Numero 2:2 - Ti Baro a Naimbag a Damag Biblia

² No agkampo dagiti Israelita, agkampo ti tunggal maysa iti babaen iti wagayway ti bunggoyna ken iti bandera ti kapuonanna. Maipatakder dagiti toldada iti lawlaw ti Tolda a Paguummongan.

Ti Biblia (1973)

² Dagiti annac ti Israel agpacarsodanto tunggal lalaki iti sibay ti wagaywayna met laeng agraman cadagiti tanda dagiti balbalay dagiti ammada: iti maibatog iti tolda ti gimong agpacarsodanto iti lawlawna.

Numero 2:2 Iomraidhean Croise

Dagiti Salmo 74:4

Iti uneg ti nasantoan a Templom, nagdir-i dagiti kabusormo iti panagballigida; inkabilda sadiay dagiti bandera ti panangabakda.

Dagiti Salmo 76:11

Tungpalenyo dagiti kariyo iti Apo a Diosyo. Rebbeng dagiti tattao nga ipan dagiti sagutda kenkuana, isu a pagbutngan dagiti tattao.

Isaias 12:6

Agpukkaw ken agkanta koma dagiti amin nga agnaed iti Sion! Naindaklan ti Nasantoan a Dios ti Israel, ket agnaed iti sidong dagiti tattaona.”

Isaias 18:3

Dumngegkayo, dakay amin nga agnaed iti lubong, dakay amin nga agnaed iti daga! Kitaenyo ti bandera a maibayog iti tapaw dagiti bantay! Denggenyo ti aweng ti trumpeta!

Ezekiel 43:7

Kinunana, “Anak ti tao, daytoy ti tronok. Makipagnaedak ditoy kadagiti Israelita ket iturayak ida iti agnanayon. Saanton a tulawan dagiti Israelita ken dagiti arida ti nasantoan a naganko babaen iti panagdaydayawda kadagiti didiosen wenno babaen iti panangipasdekda iti monumento dagiti natay nga arida.

Zacarias 9:16

Inton dumteng dayta nga aldaw, isalakanto ti Apo dagiti tattaona, a kas iti panangispal ti agpaspastor iti arbanna. Agraniagdanto iti dagana a kasla napateg a bato a naitampok iti korona.

Numero 1:50

Dutokam ketdi dagiti Levita nga agaywan iti Tolda ti Dios ken amin nga alikamenna. Isuda ti para-bagkat iti tolda ken kadagiti alikamenna. Agserbida iti unegna ket agkampoda iti lawlawna.

Numero 10:14

Tunggal umalisda, isu met la nga urnos ti pannagnada. Umuna a magna dagiti adda iti babaen ti wagayway ti bunggoy nga ipanguloan ti tribu ti Juda. Nabunggo-bunggoyda ket ni Naason nga anak ni Aminadab ti panguloda.

Numero 10:18

Sumaruno nga agrubbuat dagiti adda iti babaen ti wagayway ti bunggoy nga ipanguloan ti tribu ti Ruben. Nabunggo-bunggoyda ket ni Elizur nga anak ni Sedeur ti panguloda.

Numero 10:22

Sumaruno nga agrubbuat dagiti adda iti babaen ti wagayway ti bunggoy nga ipanguloan ti tribu ti Efraim. Nabunggobunggoyda ket ni Elisama nga anak ni Amiud ti panguloda.

Numero 10:25

Kamaudianna, agrubbuat dagiti adda iti babaen ti wagayway ti bunggoy nga ipanguloan ti tribu ti Dan. Isuda ti adda iti likud a pannakasalaknib dagiti amin a bunggoy iti sangoanan. Nabunggo-bunggoyda ket ni Ahiezer nga anak ni Amisadai ti panguloda.

Numero 2:1

Inted ni Yahweh kada Moises ken Aaron dagiti sumaganad nga alagaden.

Numero 2:10

Iti akin-abagatan, agkampo dagiti adda iti babaen ti wagayway ti Ruben iti grupoda nga ipanguloan dagiti panguloda. Kastoy ti urnosda: Tribu Pangulo Bilang Ruben Elizur nga anak ni Sedeur 46,500 Simeon Selumiel nga anak ni Zurisadai 59,300 Gad Eliasaf nga anak ni Deuel 45,650 Dagup: 151,450 Ti bunggoy ti Ruben ti sumaruno nga agluas.

Numero 2:3

Iti akindaya, agkampo dagiti adda iti babaen ti wagayway ti Juda iti grupoda nga ipanguloan dagiti panguloda. Kastoy ti urnosda: Tribu Pangulo Bilang Juda Naason nga anak ni Aminadab 74,600 Issacar Netanel nga anak ni Suar 54,400 Zabulon Eliab nga anak ni Helon 57,400 Dagup: 186,400 Ti bunggoy ti Juda ti umuna nga agluas.

Numero 24:2

ket nakitana dagiti Israelita a nagkampo a nabunggo-bunggoy iti tunggal tribu. Inturayan ti espiritu ti Dios

1 Taga-Corinto 14:33

agsipud ta ti Dios saan a Dios ti riribuk no di ket panagtutunos. Kas maar-aramid kadagiti amin nga iglesia dagiti tattao ti Dios,

1 Taga-Corinto 14:40

Masapul a maaramid nga umno ken naurnos ti amin a banag.

Taga-Filipos 1:27

Mayannurot koma ngarud ti panagbiagyo iti ebanghelio ni Cristo, ta sarungkarankayo man wenno saan, madamagko koma a natibkerkayo iti maymaysa a panggep, ken sangsangkamaysakayo a makidangadang gapu iti pammati a naibatay iti ebanghelio.

Taga-Colosas 2:19

Insardengnan ti panagtalinaedna ken Cristo nga ulo ti bagi. Ni Cristo ti mangtaraon iti entero a bagi, ken pagkakamangenna dagiti nagsusuopan ken ur-uratna ket padakkelenna segun iti kayat ti Dios a panagdakkelna.

Josue 3:4

Ipakaammoda no sadino ti pagnaanyo, ta dikay pay nagnagna ditoy. Ngem dikay umas-asideg iti Lakasa ti Tulag. Paunaenyo iti agarup kagudua a kilometro.”