Mikias 7:3 - Ti Baro a Naimbag a Damag Biblia

³ Nalaingda amin nga agaramid iti dakes. Dumawat dagiti ofisiales ken dagiti hues iti pasuksok. Ikeddeng ti mararaem a tao ti kayatna. Iti kasta, agtutulagda amin nga agaramid iti dakes.

Ti Biblia (1973)

³ Dagiti im-imada sigagagetda tapno aramidenda ti dakes; ti principe agdawat, iti sagut ket ti ocom sisasagana a masucsucan; ket ti dackel a tao, isawangna ti dakes a tarigagay ti cararuana; castoy ti panagtitinnulong ti panangabelda.

Mikias 7:3 Iomraidhean Croise

Dagiti Proverbio 16:30

Agannadka kadagiti tattao nga umisem ken mangkidday kenka ta adda pampanunotenda a dakes.

Dagiti Proverbio 17:23

Awaten ti nakillo nga ukom ti pasuksok a maited kenkuana iti nalimed, ket saanen a maipakat ti hustisia.

Isaias 1:23

Nasukir dagiti pangulom ket gagayyem ida dagiti mannanakaw. Kanayonda nga umawat iti regalo ken pasuksok. Ngem dida ikalintegan dagiti ul-ulila iti pangukoman wenno denggen dagiti balo a babbai no idatagda ti darumda.

Isaias 26:21

Manipud iti nailangitan a taengna, umay ti Apo a mangdusa kadagiti tattao ditoy daga gapu kadagiti basolda. Maibutaktakto dagiti pammapatay a naaramid iti nalimed ket dinton ilemmeng ti daga dagiti napapatay.

Isaias 3:5

Aggiginnundawaydanto. Dinto agraem dagiti agtutubo kadagiti nataengan. Saanto a raemen dagiti awan serserbina a tattao dagiti appoda.

Isaias 32:7

Dakes a tao ket dakes met dagiti aramidna. Isikatna a dadaelen dagiti napanglaw babaen kadagiti allilaw ken lapdanna ida a mangtunton iti kalinteganda.

Isaias 5:23

Ngem pasuksokandakayo laeng, wayawayaanyon ti nakabasol ket lapdanyo ti awan basolna a mangtunton iti kalinteganna.

Jeremias 3:5

Saan nga agnanayon ti pungtotmo; agpatingga ti ungetmo!’ Daytoy ti kinunam, Israel, ngem nagum-umaka a nagaramid iti dakes.”

Jeremias 4:22

Kinuna ti Apo, “Nengneng dagiti tattaok; saandak nga am-ammo. Kasda la maag nga ubbing; saanda a makaawat. Nalaingda nga agaramid iti dakes, ngem dida ammo ti agaramid iti naimbag.”

Jeremias 8:10

Iti kasta, itedkonto dagiti assawada kadagiti sabali a lallaki. Itedkonto met dagiti taltalonda kadagiti barbaro nga agtagikua. Isuda amin, nangato man wenno nanumo, naagumda. Agsaur met dagiti papadi ken profeta.

Ezekiel 22:12

Matangdanan ti dadduma kadakayo tapno agpapatayda. Paanakan ti dadduma ti pautangda kadagiti padada nga Israelita ket bumaknangda iti pananggundawayda kadakuada. Nalipatandak.” Daytoy ti kuna ti Apo a Dios.

Ezekiel 22:27

Kasla lobo dagiti ofisiales ti gobierno a mangrangrangkay kadagiti animal a pinapatayda. Agpapatayda tapno bumaknangda.

Ezekiel 22:6

Agtalek dagiti amin a pangulo ti Israel kadagiti bukodda a pigsa ket agpapatayda.

Ezekiel 34:21

Induronyo dagiti masaksakit ket sinangdosangdoyo ida agingga a nayadayoda iti arban.

Ezekiel 9:9

Insungbat ti Dios, “Nadagsen dagiti basol dagiti Israelita ken dagiti taga-Juda. Nagpapatayda iti entero a daga ket insaknapda ti kinadakes iti Jerusalem. Kunada, ‘Binaybay-anen ti Apo ti dagatayo. Saannatayo a makita.’

Oseas 4:18

Kalpasan ti panaginumda iti adu nga arak, pagragsakanda iti panagbalangkantisda. Kaykayatda ti maibabain ngem ti maidaydayaw.

Oseas 7:3

Kuna ti Apo, “Babaen iti panangisikat dagiti tattao, allilawenda ti ari ken dagiti ofisialesna.

Amos 5:12

Ammok a nakaam-amak dagiti basolyo. Ammok met nga adu dagiti dakes nga inaramidyo. Idadanesyo ti naimbag a tao, agawatkayo iti pasuksok ket ikkatenyo ti kalintegan dagiti napanglaw a mangtunton iti kalinteganda iti pangukoman.

Mikias 2:8

Isungbat ti Apo, “Ngem pagbalinenyo dagiti bagbagiyo a kabusor dagiti tattaok. Agawenyo ti kagay dagiti nasingpet a tattao a naggapu iti paggugubatan a mangipagarup nga awanen ti pagpeggadanda.

Mikias 3:11

Agawat dagiti agtuturay iti siudad iti pasuksok. Agpatangdan dagiti papadi no ilawlawagda ti linteg. Agdawat dagiti profeta iti kuarta no agipadtoda. Ibagada nga adda kadakuada ti Apo. Kunada, “Di met aya adda kadatayo ti Apo? Awan ti dumteng a didigra kadatayo.”

Mikias 3:2

ngem saan met, ta guraenyo ti naimbag ket ayatenyo ti dakes. Lalatenyo a sibibiag dagiti tattaok. Ilapenyo ti lasagda kadagiti tulangda.

San Mateo 26:15

“Ania ti itedyo kaniak no yawatko ni Jesus kadakayo?” kinunana. Inikkanda iti tallopulo a bagi ti pirak.

1 Taga-Corinto 4:5

Ngarud, saankay a mangukom agingga iti dumteng ti naituding a tiempo. Wen, urayenyo ti yaay ti Apo ta isunto ti mangilatak kadagiti palimed ken mangibutaktak kadagiti panggep a naitalimeng iti puso ti tao. Ket awatento ti tunggal tao ti kaikarianna a pammadayaw nga aggapu iti Dios.