Numero 15:3 - Ti Baro a Naimbag a Damag Biblia

³ Mabalin a maidatag iti Apo ti toro a baka, kalakian a karnero, maysa nga urbon ti karnero wenno kalding, a kas daton a mapuoran wenno daton a pagtungpal iti kari wenno daton nga agtaud iti bukod a nakem wenno kas daton kadagiti naituding a nasantoan a fiestayo. Nabanglo dagitoy a daton iti Apo.

Ti Biblia (1973)

³ Ket mangaramidcayto iti maysa a daton iti apuy ken Jehova, maysa a daton a mapuuran, wenno maysa a sacrificio, a pagtungpal iti cari, wenno cas maysa a daton ti sibubulos a nakem, wenno cadagiti natudingan a fifiestayo, tapno maaramid ken Jehova ti maysa a nabanglo a sayamusom, pangen dagiti an-animal a dadackel, wenno arban dagiti an-animal a babassit:

Numero 15:3 Iomraidhean Croise

Genesis 8:21

Nalang-ab ni Yahweh ti nabanglo nga ayamuom ti sakrifisio ket kinunana iti nakemna, “Pulos a diakton ilunod ti daga gapu iti aramid ti tao. Ammok a dakes ti panunotna manipud kinaubingna. Diakton dadaelen ti aniaman nga adda biagna a kas iti inaramidko.

ESDRAS 7:17

“Gastoem ti kuarta iti rumbeng a pakausaranna. Gumatangkanto kadagiti toro a baka, kalakian a karnero, urbon ti karnero, daton a makan ken arak a mainum ket idatonmonto ida iti altar iti Templo idiay Jerusalem.

Dagiti Salmo 54:6

Siraragsakakto a mangipaay iti datonko kenka; O Apo, agyamanakto kenka ta naimbagka.

Exodo 29:18

Puoram ti sibubukel a karnero iti rabaw ti altar a kas daton a makan. Maragsakanak iti nabanglo nga ayamuom daytoy a daton.

Exodo 29:25

Kalpasanna, alaem dagitoy kadakuada samo puoran iti altar, iti rabaw ti daton a mapuoran a kas daton a makan a maidatag kaniak. Maragsakanak iti ayamuom daytoy a daton.

Exodo 29:41

Pakuyogam met ti maikadua a daton iti isu met laeng ti kaadu ti arina, lana ti olibo ken arak a kas iti maidatag iti bigat. Daytoy ti daton a makan a maidatag kaniak, ni Yahweh, ket maragsakanak iti ayamuomna.

Levitico 10:13

Wen, kanenyo iti nasantoan a lugar, ta paset daytoy ti taraon a naidaton iti Apo ken nailasin nga agpaay kadakayo nga agaama. Daytoy ti imbilin kaniak ti Apo.

Levitico 27:2

dagiti sumaganad nga alagaden nga agpaay kadagiti Israelita. No naited ti maysa a tao iti Apo a kas pagtungpal iti naisangsangayan a kari, mabalin a mawayawayaan babaen iti pannakaited dagitoy a gatad a kas bayad,

Levitico 7:16

Ngem no maidatag ti daton a pakikappia a pangtungpal ti tao iti maysa a sapata wenno daton nga agtaud iti bukodna a nakem, saan a nasken a kanen amin iti dayta nga aldaw a pannakaidatagna. Mabalin a kanen ti mabati iti sumuno nga aldaw.

Numero 28:27

Mangidatagkayo iti daton a mapuoran a nabanglo iti Apo: dua a bumaro a baka, maysa a kalakian a karnero ken pito nga urbon ti karnero a maysa ti tawenda ken awan depektoda.

Numero 29:8

Mangidatagkayo iti daton a mapuoran a nabanglo iti Apo. Adtoy dagiti idatonyo: maysa a bumaro a baka, maysa a kalakian a karnero ken pito nga urbon a karnero a maysa ti tawenda ken awan depektoda.

Numero 6:15

Malaksid dagitoy, mangidaton pay iti sangabasket a tinapay nga awan lebadurana ken naaramid iti arina a nalaokan iti lana ti olibo, ken naiingpis a kankanen a napulagidan iti lana ti olibo. Mangitugot met kadagiti daton a makan ken arak.

San Mateo 3:17

Ket kinuna ti maysa a timek a naggapu sadi langit, “Daytoy ti dungdungngoek nga Anak a pakaragsakak unay.”

2 Taga-Corinto 2:15

Mayarigkami iti nabanglo nga insenso a puoran ni Cristo a maidaton iti Dios ket agwaras kadagiti maisalakan ken kadagiti mapukaw.

2 Taga-Corinto 2:16

Kadagiti mayaw-awan, makapatay daytoy nga ayamuom. Kadagiti maisalsalakan, maysa nga ayamuom a mangted iti biag. Siasino ngarud ti makabael iti daytoy a trabaho?

Taga-Efeso 5:2

Ti koma ayat ti mangiturong iti panagbiagyo, kas iti ayat nga impaay ni Cristo kadatayo babaen iti pannangtedna iti biagna gapu kadatayo, kas nabanglo a sagut ken daton a makaparagsak iti Dios.

Deuteronomio 12:11

Mangpilinto ti Apo iti lugar a pagdaydayawan kenkuana. Sadiayto ti pangidataganyo kenkuana iti amin nga imbilinko: dagiti datonyo a mapuoran ken dagiti dadduma a datonyo, dagiti apagkapullo ken dagiti sagutyo, agraman dagiti naisangsangayan a sagut nga ikariyo iti Apo.

Deuteronomio 12:17

Diyo mabalin a kanen iti iliyo ti aniaman nga idatagyo nga apagkapullo iti Apo; mairaman ditoy ti apagkapullo ti irikyo, ti arakyo ken ti lana ti oliboyo. Saan a sadiay ti pangananyo iti umuna nga anak ti baka ken karneroyo wenno dagiti sagut nga ikariyo kenkuana wenno dagiti sagut a nagtaud iti nakemyo wenno dagiti dadduma a sagut.

Deuteronomio 12:6

Sadiayto ti pangidataganyo kadagiti datonyo a mapuoran ken dagiti dadduma a datonyo, dagiti apagkapullo, dagiti sagut nga ikariyo iti Apo, dagiti agtaud iti bukodyo a nakem ken dagiti umuna nga anak dagiti baka ken karneroyo.

Taga-Filipos 4:18

Adtoy ngarud nga awatek dagiti amin nga intedyo kaniak, ket agyamanak unay. Nagsursurok pay ti intedyo. Adda aminen a masapulko, ita ta inyeg ni Epafrodito dagiti amin a sagutyo. Arigda ti daton a nabanglo ti ayamuomna iti Dios, maysa a sakrifisio a maikari ken makaparagsak kenkuana.