipaay iti maysa a cari ken Jehova ket kinunana, No pudno a yawatmonto iti imac dayta nga ili, talipupusecto a dadaelen dagiti il-ilida.

Numero 21:2 Iomraidhean Croise

Genesis 28:20

Insapata ni Jacob ken ni Yahweh a Dios, “No addaka kaniak ket salaknibannak iti daytoy a panagdaliasatko, no ikkannak iti taraon ken kawes,

Dagiti Salmo 116:18

Iti taripnong dagiti amin a tattaom, iti paraangan ti balay ti Apo idiay Jerusalem, tungpalekto ti inkarik kenkuana. Madaydayaw ti Apo!

Dagiti Salmo 132:2

Lagipem met, O Apo, ti inkarina, ti kari a sinapataanna kenka, a Mannakabalin a Dios ni Jacob:

1 Taga-Corinto 16:22

Mailunod koma ti siasinoman a di agayat iti Apo! Maranatha—Umayka, Apomi!

Deuteronomio 13:15

patayenyo amin nga agnaed iti dayta nga ili ken amin a bakada. Dadaelenyo a mamimpinsan dayta nga ili.

Deuteronomio 13:16

Ummongenyo dagiti amin a sanikua dagiti tattao nga agnaed sadiay ket ipanyo iti plasa. Kalpasanna, puoranyo ti ili ken amin a linaonna kas daton iti Apo a Diosyo. Bay-anyo nga aglangalang dayta nga ili iti agnanayon ket dinton mabangon.

Deuteronomio 20:16

“Ngem no sakupenyo dagiti siudad iti daga nga ited kadakayo ti Apo a Diosyo, papatayenyo dagiti amin nga agnaed.

Deuteronomio 7:2

Inton yawat ti Apo a Diosyo dagitoy a tattao iti pannakabalinyo, masapul a papatayenyo amin ida. Dikay makikadua kadakuada; diyo kaasian ida.

Josue 6:17

Masapul a madadael a mamimpinsan ti siudad ken ti amin a linaonna a kas daton iti Apo. Ni laeng Rahab a balangkantis a babai, ken amin nga adda iti balayna ti maispal gapu ta inlemmengna dagiti imbaontayo nga espia.

Josue 6:26

Iti dayta a tiempo, siiinget nga impakdaar daytoy ni Josue, “Siasinoman a mangbangon iti siudad nga Jerico, ilunodto ti Apo. Siasinoman a mangikabil iti fondasion, matayto ti inauna nga anakna a lalaki. Siasinoman a mangikabil kadagiti ruanganna, matayto ti inaudi nga anakna.”

Uk-ukom 11:30

Inkari ni Jefte ken ni Yahweh: “No maparmekko dagiti Ammonita,

1 Samuel 1:11

Adda kari a sinapataan ni Ana: “O Apo a Mannakabalin-amin, ipangagnak kadi nga adipenmo. Kitaem ti parikutko ket lagipennak! Wen, dinak koma liplipatan! No ikkannak iti anak a lalaki, ikarik nga idaton kenka iti unos ti panagbiagna, ket pulos a dinanto papukisan ti buokna.”