Mikias 3:3 - Ti Baro a Naimbag a Damag Biblia

³ Lamutenyo dagiti tattaok. Lapgisenyo ti kudilda, tukkolenyo dagiti tultulangda ket tadtadenyo ida a kas iti karne a maipisok iti kaldero.

Ti Biblia (1973)

³ Canenyo met ti lasag ti umilic, ket lapgisenyo ti cudilda cadacuada, ket bungtolenyo dagiti tultulangda, ken reddekenyo ida, a cas maipaay iti banga, ken cas lasag iti uneg ti caldero.

Mikias 3:3 Iomraidhean Croise

Dagiti Salmo 14:4

“Saanda kadi nga ammo?” salsaludsoden ti Apo. “Awan kadi ammo dagitoy dakes a tattao? Taktakawenda kadagiti tattaok ti pagbiagda, ket saan a siak ti pagkararaganda.”

Dagiti Salmo 27:2

No darupendak dagiti managdakdakes tapno patayendak, dagiti kabusorko ti maitibkol ken mapasag.

Dagiti Proverbio 30:14

Adda dagiti tattao a sirurungsot a manggundaway kadagiti napanglaw ken nakakaasi—kasta ti pagsapulanda.

Isaias 3:14

Isaklang ni Yahweh dagiti panglakayen ken pangulo. Daytoy ti ipabasolna kadakuada: “Dinadaelyo dagiti kaubasan ken napno dagiti balbalayyo kadagiti sinamsamyo kadagiti napanglaw.

Isaias 3:15

Awan ti kalinteganyo a mangilupitlupit kadagiti tattaok ken manggundaway kadagiti napanglaw.” Daytoy ti sao ti Apo Dios a Mannakabalin-amin.

Ezekiel 11:3

Kunada, ‘Iti saan a mabayag, agbangontayo manen kadagiti balbalay. Natalgedtayo ditoy siudad uray no arigtayo ti karne iti uneg ti kaldero.’

Ezekiel 24:4

Ipisokmo dagiti kasayaatan a lasag— dagiti abaga ken luppo; ikabilmo met dagiti natulang a paset.

Amos 8:4

Denggenyo daytoy, dakayo a mangilupitlupit kadagiti marigrigat ken agpanggep a mangdadael kadagiti napanglaw iti pagilian.

Mikias 2:8

Isungbat ti Apo, “Ngem pagbalinenyo dagiti bagbagiyo a kabusor dagiti tattaok. Agawenyo ti kagay dagiti nasingpet a tattao a naggapu iti paggugubatan a mangipagarup nga awanen ti pagpeggadanda.

Sofonias 3:3

Mayarig kadagiti mabisin a leon dagiti ofisialesna. Kasla mabisin a lobo dagiti ukomna—agumda unay ta alun-onenda ti matukmaanda ket awan uray tulang nga ipabigatda.