Numero 10:10 - Ti Baro a Naimbag a Damag Biblia

¹⁰ Iti met panagrarambakyo a kas iti Fiesta ti Lutuad ken kadagiti dadduma a nasantoan a fiesta, puyotenyo dagiti trumpeta no idatagyo dagiti daton a mapuoran ken dagiti daton a pakikappia. Iti kasta, tulongankayto. Siak ni Yahweh a Diosyo.”

Ti Biblia (1973)

¹⁰ Casta met iti aldaw dagiti ragragsacyo, ken cadagiti nakedngan a fifiestayo, ken cadagiti panangrugi dagiti bulbulanyo, pagtimkenyonto dagiti tangguyob iti rabaw dagiti datdatonyo a mapuuran, ken rabaw dagiti sacrificio dagiti datdatonyo gapu iti cappia; ket isudanto cadacayo ti maysa a pacalaglagipan iti sango ti Diosyo; siac ni Jehova a Diosyo.

Numero 10:10 Iomraidhean Croise

2 Ar-ari 4:23

“Apay nga inka kenkuana ita nga aldaw?” sinaludsod ti asawana. “Saan met nga Aldaw a Panaginana wenno Fiesta ti Lutuad.” “Saan a bale,” insungbatna.

1 Cronicas 15:28

Ngarud, kinuyog dagiti amin nga Israelita ti Lakasa ti Tulag iti pannakaipanna idiay Jerusalem. Awan ressat ti panagdidir-ida, ti panaguni ti trumpeta, tangguyob ken piangpiang ken ti pannakatokar dagiti arpa.

1 Cronicas 16:42

Naipaannong pay kada Heman ken Jedutun ti pannakapaguni dagiti trumpeta, piangpiang ken dadduma nga instrumento a mangdanggay kadagiti kanta a pagdaydayaw. Dagiti kamkameng ti familia ni Jedutun ti makaammo iti pannakaguardia dagiti ruangan.

2 Cronicas 29:26

Iggemda dagitoy nga instrumento a kaasping dagidi inaramat ni Ari David. Nagtakder met sadiay dagiti papadi a siiiggem iti trumpeta.

2 Cronicas 29:28

Nakipagdaydayaw dagiti amin nga adda sadiay ket nagtuloy ti kankanta ken toktokar agingga a napuoran amin dagiti daton.

2 Cronicas 7:6

Nagyan dagiti papadi kadagiti naituding a pagyananda. Sumangsango kadakuada dagiti Levita. Indaydayawda ni Yahweh babaen iti panagtokarda kadagiti instrumento nga inaramid ni Ari David ken panangkantada iti himno, “Agnanayon ti Ayatna!” a kas iti ar-aramidenda idi sibibiag pay ni David. Pinuyot dagiti papadi dagiti trumpeta bayat ti panagtakder dagiti tattao.

ESDRAS 3:10

Idi irugida nga isaad ti fondasion ti Templo, nagtakder dagiti papadi iti naituding a lugarda. Nagkawesda iti pagan-anay dagiti papadi, ken nakaiggemda amin iti trumpeta. Nakaiggem met iti piangpiang dagiti Levita a nagtaud iti familia ni Asaf. Indaydayawda ni Yahweh kas mayannurot iti bilin nga impaulog idi ni Ari David.

Dagiti Salmo 150:3

Idaydayawyo a buyogan iti trumpeta; wen, idaydayawyo a danggayan ti lira ken arpa!

Dagiti Salmo 81:3

Pagunienyo ti trumpeta no agfiestatayo, tunggal dumteng ti lutuad, kasta met ti kabus.

Dagiti Salmo 81:4

Ta iti Israel, linteg daytoy a naipaulog, maysa a bilin ti Dios ni Jacob.

Dagiti Salmo 89:15

Nagasat dagiti agdaydayaw kenka kadagiti kankanta, isuda nga agbibiag iti silaw ti ayatmo.

Exodo 28:29

“No sumrek ni Aaron iti Nasantoan a Disso, aramatenna ti pektoral a nakaikitikitan dagiti nagan dagiti tribu ti Israel tapno, siak, ni Yahweh, kanayon a malagipko dagiti tattaok.

Exodo 30:16

Kolektaem daytoy a kuarta kadagiti Israelita, ket isu ti magasto kadagiti kasapulan iti Tolda. Daytoy ti buis a pagbayadda iti biagda, ket laglagipek a salakniban ida.”

Isaias 27:13

Inton dumteng dayta nga aldaw, mapaguninto ti maysa a trumpeta a pangayab kadagiti amin nga Israelita a naipan idiay Asiria ken Egipto. Agsublidanto nga agdaydayaw iti Apo iti nasantoan a bantayna idiay Jerusalem.

Numero 10:9

No adda dagiti mangraut kadakayo iti dagayo, puyotenyo ti pagilasinan ti kaadda ti gubat kadagitoy a trumpeta. Siak, ni Yahweh a Diosyo, ti tumulong ken mangispal kadakayo kadagiti kabusoryo.

Numero 28:11

Iti umuna nga aldaw ti tunggal bulan, dagitoy ti idatagyo a daton a mapuoran iti Apo: dua a bumaro a baka, maysa a kalakian a karnero, pito a kalakian a karnero nga agtawen iti maysa ken awan ti depektoda.

Numero 29:1

Iti umuna nga aldaw ti maika-7 a bulan, aguummongkayo nga agdaydayaw ket awan ti agtrabaho. Iti dayta nga aldaw, mapuyot dagiti trumpeta.

San Mateo 11:28

“Umaykayo kaniak, dakayo amin a nabannog ken madagdagsenan, ket paginanaenkayo.

Dagiti Aramid 10:4

Sibubuteng a minatmatan ni Cornelio ti anghel ket kinunana, “Ania kadi, Apo?” Kinuna ti anghel, “Impangag ti Dios dagiti kararagmo ken nakitana ti panangtultulongmo kadagiti napanglaw.

1 Taga-Corinto 15:52

kas iti kapardas ti kirem, iti maudi nga aweng ti trumpeta. Ta inton agaweng ti trumpeta, mapagungarto dagiti natay. Didanto matayen ket mabalbaliwantayto amin.

1 Taga-Tesalonica 4:16

Bumabanto ti Apo manipud langit ket mangngegto dagiti tattao ti maipukkaw a bilin, ti timek ti pangulo dagiti angheles, ken ti trumpeta ti Dios. Umunanto nga agungar dagiti natay a nagtalinaed iti pammati ken ni Cristo.

1 Taga-Tesalonica 4:18

Aglilinniwakayo ngarud babaen kadagitoy a sao.

Josue 4:7

ibagayonto kadakuada a nagsardeng ti panagayus ti Jordan idi maiballasiw ti Lakasa ti Tulag ti Apo. Kanayonto nga ipalagip dagitoy a bato kadagiti Israelita ti napasamak ditoy.”

Josue 6:4

Masapul nga adda ti Lakasa ti Tulag iti sango dagiti pito a papadi a saggaysa ti iggemda a trumpeta. Iti maikapito nga aldaw, mamimpitonto a rikosenyo ti siudad idinto a puypuyoten dagiti papadi ti trumpetada.

Paltiing 22:17

“Umayka!” kuna ti Espiritu ken ti Babai a Maikallaysa. “Umayka!” kuna met ti amin a makangngeg iti daytoy. Umasideg ti siasinoman a mawaw. Awaten ti siasinoman a mayat ti danum ti biag a kas sagut.

1 Samuel 20:5

Insungbat ni David, “Fiesta ti Lutuad inton bigat, ket masapul a makilanglangakto iti ari. Ngem palubosannak koma a mapan aglemmeng iti away agingga iti rabii iti sumaruno nga aldaw.