Numero 16:5 - Ti Baro a Naimbag a Damag Biblia

⁵ Kalpasanna, kinunana ken ni Kora ken kadagiti pasurotna, “Inton agsapa no bigat, ipakaammonto kadatayo ti Apo no siasino dagiti tattao a pinilina nga umasideg kenkuana iti altar.

Ti Biblia (1973)

⁵ Ket nakisao ken Core ken amin a cadduana, a kinunana, Intono bigat, iparangto ni Jehova no asino ti taona, ken asino ti nasantoan, ken paasitgennanto iti dennana: a ti piliennanto met laeng, paasitgennanto kencuana.

Numero 16:5 Iomraidhean Croise

Dagiti Salmo 105:26

Imbaonna ni Moises nga adipenna, agraman ken ni Aaron a pinilina.

Dagiti Salmo 115:10

Agtalekkay iti Apo, dakayo amin a papadi ti Dios! Tulongan ken salaknibannakayo.

Dagiti Salmo 65:4

Nagasat dagiti piliem a tattao, isuda nga awisem nga agtaeng iti santuariom! Mapnekkaminto iti agkakaimbag iti balaymo, kadagiti bendision iti nasantoan a Templom!

Exodo 28:1

“Ayabam ni Aaron a kabsatmo agraman da Nadab, Abiu, Eleazar ken Itamar nga annakna. Ilasinmo ida kadagiti Israelita tapno agserbida kaniak a kas papadi.

Exodo 28:41

Ikawesmo dagitoy ken ni kabsatmo nga Aaron ken kadagiti annakna. Kalpasanna, ordenam ida babaen iti pananglanam iti uloda tapno agserbida kaniak a kas papadi.

Exodo 28:43

Masapul a kanayon nga usaren ni Aaron dagitoy ken dagiti annakna no sumrekda iti Toldak wenno umasidegda iti altar nga agserbi a kas padi iti Nasantoan a Disso tapno dida agbasol ket mapapatayda. Agnanayon daytoy nga alagaden ni Aaron ken dagiti kaputotanna.

Jeremias 30:21

Agtaudto iti nasionda ti mangituray kadakuada, agtaudto ti prinsipeda kadagiti tattaoda. Ayabakto ket umasidegto kaniak, ta awan ti umay a saan a naawis. Isudanto dagiti tattaok, ket siakto ti Diosda. Siak, ni Yahweh, ti nagsao iti daytoy.”

Jeremias 49:19

Umayakto a kas iti leon a rummuar iti nasamek a bakir a mapan iti nalangto a pagaraban iti abay ti Karayan Jordan. Kellaatekto a kamaten dagiti Edomita ket agtataraydanto a mangpanaw iti dagada. Iturayanto ida ti piliek a pangulo. Siasino ti kas kaniak? Siasino ti kumarit kaniak? Siasino ti agturay a bumusor kaniak?

Jeremias 50:44

“Umayakto a kas iti leon a rummuar iti nasamek a bakir a mapan iti nalangto a pagaraban iti abay ti Karayan Jordan. Kellaatekto a kamaten dagiti taga-Babilonia ket agtataraydanto a mangpanaw iti siudadda. Iturayanto ida ti piliek a pangulo. Siasino ti kas kaniak? Siasino ti kumarit kaniak? Siasino ti agturay a bumusor kaniak?

Ezekiel 40:46

ket ti kuarto a sumango iti amianan agpaay kadagiti papadi nga agserbi iti altar. Nagtaudda amin iti kaputotan ni Zadok; isuda laeng ti makastrek iti sangoanan ti Apo tapno agserbida kenkuana.

Ezekiel 43:19

Dagiti laeng Levita a papadi a kaputotan ni Zadok ti umay dumatag nga agserbi kaniak. Siak, ti Apo a Dios, ti mangibilin iti daytoy. Ikkamto ida iti bumaro a baka nga idatagda a kas daton gapu iti basol.

Ezekiel 45:4

Nasantoanto daytoy a paset ti pagilian a mailasin nga agpaay kadagiti papadi nga agserbi iti Apo iti Templona. Ditoyto ti pakabangonan dagiti balbalayda ken pakaipatakderan ti Templo.

Levitico 10:3

Kalpasanna, kinuna ni Moises ken ni Aaron, “Daytoy ti kayat a sawen ti Apo idi kinunana, ‘Masapul a raemen dagiti amin nga agserserbi kaniak ti kinasantok. Iparangarangkonto ti dayagko kadagiti tattaok.’” Ngem nagulimek ni Aaron.

Levitico 8:2

“Ipanmo ni Aaron ken dagiti annakna iti ruangan ti Tolda. Itugotmo dagiti kawes dagiti papadi, ti lana a pagkonsagrar, ti bumaro a baka a maidaton gapu iti basol, ti dua a kalakian a karnero ken ti sangabasket a tinapay nga awan lebadurana.

Malakias 3:18

Makitanto manen dagiti tattaok ti paggiddiatan ti mapasamak iti tao a nalinteg ken ti managdakdakes, ti agserbi kaniak ken ti saan.”

Numero 16:3

Naguummongda iti sango da Moises ken Aaron ket kinunada kadakuada, “Aglablabeskayon! Kukua ti Apo ti amin a kameng ti gimong ket adda ti Apo kadatay amin. Moises, apay nga insaadyo ti bagiyo a nangatngato ngem ti gimong ti Apo?”

Numero 16:6

Inton agsapa no bigat, mangalakayto kadagiti insensario, kargaanyo iti beggang ken insenso ket ipanyo dagitoy iti altar. Kitaentayto no siasino kadatayo ti pinili ti Apo. Dakayo ketdi a Levita ti aglablabes ti aramidna!”

Numero 17:5

Agsaringitto ti sarukod ti tao a piliek. Kastoy ti panangpasardengko kadagiti reklamo dagiti Israelita a maibusor kadakayo.”

Numero 17:8

Idi sumrek ni Moises iti Tolda iti sumuno nga aldaw, nakitana a nagsaringit ti sarukod ni Aaron a mangibagi iti tribu ni Levi. Malaksid kadagiti bulong, nagsabong pay ket nagbunga iti naluluom nga almendras!

San Juan 15:16

Saan a dakayo ti nangpili kaniak, no di ket siak ti nangpili kadakayo. Imbaonkayo a mapan ken agbunga iti adu, ket manayon koma ti bungayo. Iti kasta, itedto ti Ama kadakayo ti aniaman a dawatenyo kenkuana iti naganko.

Dagiti Aramid 1:2

agingga iti aldaw a yuulina sadi langit. Sakbay ti yuulina babaen iti pannakabalin ti Espiritu Santo, binilinna dagiti pinilina nga apostoles.

Dagiti Aramid 1:24

Kalpasanna, inkararagda, “Apo, ammom ti pampanunoten ti tunggal maysa. Ipakitam koma kadakami no siasino kadagiti dua ti pinilim

Dagiti Aramid 13:2

Kabayatan ti panagdaydayawda iti Apo ken panagay-ayunarda, kinuna ti Espiritu Santo kadakuada, “Ilasinyo da Bernabe ken Saulo. Isuda ti pinilik a mangaramid iti trabaho a naituding kadakuada.”

Dagiti Aramid 15:7

Kalpasan ti nabayag a panagsusuppiatda, timmakder ni Pedro ket kinunana, “Kakabsatko, pagaammoyo a kadagiti immun-una nga aldaw, siak a maysa kadakayo, pinilinak ti Dios a mangikasaba iti Naimbag a Damag kadagiti Hentil tapno dumngeg ken mamatida.

Dagiti Aramid 22:14

“‘Pinilinaka ti Dios dagiti kapuonantayo,’ kinunana, ‘tapno maammoam ti pagayatanna, tapno makitam ti nalinteg nga Adipenna ken tapno mangngegmo ti mismo a timekna.

Taga-Efeso 2:13

Ngem ita, babaen ti pannakikaysayo ken ni Cristo Jesus, dakayo nga adayo idi, nayasidegkayo gapu ta natay ni Cristo a kas sakrifisio iti krus.

2 Timoteo 2:19

Ngem natibker ken di magunggon ti fondasion nga impasdek ti Dios. Nailanad dagitoy a balikas: “Ammo ti Apo no siasino dagiti tattaona,” ken “Siasinoman nga agkuna a mamati iti Apo, masapul nga adaywanna dagiti dakes nga aramid.”

Hebreo 12:14

Ikagumaanyo ti makikappia iti amin a tattao. Ikagumaanyo met ti agbiag a nasantoan amangan no diyonto makita ti Apo.

Paltiing 1:6

Pinagbalinnatayo a pagarian, ken papadi nga agserbi iti Dios ken Amana. Ipaduyakyaktayo ti agnanayon a dayag ken pannakabalin ni Jesu-Cristo! Amen.

1 Samuel 2:28

Pinilik ida kadagiti amin a tribu ti Israel tapno agbalinda a papadi nga agserbi kaniak iti altar, agpuor iti insenso ken agaruat iti efod a makiuman kaniak. Inikkak ida iti kalintegan a makibingay kadagiti daton a mapuoran iti altar.