Mikias 2:4 - Ti Baro a Naimbag a Damag Biblia

⁴ Inton dumteng dayta a tiempo, aramatento dagiti tattao ti napasamak kadakayo a kas pangngarig ti didigra. Ikantadanto daytoy nasaem a kanta: “Nadadaelkami a namimpinsan. Innala ni Yahweh ti dagami, ket intedna kadagiti nangitalaw kadakami a kas balud!”

Ti Biblia (1973)

⁴ Iti dayta nga aldaw aramatendanto ti maysa a pangngarig a maibusor cadacayo, ket agsangitda iti nasaem a panagunnoy, ket cunaenda, Nadadaeltayo a naikisap: isu baliwanna ti bingay ti ilic: anian ti panangisinana caniac! cadagiti nasukir bingayenna dagiti taltalonmi.

Mikias 2:4 Iomraidhean Croise

Habakuk 2:6

Laisen dagiti naparmek a tattao dagiti nangparmek kadakuada ket ipakitada ti gurada kadakuada. Kunadanto: “Agalakayo iti saanyo a kukua, ngem nailunodkayo. Kaano ti panagpatingga ti panangpabaknangyo iti bagiyo babaen iti panangsuitikyo kadagiti nakautang kadakay iti kuarta?”

Mikias 1:15

Tattao ti Maresa, imbaga ti Apo a yawatnakayo iti kabusor a mangsakup iti iliyo. Mapanto aglemmeng dagiti pangulo ti Israel iti rukib ti Adullam.

Jeremias 9:10

Kinunak, “Dung-awakto dagiti bantay, sangitakto met dagiti pagpaaraban idiay let-ang ngamin ta namagaandan, ket awanen ti magmagna kadakuada. Saanen a mangngeg ti uga dagiti baka; pimmanawen dagiti tumatayab ken dagiti atap nga animal.”

Isaias 24:3

Madadaelto ti daga ket aglangalang. Insao daytoy ti Apo ket matungpalto.

Isaias 6:11

Sinaludsodko, “Kasano ti kabayagna a kastoy, O Apo?” Insungbatna, “Agingga a madadael dagiti siudad ket awanen agnaed. Agingga nga awanen agnaed kadagiti balbalay. Agingga nga aglangalang a mamimpinsan ti daga.

Deuteronomio 28:29

Kaskayto la bulsek nga agar-arikap a dina makita ti papananna, uray tengnga ti aldaw. Dikayto agballigi iti aniaman nga aramidyo. Kanayonkayto a maidadanes ken matakawan ket awanto ti tumulong kadakayo.

Numero 23:7

Inyebkas ni Balaam daytoy a padto: “Pinaalanak ni Balak nga ari ti Moab idiay Syria, iti kabambantayan ti daya. Inawisnak a mangilunod kadagiti Israelita.

San Marcos 12:12

Pinadas dagiti panguloen dagiti Judio a patiliw ni Jesus gapu ta naawatanda a sinaona daytoy a pangngarig a maibusor kadakuada. Ngem agsipud ta nagbutengda kadagiti adu a tattao, binaybay-anda ni Jesus ket pinanawanda.

Sofonias 1:2

Kinuna ni Yahweh, “Dadaelekto ti amin nga adda iti daga,

Mikias 2:10

Tumakderkayo ket pumanawkayo; saan a paginanaan daytoy a lugar. Gapu iti basol, nakaam-amak a pannakadadael ti mapagtengyo.

Amos 5:17

Addanto dung-aw iti amin a kaubasan. Mapasamakto amin dagitoy ta umaykayo dusaen.” Daytoy ti sao ti Apo.

Amos 5:1

Tattao ti Israel, denggenyo ti idung-awko kadakayo:

Joel 1:13

Dakayo a papadi nga agserserbi iti altar, agkaweskayo iti nakersang a lupot ket agsangitkayo. Inkay iti Templo ket agpatpatnag nga agsangsangitkayo. Awanen ti trigo wenno arak a maidaton iti Diosyo.

Joel 1:8

Agdung-awkayo a kas iti balasang a mangdung-aw iti ipapatay ti pakayasawaanna.

Ezekiel 16:44

Kinuna ti Apo, “Aramatento dagiti tattao daytoy a pagsasao maipapan kenka, Jerusalem: ‘No ania ti ina, kasta met ti anakna a babai.’

Ezekiel 2:10

Inukradna ti pagbasaan ket nakitak a nasuratan iti agsumbangir. Naisurat dagiti dung-aw, sangsangit ken as-asug.

Jeremias 14:18

No mapanak iti taltalon, makitak dagiti bangkay dagiti natay iti gubat. No mapanak kadagiti ili, makitak dagiti tattao a matmatay iti bisin. Itultuloy dagiti profeta ken papadi ti trabahoda ngem saanda nga ammo ti ar-aramidenda.”

Jeremias 4:13

Kitaenyo, sumungad ti kabusor a kas ulep. Mayarig iti alipugpog dagiti luganna a pakigubat. Naparpardas dagiti kabaliona ngem dagiti agila. Nadadaeltayon! Ditay makalisin!

Isaias 14:4

Inton aramidenna daytoy, rabrabakendanto ti ari ti Babilonia ket kunada: “Napasagen ti naranggas nga ari! Saannanton a parigaten ti siasinoman!

Ti Libro ni Job 27:1

Isapatak iti sibibiag a Dios a Mannakabalin-amin a nangikkat iti kalintegak ken nangpadagsen iti biagko:

2 Cronicas 35:25

Nangputar ni profeta Jeremias iti dung-aw a maipaay ken ni Ari Josias; agpapan ita, daytoy pay laeng ti us-usaren dagiti kumakanta iti Israel no dung-awanda ni Josias. Nailanad daytoy a dung-aw iti Libro dagiti Dung-aw.

2 Samuel 1:17

Kinanta ni David daytoy a dung-aw a maipaay ken ni Saul ken ni Jonatan nga anakna,

Numero 24:15

Ket inyebkasna daytoy a padto: “Sao daytoy ni Balaam nga anak ni Beor, padto ti tao a nalawag ti makitana

Numero 24:3

ket inyebkasna daytoy a padto: “Sao daytoy ni Balaam nga anak ni Beor, padto ti tao a nalawag ti makitana

Numero 23:18

Kastoy ti padto nga inyebkas ni Balaam: “Balak nga anak ni Sefor, dumngegka; denggem ti innak ibaga kenka.

Jeremias 6:12

Alaento dagiti ganggannaet dagiti balbalayda, kasta met dagiti taltalon ken dagiti assawada. Dusaekto dagiti tattao iti daytoy a daga.

Jeremias 8:10

Iti kasta, itedkonto dagiti assawada kadagiti sabali a lallaki. Itedkonto met dagiti taltalonda kadagiti barbaro nga agtagikua. Isuda amin, nangato man wenno nanumo, naagumda. Agsaur met dagiti papadi ken profeta.

Mikias 1:8

Kinuna ni Mikias, “Gapu iti daytoy, agasug ken agdung-awak. Magnaak a sakasaka ken lamolamo a mangipakita iti ladingitko. Agtaguobak a kas iti atap nga aso ken agdung-awak a kas iti abestrus.

Jeremias 9:16

Iwaraskonto ida kadagiti nasion a saanda pay a nadamdamag, kadagiti nasion a di met nadamdamag dagidi ammada. Ibaonkonto dagiti armada a maibusor kadakuada agingga a maikisapko amin ida.”