Mikias 4:1 - Ti Baro a Naimbag a Damag Biblia

¹ Iti masakbayan, agbalinto a kangatoan a bantay ti bantay nga ayan ti Templo ni Yahweh. Agdadarisonto dagiti adu a nasion a mapan sadiay.

Ti Biblia (1973)

¹ Ngem cadagiti maud-udi nga al-aldaw maaramidto, a ti bantay ti balay ni Jehova maipasdecto iti toctoc dagiti banbantay, ket isu maitan-octo iti tapaw dagiti turturod; ket dagiti il-ili agayusdanto kencuana.

Mikias 4:1 Iomraidhean Croise

Genesis 49:1

Inayaban ni Jacob dagiti annakna ket kinunana, “Umasidegkayo kaniak ket ibagak ti mapasamakto kadakayo iti masakbayan:

Genesis 49:10

Ikutan ni Juda ti setro, agnanayon nga agturay dagiti kaputotanna. Yegto dagiti nasion dagiti sagut a pagbayadda kenkuana. Ket agtamedda a mangipakita iti panagtulnogda.

Dagiti Salmo 110:3

Iti aldaw a sarangtem dagiti kabusormo, kas linnaaw ti bigbigat, umayto kenka dagiti lallaki nga agtutubom kadagiti nasantoan a turod.

Dagiti Salmo 22:27

Lagipendakanto ti tunggal maysa ditoy daga, Apo; manipud iti amin a suli ti lubong umaydanto agkamang kenka ket agrukbabda.

Dagiti Salmo 48:1

Naindaklan ti Apo, ket maikari a maidaydayaw iti siudad ti Diostayo, iti nasantoan a bantayna.

Dagiti Salmo 86:9

Umayto dagiti amin a nasion a pinarsuam, ket agrukbabdanto iti sangoanam. Idaydayawdanto ti naganmo.

Isaias 27:13

Inton dumteng dayta nga aldaw, mapaguninto ti maysa a trumpeta a pangayab kadagiti amin nga Israelita a naipan idiay Asiria ken Egipto. Agsublidanto nga agdaydayaw iti Apo iti nasantoan a bantayna idiay Jerusalem.

Isaias 43:6

Bilinekto ti amianan a palubosanna ida, ibagakto iti abagatan a dina igawid ida. Palubosanyo nga agsubli dagiti tattaok manipud kadagiti adayo a daga, manipud iti amin a suli ti lubong agawidda.

Isaias 49:6

Kinuna ti Apo kaniak, “Adda nangnangruna a trabaho nga ipaaramidko kenka nga adipenko! Saanmonto la nga isubli ti kinatan-ok dagiti Israelita a nakalasat, ngem pagbalinenkanto pay a silaw kadagiti pagilian— tapno maisalakan ti sangalubongan.”

Isaias 54:2

Palawaem ti tolda a pagtaengam, silpoam dagiti talina ket palagdaem dagiti pasokna.

Isaias 56:7

“Ipankayto idiay Sion a nasantoan a bantayko. Paragsakenkayto iti balayko a pagkararagan ket awatekto dagiti daton nga idatagyo iti altarko. Managanto ti Templok iti balay a pagkararagan nga agpaay kadagiti tattao iti amin a pagilian.”

Jeremias 16:19

O Apo, sika ti mangsalaknib kaniak ken mangted iti pigsak. Tulongannak iti tiempo ti rigat. Umayto kenka dagiti nasion nga aggapu iti amin a paset ti daga ket kunada, “Pasig a sinan-dios ti adda kadagidi kapuonanmi. Awan ti adda kadakuada no di laeng dagiti awan serserbina nga imahen.

Jeremias 26:18

“Idi ni Hezekias ti ari ti Juda, imbaga ni profeta Mica a Morastita kadagiti amin a tattao a kinuna daytoy ti Apo a Mannakabalin-amin, ‘Kaslanto talon a maarado ti Sion; agbalinto ti Jerusalem a gabsuon a batbato, ket agbalinto a bakir ti turod ti Templo.’

Jeremias 3:17

Iti dayta a tiempo, managanto ti Jerusalem iti ‘Trono ni Yahweh.’ Aguummongto sadiay dagiti nasion tapno agdaydayawda kaniak. Didanton tungpalen ti tarigagay ti dakes ken nasukir a pusoda.

Jeremias 31:12

Umaydanto agkanta a sirarag-o iti tapaw ti Bantay Sion. Maragsakandanto kadagiti sagsagutko a trigo, arak, ken lana, kadagiti karnero ken kadagiti baka. Kasdanto hardin a nasayaat ti pannakasibogna, addanto aminen a masapulda.

Jeremias 48:47

Ngem iti masakbayan, parang-ayento manen ni Yahweh ti Moab. Amin dagitoy ket imbaga ni Yahweh a mapasamak iti Moab.

Ezekiel 38:16

Rautemto dagiti tattaok nga Israelita; kaskanto la bagio nga aglasat iti daga. Inton dumteng dayta a tiempo, ibaonkanto a mangsakup iti dagak tapno maiparangarang kadagiti nasion no siasinoak ken tapno maipakita ti kinasantok iti panangaramatko kenka.

Ezekiel 40:2

Iti maysa a parmata, impannak ti Dios iti daga ti Israel, ket inkabilnak iti nangato a bantay. Iti sangoanak, nakitak ti maysa a purok dagiti patakder a kasla maysa a siudad.

Ezekiel 43:12

Daytoy ti linteg iti Templo: Nasagradoan ken nasantoan ti amin a lugar iti lawlawna iti tapaw ti bantay.”

Daniel 10:14

Immayak tapno ipalawagko kenka ti mapasamakto kadagiti kailiam. Maysa a parmata daytoy maipapan iti masakbayan.”

Daniel 2:28

Ngem adda Dios sadi langit a makaibaga kadagiti palimed. Impakaammona kenka, Natan-ok nga Ari, ti mapasamak iti masakbayan. Daytoy ti tagtagainep, ti parmatam idi matmaturogka.

Daniel 2:35

Dagus a narumrumek ti landok, damili, bronse, pirak ken balitok; nagbalinda a kasla tapok iti pagtaltagan no tiempo ti kalgaw. Nayanginda amin ket pulos nga awan ti nabati a paset ti estatua. Ngem nagbalin a dakkel a bantay daydi bato a nagdisso iti estatua, ket nadappatanna ti entero a daga.

Daniel 2:44

Iti panawen dagitoy nga agturay, mangipasdekto ti Dios ti langit iti pagarian a pulos a dinto agpatingga. Saanto a maparmek dayta a pagarian ngem gibusannanto dagiti amin a pagarian. Isu laeng ti agpaut iti agnanayon.

Daniel 7:14

Inawatna sadiay ti pannakabalin, dayaw ken ti naarian a panagturay tapno agserbi kenkuana dagiti tattao iti amin a nasion, puli ken pagsasao. Agnanayonto ti pannakabalinna, ket dinto agpatingga ti pagarianna.

Daniel 7:18

Awatento dagiti tattao ti Kangatoan a Dios ti pannakabalin a mangituray iti pagarian ket tagikuaendanto iti agnanayon nga awan inggana.”

Daniel 7:22

Kalpasanna, dimteng ti sibibiag iti agnanayon ket inkalinteganna dagiti tattao ti Kangatoan a Dios. Dimtengen ti tiempo a panangawat dagiti tattao ti Dios iti pannakabalin a mangituray iti pagarian.

Daniel 7:27

Maitedto ti pannakabalin ken ti kinatan-ok dagiti amin a pagarian ditoy lubong kadagiti tattao ti Kangatoan a Dios. Agturaydanto iti agnanayon ket agserbi ken agtulnogto kadakuada dagiti amin a pagarian ditoy daga.”

Oseas 3:5

Ngem dumtengto ti tiempo nga agsublidanto manen ken ni Yahweh. Agkamangdanto iti maysa a kaputotan ni David nga arida. Agbutengdanto ken ni Yahweh ket awatendanto dagiti agkakaimbag a paraburna.

Mikias 3:12

Ngarud, gapu kadakayo, maaradonto ti Sion a kas iti maysa a talon. Marebbekto ti Jerusalem ket agbalin a nagrebbaan. Agbalinto met a kabakiran ti bantay nga ayan ti Templo.

Zacarias 14:10

Nasimpanton ti deppaar manipud Geba iti amianan agingga iti Rimmon iti abagatan. Nangatngatonto ti Jerusalem ngem dagiti daga iti lawlawna. Sakupento ti siudad manipud iti Ruangan ni Benjamin agingga iti Ruangan ti Suli, iti nagtakderan ti sigud a ruangan, ken manipud iti Torre ni Hananel agingga kadagiti pagpespesan iti ubas a kukua ti ari.

Zacarias 2:11

Iti dayta a tiempo, adunto a nasion ti kumamang iti Apo ket agbalindanto a tattaona. Makipagnaedto kadakayo, ket maammoanyonto nga imbaonnak kadakayo.

Zacarias 8:3

Agsubliak iti Jerusalem, ti nasantoan a siudadko, ket agnaedak sadiay. Maawaganto iti napudno a siudad. Maawaganto met ti bantay ni Yahweh a Mannakabalin-amin iti nasantoan a bantay.

Malakias 1:11

Agraem kaniak dagiti amin a tattao ditoy lubong. Iti sadinoman a disso, agpuorda iti insenso a maipaay kaniak ket agidatagda kadagiti makaay-ayo a daton. Isuda amin raemendak.

Dagiti Aramid 2:17

‘Daytoy ti aramidekto kadagiti maud-udi nga aldaw, kuna ti Dios, Ibuyatkonto ti Espirituk iti sangkataoan. Ipakaammonto dagiti annakyo ti mensahek; Makakitanto iti sirmata dagiti agtutuboyo a lallaki; Ket agtagtagainepto dagiti lallakay kadakayo.

Hebreo 1:2

Ngem kadagitoy maudi nga aldaw, nagsao kadatayo babaen iti Anakna. Pinarsua ti Dios ti amin a lubong babaen kenkuana, ket isu ti pinilina nga agtagikua kadagiti amin a banag.

2 Pedro 3:3

Umuna unay, maawatanyo koma a kadagiti maudi nga aldaw, umayto kadakayo dagiti tattao nga awan sabali a panggepda no di ti mangtungpal iti dakes a tarigagayda. Pagang-angawandakayto

Paltiing 11:15

Pinuyot ti maikapito nga anghel ti trumpetana. Adda dagiti napipigsa a timek a naggapu sadi langit a kunkunada, “Naiteden iti Apotayo ken iti Cristona ti pagarian ti lubong, ket agturayto iti agnanayon nga awan inggana!”

Paltiing 15:4

Siasino ti saan nga agbuteng kenka, Apo? Siasino ti saan a mangitan-ok iti naganmo? Agsipud ta siksika laeng ti nasantoan. Umayto dagiti amin a pagilian Ket agdaydayawda iti sangoanam, Ta maimatangan ti amin dagiti nalinteg nga aramidmo.”

Paltiing 20:4

Ket nakakitaak kadagiti trono. Naikkan dagiti nakatugaw sadiay iti pannakabalin a mangukom. Nakitak met dagiti kararua dagiti napapatay gapu iti panangpaneknekda ken ni Jesus ken iti panangipakaammoda iti sao ti Dios. Saanda a nagrukbab iti narungsot nga animal wenno iti ladawanna. Saanda a pinaikkan dagiti muging ken imada iti marka ti narungsot nga animal. Nagungarda ket nakipagturayda ken ni Cristo iti unos ti 1,000 a tawen.