Mikias 4:3 - Ti Baro a Naimbag a Damag Biblia

³ Pagkakappiaennanto dagiti agsusuppiat a nasion, dagiti nabibileg a pagilian nga adda iti asideg wenno iti adayo. Pandayendanto nga arado dagiti kampilanda, ket aramidendanto a kumpay dagiti gayangda. Saanton nga aggugubat dagiti pagilian; didanton agsagana a makigubat.

Ti Biblia (1973)

³ Ket isu mangocomto iti tengnga dagiti adu nga il-ili, ket ikeddengnanto ti maipanggep cadagiti nabileg a nasnacion iti adayu: ket pitpitendanto dagiti campilanda a tadtadem ti arado, ken dagiti gayangda a comcompay a pagpucan; ti nacion saannanto nga ilayat ti campilan a maibusor iti sabali a nacion, ket didanto met sursuruenen ti gubat.

Mikias 4:3 Iomraidhean Croise

Dagiti Salmo 46:10

“Isardengyo ti aggugubat ket ammoenyo a siak ti Dios,” kunana. “Siak ti kangatoan kadagiti nasion, katan-okan iti entero a lubong!”

Dagiti Salmo 46:9

Pagsardengenna dagiti gubat iti sangalubongan; dadaelenna dagiti pana, tukkolenna dagiti gayang, ken puoranna dagiti lugan a pakigubat.

Dagiti Salmo 72:3

Rumang-ay koma ti daga ket aglablabonan; agturay koma ti kinalinteg iti daytoy a pagilian.

Dagiti Salmo 72:7

Agari koma ti kinalinteg bayat ti panagbiagna, adda koma rang-ay agingga nga awanen ti bulan.

Dagiti Salmo 82:8

Umayka, O Dios, ket iturayam ti lubong; kukuam amin a nasion.

Dagiti Salmo 96:13

Inton umay ukomen ti Apo ti daga, nalinteg ken awan idumdumana iti panangukomna iti amin a tattao ditoy lubong.

Dagiti Salmo 98:9

ta umayna ukomen ti daga! Nalinteg ken awan idumdumana iti panangukomna iti amin a tao.

Isaias 2:4

Agtugawto a kas ukom dagiti nasion ket risutennanto ti parikut dagiti adu a tattao. Pandayendanto nga arado dagiti kampilanda, pagbalinendanto a kumpay dagiti pikada. Saanton nga aggugubat dagiti pagilian, saandanton nga agsagana a makigubat.

Isaias 25:3

Idaydayawdakanto dagiti nabileg a pagilian; kabutengdakanto dagiti naranggas a nasion.

Isaias 51:5

Darasekto nga isalakan ida; asidegen ti panagballigik. Siakto a mismo ti mangituray kadagiti pagilian. Ur-urayen dagiti adayo a daga ti yaayko, segseggaanda ti panangisalakanko kadakuada.

Isaias 60:12

Ngem madadaelto a mamimpinsan dagiti nasion a saan nga agserbi kenka.

Isaias 65:25

Agkakaarabto dagiti lobo ken dagiti urbon ti karnero. Manganto ti leon iti garami a kas iti baka. Saanton a napeggad ti uleg. Awanton ti aniaman a makadangran wenno dakes idiay Sion a nasantoan a bantayko.”

Isaias 9:7

Dumakkelto a dumakkel ti bilegna a kas ari; addanto latta kappia iti pagarianna. Isunto ti sumukat ken ni Ari David nga agturay. Ibataynanto ti turayna iti kinapudno ken kinalinteg manipud ita ingganat' inggana. Aramiden nga aramiden amin daytoy ti Apo a Mannakabalin-amin.

Daniel 2:44

Iti panawen dagitoy nga agturay, mangipasdekto ti Dios ti langit iti pagarian a pulos a dinto agpatingga. Saanto a maparmek dayta a pagarian ngem gibusannanto dagiti amin a pagarian. Isu laeng ti agpaut iti agnanayon.

Oseas 2:18

Iti dayta a tiempo, makitulagakto kadagiti amin nga atap nga ayup ken tumatayab tapno dida an-anoen dagiti tattaok. Ikkatekto amin nga armas a pakigubat iti daga, amin a kampilan ken bai tapno agbiag a natalna ken natalged dagiti tattaok.

Oseas 2:20

Tungpalekto ti karik ta kukuaka ket bigbigennakto a kas Apo.

Joel 3:2

Ummongekto dagiti amin a pagilian, ket ipanko ida idiay Tanap ni Josafat. Sadiayto ti pangukomak kadakuada gapu iti amin nga inaramidda kadagiti tattaok. Inwarawarada dagiti Israelita kadagiti sabali a pagilian. Biningbingayda ti dagak nga Israel.

Mikias 5:15

Iti nakaro a pungtotko, balsekto dagiti nasion a di nagtulnog kaniak.”

Zacarias 14:3

Kalpasanna, rummuarto ti Apo ket makirangetto a kas kadagiti napalabas a tiempo; gubatennanto dagidiay a pagilian.

Zacarias 8:20

Kuna ni Yahweh a Mannakabalin-amin, “Dumtengen ti tiempo nga umay iti Jerusalem dagiti tattao nga aggapu kadagiti dadakkel a pagilian ken siudad.

Zacarias 9:10

Kuna ti Apo, “Ikkatekto iti Israel dagiti lugan a pakigubat; ipanawkonto met dagiti kabalio iti Jerusalem, madadaelto dagiti pana a nausar iti gubat. Makikappianto ti ariyo kadagiti nasion; sakupento ti pagturayanna manipud iti igid ti taaw agingga iti sabali nga igid; manipud iti Karayan Eufrates agingga kadagiti pungto ti daga.”

Dagiti Aramid 17:31

Ta intudingna ti aldaw a panangukomnanto a sililinteg iti entero a lubong babaen iti pinilina a tao. Intedna ti pammaneknek kadagiti amin a tattao babaen iti panangpagungarna iti dayta a tao.”

Paltiing 19:11

Naglukat ti langit ket nakitak ti maysa a puraw a kabalio. Adda nakasakay. Maaw-awagan iti Matalek ken Napudno agsipud ta nalinteg ti panangukom ken pannakigubatna.

1 Samuel 2:10

Madadaelto dagiti kabusor ti Apo inton gurruodanna ida manipud langit. Ukomento ti Apo ti entero a lubong; ikkannanto ti arina iti pannakabalin, ket pagballigiennanto ti ari a pinilina.”