Numero 11:16 - Ti Baro a Naimbag a Damag Biblia

¹⁶ Kinuna ni Yahweh ken ni Moises, “Mangummongka iti pitopulo a panglakayen a mabigbig a pangulo dagiti tattao. Idatagmo kaniak ida iti Tolda ket ibagam kadakuada nga agtakderda sadiay iti abaymo.

Ti Biblia (1973)

¹⁶ Ket ni Jehova kinunana ken Moises, Ummongem iti yanco ti pitopulo a lallaki cadagiti lallacay ti Israel, nga ammom nga isuda ti calalacayan ti ili ken agturay cadacuada; ket yegmo ida iti tolda ti gimong tapno makipagyanda kenca idiay.

Numero 11:16 Iomraidhean Croise

Genesis 46:27

Dua ti annak ni Jose a nayanak idiay Egipto, isu a 70 amin ti kameng ti familia ni Jacob sadiay.

Exodo 18:25

Nangpili kadagiti makabael a lallaki kadagiti amin nga Israelita. Dinutokanna ida a kas pangulo dagiti rinibu, dagiti ginasut, dagiti saglilimapulo, ken dagiti sagsasangapulo.

Exodo 24:1

Kinuna ni Yahweh ken ni Moises, “Sumang-atka ditoy bantay. Itugotmo da Aaron, Nadab, Abiu ken ti pitopulo kadagiti panglakayen ti Israel. Inton adayokayo pay laeng iti ayanko, agkurnokayo iti panagdaydayaw.

Exodo 24:9

Simmang-at da Moises, Aaron, Nadab, Abiu ken ti 70 kadagiti panglakayen ti Israel iti bantay.

Exodo 4:29

Nagkuyog da Moises ken Aaron a napan idiay Egipto ket inummongda amin a pangulo dagiti Israelita.

Jeremias 19:1

Imbaga ti Apo a gumatangak iti karamba. Imbilinna a mangikuyogak iti sumagmamano a panglakayen ken sumagmamano a lallakay a papadi.

Ezekiel 8:11

Pitopulo a papangulo nga Israelita ti adda sadiay, agraman ni Jaazanias nga anak ni Safan. Siiiggem ti tunggal maysa iti pagpuoran iti insenso, ket umasimbuyok ti asuk ti insenso.

Numero 11:24

Rimmuar ngarud ni Moises ket imbagana kadagiti tattao ti sao ni Yahweh. Nangayab iti 70 a pangulo ket pinagtakderna ida iti likmut ti Tolda ti Dios.

Numero 16:25

Kalpasanna, napan ni Moises a kaduana dagiti papangulo ti Israel iti ayan da Datan ken Abiram.

San Lucas 10:1

Kalpasan daytoy, pimmili ni Jesus iti pitopulo ket dua pay a lallaki. Imbaonna ida a sagdudua tapno umun-unada a mapan iti tunggal ili ken lugar a papanannanto.

San Lucas 10:17

Siraragsak a nagsubli dagiti pitopulo ket dua. “Apo,” kinunada, “uray dagiti demonio nagtulnogda kadakami idi bilinenmi ida iti naganmo!”

Deuteronomio 1:15

Ngarud, inawatko dagiti panguloyo iti tunggal tribu ket insaadko ida a mangipangulo kadakayo. Adda dagiti mangidalan iti sangaribu a tattao; adda dagiti makaammo iti sangagasut, adda dagiti makaammo iti limapulo ket adda met kadagiti sangapulo. Nangdutokak met kadagiti dadduma nga ofisial nga agturay iti tunggal tribu.

Deuteronomio 16:18

“Mangdutokkayo kadagiti ukom ken dadduma nga ofisiales iti tunggal ili nga ited kadakayo ti Apo a Diosyo. Kas ukom, ibanagda dagiti kaso dagiti tattao nga awan ti idumdumada.

Deuteronomio 31:28

Ummongenyo dagiti amin a panglakayen dagiti tribu ken dagiti panguloyo ket dumatagkayo kaniak tapno ibagak kadakuada dagitoy a banag. Awagak ti langit ken daga nga agsaksi a maibusor kadakuada.