Numero 18:4 - Ti Baro a Naimbag a Damag Biblia

⁴ Masapul a makipagtrabahoda kadakayo ket tungpalenda dagiti annongenda iti amin a panagserbi iti Tolda. Saan a makipagtrabaho kadakayo dagiti saan a mapalubosan a tattao.

Ti Biblia (1973)

⁴ Ket maitipondanto kenca, ket salimetmetandanto ti panagaywan iti tolda ti gimong, a maipaay iti isu-amin a maaramid it Tabernaculo: ket didanto umadani kenca dagiti sangsangaili.

Numero 18:4 Iomraidhean Croise

Ezekiel 44:14

Ipaannongko kadakuada ti amin a trabaho ti adipen iti Templo.”

Numero 1:51

Tunggal yalisyo ti kampoyo, lasangenda ti tolda sadanto man met laengen sangalen iti baro a pagkampoanyo. Mapapatay ti siasinoman a saan a Levita nga umasideg iti tolda.

Numero 1:53

Ngem agkampo dagiti Levita iti lawlaw ti Tolda ti Dios tapno guardiaanda ket iti kasta awan ti umasideg a pakaigapuan ti panagdissuor ti pungtotko iti gimong ti Israel.”

Numero 18:3

Aramidenda ti pagrebbenganda kadakayo ken iti Tolda ngem di maipalubos nga umasidegda kadagiti nasagradoan nga alikamen iti santuario wenno iti altar. No aramidenda ti kasta, agpapadakayo amin a mapapatay.

Numero 18:5

Dakay laeng kadagiti annakmo ti mangannong kadagiti trabahoyo iti Nasantoan a Lugar ken iti altar tapno saan nga agdissuor ti pungtotko kadagiti Israelita.

Numero 3:10

Dutokam ni Aaron ken dagiti annakna a mangakem kadagiti pagrebbengan ti kinapadi; mapapatay ti siasinoman nga agannong a padi a saan a kaputotan ni Aaron.”

Numero 31:30

Iti bingay dagiti tattao, mangalakayo iti maysa iti tunggal 50 a balud, kasta met kadagiti baka, asno, karnero ken kalding. Itedyo dagitoy kadagiti Levita nga agay-aywan iti Tolda ti Dios.”

Numero 8:26

Kalpasan dayta, mabalinna ti tumulong kadagiti padana a Levita kadagiti annongda iti Tolda ngem dina mabalin ti agaramid iti aniaman a panagserbi a maymaysana. Kastoy ti panangitudingmo iti annong dagiti Levita.”

1 Samuel 6:19

Pinatay ni Yahweh ti 70 nga umili iti Betsemes, gapu ta kinitada ti uneg ti Lakasa ti Tulag. Nagladingit dagiti tattao, agsipud ta adu ti pinatayna kadakuada.