Numero 10:9 - Ti Baro a Naimbag a Damag Biblia

⁹ No adda dagiti mangraut kadakayo iti dagayo, puyotenyo ti pagilasinan ti kaadda ti gubat kadagitoy a trumpeta. Siak, ni Yahweh a Diosyo, ti tumulong ken mangispal kadakayo kadagiti kabusoryo.

Ti Biblia (1973)

⁹ Ket no incayo makigubat iti dagayo a maisupring iti cabusor a mamarigat cadacayo, no casta pagunienyonto iti naariwawa dagiti tangguyob; ket maipalagipcayto iti sango ni Jehova a Diosyo, ket maispalcayto cadagiti cabusoryo.

Numero 10:9 Iomraidhean Croise

Genesis 8:1

Saan a nalipatan ti Dios ni Noe ken dagiti amin nga animal a kaduana iti daong. Pinaganginna ket nangrugi a bimmassit ti danum.

2 Cronicas 13:12

Ti Dios a mismo ti pangulomi ket adda ditoy dagiti papadina a sisasagana a mangpuyot kadagiti trumpetada a mangipakaammo iti pananggubatmi kadakayo. Tattao ti Israel, diyo gubaten ti Apo a Dios dagidi kapuonanyo! Saankayo nga agballigi!”

2 Cronicas 13:14

Inwaras dagiti taga-Juda ti panagkitada ket natakkuatanda a nalikmutda. Nagpatulongda ken ni Yahweh ket pinuyot dagiti papadi dagiti trumpeta.

Dagiti Salmo 106:4

Lagipennak, O Apo, inton paraburam dagiti tattaom; Tulongannak kadi inton isalakanmo ida.

Dagiti Salmo 106:42

Iti ima dagiti kabusorda, naparparigat ken naidadanesda, ket naan-anay ti panangiturayda kadakuada.

Dagiti Salmo 136:23

Dinatay nalipatan idi naparmektayo; agnanayon ti di agbaliw nga ayatna.

Isaias 18:3

Dumngegkayo, dakay amin nga agnaed iti lubong, dakay amin nga agnaed iti daga! Kitaenyo ti bandera a maibayog iti tapaw dagiti bantay! Denggenyo ti aweng ti trumpeta!

Isaias 58:1

Kuna ti Apo, “Agpukkawka iti amin a pigsam! Ipakaammom kadagiti tattaok nga Israelita dagiti basolda!

Jeremias 4:19

Nagsakiten! Diak maibturan ti saemna. Aggutok-gutok ti pusok! Saanak a makatalna. Mangngegko ti uni ti trumpeta ken ti arimbangaw ti gubat.

Jeremias 4:21

Kasano ti kabayag a kitkitaek ti bandera ken dengdenggek ti trumpeta?

Jeremias 4:5

Pagunienyo ti trumpeta iti entero a daga! Agpukkawkay iti nalawag a timek! Ibagayo kadagiti tattao ti Juda ken ti Jerusalem nga agkamangda kadagiti nasarikedkedan a siudad.

Jeremias 49:2

Ngem dumtengen ti tiempo a pannakangngeg dagiti tattao ti Rabba iti ikkis ti gubat. Madadaelto ti siudad ken agbalin a rebrebba ket mapuoranto agingga a dumapu dagiti barbarriona. Kalpasanna, mapasublinto met laeng dagiti Israelita ti naagaw a dagada.

Jeremias 6:1

Tattao ti Benjamin, panawanyo ti Jerusalem! Isalakanyo dagiti bagbagiyo! Puyotenyo ti trumpeta idiay Tekoa! Mangikabilkay iti pagilasinan idiay Bet-hakerem! Adda didigra ken pannakadadael nga aggapu iti amianan.

Jeremias 6:17

Kalpasanna, nangdutok ni Yahweh kadagiti guardia a mangdengngeg iti ballaag ti trumpeta. Ngem kinunada, “Saanmi a kayat a denggen.”

Ezekiel 7:14

Mapuyotto dagiti trumpeta ket agsagananto ti amin ngem awan ti mapan makigubat ta agdissuor ti pungtot ni Yahweh iti tunggal maysa.

Oseas 5:8

Puyotenyo ti tangguyob idiay Gabaa! Pagunienyo ti trumpeta idiay Rama! Ipukkawyo ti ikkis ti gubat idiay Bethaven! Inkayo makigubat, dakayo a tattao ti Benjamin!

Amos 3:6

No aguni ti trumpeta a mangipakaammo iti gubat, saan aya nga agbuteng dagiti tattao iti siudad? Adda kadi nakaal-aliaw a mapasamak iti maysa a siudad a di aramid ti Apo?

Sofonias 1:16

aldaw ti uni ti trumpeta a mangipakdaar iti gubat, aldaw ti ikkis dagiti mannakigubat a mangraut kadagiti nasarikedkedan a siudad ken nangato a pagwanawanan.

Numero 31:6

Imbaon ni Moises ida a makigubat iti babaen ni Finees nga anak ni Eleazar a padi; inkuyogna dagiti nasagradoan nga alikamen ken dagiti trumpeta a pagpakdaar.

1 Taga-Corinto 14:8

No di nalawag ti pannakapuyot ti trumpeta, siasino ti agsagana a makigubat?

Deuteronomio 20:1

Intuloy ni Moises, “No inkay gubaten dagiti kabusoryo ket makitayo dagiti lugan a pakigubat ken dagiti kabalio ken ti armada a nabilbileg ngem ti armadayo, dikay agbuteng kadakuada. Tulongannakayto ti Apo a Diosyo a nangiruar kadakayo idiay Egipto.

Josue 6:5

Kalpasanna, puyotenda ti trumpetada iti napaut. Apaman a mangngeg dagiti tattao, aggigiddandanto nga agriaw ket marbanto ti bakud ti siudad. Sumrekto a dagus ti entero nga armada iti siudad.”

Uk-ukom 10:12

Sidonio, Amalekita ken dagiti Maonita. Gapu ta immawagkayo kaniak, iti kasta, insalakankayo kadakuada.

Uk-ukom 10:8

Iti uneg ti 18 a tawen, pinarparigatda dagiti amin nga Israelita nga agnaed idiay Galaad iti ballasiw ti Karayan Jordan.

Uk-ukom 2:18

Tinulongan ni Yahweh ti tunggal pangulo nga intedna kadakuada tapno isalakanna ida kabayatan ti panagbiag daytoy a pangulo. Kaasian ida ni Yahweh no umasugda gapu iti panagsagaba ken pannakaidadanesda.

Uk-ukom 3:27

apaman a nakadanon sadiay, iti katurturodan ti Efraim, pinuyotna ti tangguyob a mangayab kadagiti Israelita a makigubat. Impanguloanna ida a simmalog.

Uk-ukom 6:34

Ti Espiritu ni Yahweh ti nangidalan ken ni Gideon. Nagtangguyob ni Gideon a pangayabna kadagiti lallaki iti familia ni Abiezer a makigubat.

Uk-ukom 6:9

Insalakankayo kadagiti Egipcio ken kadagiti nangidadanes kadakayo. Pinagtalawko ida ket intedko ti dagada kadakayo.

1 Samuel 10:18

Imbagana kadakuada, “Kuna kadakayo ti Apo a Dios ti Israel nga inruarnakayo idiay Egipto. Insalakannakayo kadagiti Egipcio ken amin a tattao a namarparigat kadakayo.