Numero 19:9 - Ti Baro a Naimbag a Damag Biblia

⁹ Kalpasanna, maummong dagiti dapu ti napuoran a baka sa maikabil iti lugar a maibilang a nadalus iti ruar ti kampo. Annongen daytoy ti tao a maibilang a nadalus. Aramaten dagiti Israelita ti dapu a pangisagana iti danum iti seremonia ti panangikkat iti kinarugit, gapu ta naidaton ti baka a maipaay iti basol.

Ti Biblia (1973)

⁹ Ket maysa a tao a nadalus umongennanto dagiti dapo ti urbon a vaca ket idulinnanto iti ruar ti pacarso iti maysa a disso a nadalus; ket maaywananto nga agpaay iti gimong dagiti annac ti Israel a maysa a danum a maipaay iti kinarugit; isu ti maysa a daton gapu iti basol.

Numero 19:9 Iomraidhean Croise

Levitico 15:20

Narugit ti amin a pagiddaan wenno pagtugawanna bayat ti panagreglana.

Zacarias 13:1

Kuna ni Yahweh a Mannakabalin-amin, “Inton dumteng dayta a tiempo, addanto ubbog a maluktan nga agpaay kadagiti kaputotan ni David ken dagiti tattao iti Jerusalem tapno maugasan ti basol ken kinarugitda.

Numero 19:13

Agtalinaed a narugit ti mangsagid iti maysa a bangkay a dina dalusan ti bagina agsipud ta saan a nabuyatan iti danum a maaramat iti seremonia ti pannakadalus. Tulawanna ti Tolda ti Dios ket mailaksid kadagiti tattao ti Dios.

Numero 19:17

Tapno maikkat ti kinarugit, masapul ti dapu ti baka a napuoran a pangikkat iti basol; ikabil iti banga a nakargaan iti kasaksakdo a danum.

Numero 19:18

Mangala ti siasinoman a maibilang a nadalus iti saringit ti hisopo, itanebna iti danum sana warsian ti tolda, dagiti amin nga alikamen iti unegna ken dagiti tattao nga adda sadiay. Kasta met a tao a nadalus iti imatang ti linteg ti mangwarsi iti tao a nangsagid iti tulang ti tao wenno tanem wenno bangkay.

Numero 19:3

Maipan met laeng daytoy nga animal ken ni Eleazar a padi tapno maparti iti ruar ti kampo iti imatangna.

Numero 19:8

Masapul met a labaan ti tao a nangpuor iti baka ti pagan-anayna sana buyatan ti bagina iti danum ngem agtalinaed met a narugit iti imatang ti linteg agingga iti rabii.

Numero 6:12

iti Apo, kasta met ti tiempona a kas Nazireo. Saan a maibilang daydi tiempona a pannakaidatonna ta natulawan ti buokna. Kas daton a pagsupapak, mangidatag iti karnero a maysa ti tawenna.

Numero 8:7

iti kastoy a wagas: warsiam ida iti danum a pagdalus ket pakiskisam ti entero a bagida ken palabaam ti pagan-anayda. Kalpasanna, agbalindan a nadalus iti imatang ti linteg.

Numero 9:13

Ngem ti siasinoman a narugit iti imatang ti linteg ken saan a nagbiahe a mangrambak iti Fiesta ti Paskua, mailaksid kadagiti tattaok ta dina indaton kaniak ti daton iti naituding a tiempo. Masapul a sagabaenna ti dusa ti basolna.

2 Taga-Corinto 5:21

Awan basol ni Cristo. Ngem gapu kadatayo, imbaklayna dagiti basoltayo tapno iti pannakikaysatayo kenkuana, mairanudtayo iti kinalinteg ti Dios.

2 Taga-Corinto 7:1

Naikari amin dagitoy kadatayo, patgek a gagayyem! Ngarud, awan koma ti pakapilawantayo babaen iti panangikkattayo iti amin a makatulaw iti bagi ken kararuatayo. Ket naan-anay koma a nasantoantayo babaen iti panagbiag a sibubuteng iti Dios.

Hebreo 7:26

Ngarud, ni Jesus ti Kangatoan a Padi a makaaramid iti amin a kasapulantayo. Nasantoan, awan tulaw wenno basolna, naisina kadagiti managbasol ket naipangato sadi langit.

Hebreo 9:13

Maugasan dagiti tattao a makuna a “saan a nadalus,” babaen iti pannakawarsida iti dara dagiti kalding ken baka ken dagiti dapu ti napuoran nga urbon ti baka.