Mikias 2:1 - Ti Baro a Naimbag a Damag Biblia

¹ Nakabutbutengto ti pagbanagan dagiti agpatpatnag nga agpanggep nga agaramid iti dakes! Nasapada nga agriing tapno ibanagda dagiti planoda apaman nga adda gundawayda.

Ti Biblia (1973)

¹ Asi pay dagiti aggandat iti kinadangkes, ken agaramid iti dakes cadagiti iddada! No iti bigat aglawag, isu ti aramidenda, ta adda iti pannacabalin ti imada.

Mikias 2:1 Iomraidhean Croise

Genesis 31:29

Kabaelanka a dangran ngem idi rabii, binallaagannak ti Dios ni amam a dika an-anoen.

1 Ar-ari 21:7

“Saan kadi a sika ti ari?” insungbat ni Jezebel. “Ala, bumangonkan ket agragsak ken manganka. Alaek ti kaubasan ni Nabot nga agpaay kenka!”

Ester 3:8

Kinuna ni Haman iti ari, “Adda naidumduma a tattao nga agnaed ken nawaraswaras iti amin a probinsia ti pagariam. Maigiddiat ti ugalida kadagiti dadduma a tattao, ket dida agtungpal kadagiti linteg ti pagarian. Natan-ok nga Ari, saanmo a pagimbagan no bay-am a kastoy ti aramidda.

Ester 5:14

Imbalakad ni Zeres ken dagiti gagayyem ni Haman, “Agpaaramidka iti pagbitayan a 75 a kadapan ti kangatona. Inton bigat, dawatem iti ari a mabitay ni Mardokeo dita. Kalpasanna, makadar-ayka a siraragsak iti pannangan.” Nagustoan ni Haman daytoy a balakadda ket nagpaaramid iti pagbitayan.

Ester 9:25

Ngem napan ni Ester iti ari, ket nangipaulog ti ari iti bilin. Nagbanag a ni Haman ti nagsagaba iti kinaranggas nga ipalak-amna koma kadagiti Judio: nabitayda kadagiti annakna.

Ti Libro ni Job 15:35

Dagitoy dagiti tattao a dakes ti panggepda; panangallilaw ti kanayon a pampanunotenda.

Ti Libro ni Job 24:14

Parbangon a rummuar ti mammapatay, ket uloyanna ti napanglaw; rabii no mapan agtakaw.

Dagiti Salmo 36:4

Agplano iti dakes no agid-idda; awan pay naimbag nga aramidenna, ket dina laksiden ti aniaman a dakes.

Dagiti Salmo 36:5

Dumanon sadi langit, O Apo, ti di agbalbaliw nga ayatmo; tumukno kadagiti ulep ti kinapudnom.

Dagiti Salmo 58:3

Manipud pay pannakaipasngayda, dagiti managdakdakes nayaw-awandan; manipud pay pannakayanakda, ulboddan.

Dagiti Proverbio 12:2

Maragsakan ti Apo kadagiti naimbag a tattao, ngem ukomenna dagiti agpanggep iti dakes.

Dagiti Proverbio 14:22

No agtrabahoka iti pagimbagan, magun-odmo ti panagtalek ken panagraem ti tao; no agtrabahoka iti pagdaksan, dakkel a biddut ti aramidmo.

Dagiti Proverbio 3:27

No adda gundawaymo a mangipaay iti imbag, ipaaymo kadagiti makasapul.

Dagiti Proverbio 4:16

Saan a makaturog dagiti managdakdakes no dida makaaramid iti dakes. Agiddada a siririing no awan pay rinanggasanda.

Isaias 29:20

Isunton ti kanibusanan dagiti mangparparigat kadagiti padada a tao ken mangipakita iti gurada iti Dios. Mapukawto aminen a managbasol.

Isaias 3:14

Isaklang ni Yahweh dagiti panglakayen ken pangulo. Daytoy ti ipabasolna kadakuada: “Dinadaelyo dagiti kaubasan ken napno dagiti balbalayyo kadagiti sinamsamyo kadagiti napanglaw.

Isaias 32:7

Dakes a tao ket dakes met dagiti aramidna. Isikatna a dadaelen dagiti napanglaw babaen kadagiti allilaw ken lapdanna ida a mangtunton iti kalinteganda.

Isaias 5:8

Asikayo pay, dakayo nga aggatgatang iti balbalay ken taltalon a nayon dagiti sigud a balbalay ken taltalonyo. Iti saan a mabayag, awanton ti pagyanan ti padayo a tao ket dakdakayton ti agnaed iti daga.

Isaias 59:3

Ngamin ta nagbasolkayo. Nagpapataykayo ken nagsaokayo iti ulbod ken panangallilaw.

Jeremias 18:18

Kinuna dagiti tattao, “Isikattayo a pukawen ni Jeremias. Uray ta addanto latta papadi a mangisuro kadatayo, mamasirib a mamagbaga ken profeta a mangiwaragawag iti sao ti Dios. Padpadaksentayo ketdi ket isardengtayo a denggen ti ibagbagana.”

Ezekiel 11:2

Kinuna ti Dios kaniak, “Anak ti tao, agplano dagitoy a tattao iti dakes ket saan a nasayaat ti pammagbagada iti daytoy siudad.

Ezekiel 33:26

Pagtangtangsityo dagiti kampilanyo. Makarimon dagiti aramidyo. Makikamkamalalakayo. Ania ti panggappuanyo nga agkuna a kukuayo ti daga?

Ezekiel 38:10

Daytoy ti kuna ti Apo a Dios ken ni Gog, “Inton dumteng dayta a tiempo, rugiamto ti agpanunot iti dakes a panggep.

Ezekiel 46:18

Saan a maipalubos nga alaen ti agturay ti aniaman a sanikua dagiti tattao. Ti laeng bukodna a daga ti mabalinna nga ited kadagiti annakna tapno maliklikan ti pannakaagaw ti daga ti siasinoman kadagiti tattaok.”

Mikias 6:12

Naranggas dagiti babaknang ket gundawayanda dagiti napanglaw. Naulbod dagiti tattao.

Nahum 1:11

Nineve, adda timmaud kenka a tao a pasig a dakes ti panggepna, ket insikatna ti Apo.

Zacarias 7:10

Diyo idadanes dagiti balo, dagiti ulila, dagiti ganggannaet a makipagnaed kadakayo ken ti siasinoman nga adda pakasapulanna. Ket dikay agpanggep kadagiti pamuspusan a mangdangran iti padayo a tao.’

San Marcos 15:1

Idi bumigaten, nagmimiting dagiti panguloen a papadi agraman dagiti panglakayen, dagiti mamaestro iti Linteg ken amin a kamkameng ti Sanhedrin. Tinulagda no ania ti aramidenda. Pinungoda ni Jesus sada impan ken ni Pilato.

San Lucas 20:19

Ammo dagiti mamaestro iti Linteg ken dagiti panguloen a papadi a sinarita ni Jesus daytoy a pangngarig a naiturong kadakuada. Isut' gapuna a pinadasda a patiliw ni Jesus iti dayta met la nga oras. Ngem nagbutengda kadagiti tattao.

San Juan 19:11

“Awan koma ti pannakabalinmo kaniak no saan nga inted kenka ti Dios,” insungbat ni Jesus. “Isut' gapuna a nakarkaro ti basol ti tao a nangyawat kaniak.”

Dagiti Aramid 23:12

Kabigatanna, nagtataripnong ti sumagmamano a Judio ket insapatada a dida mangan wenno uminum iti uray ania agingga iti mapatayda ni Pablo.

Dagiti Aramid 23:15

Ita ngarud, dakayo ken ti Sanhedrin, paibagayo iti komandante a paulogenna ni Pablo iti yanyo a kasla kayatyo a palutpoten ti pudpudno maipapan kenkuana. Ngem sisasaganakamto a mangpatay kenkuana sakbay a makaasideg ditoy.”

Taga-Roma 1:30

Agpipinnadakesda. Kagurada ti Dios. Natangsit, napalangguad ken napasindayagda. Nalaingda nga agpanunot iti ad-adu pay a wagas ti kinadakes. Sukirenda dagiti nagannak kadakuada.

Deuteronomio 28:32

Makitayonto ti pannakaited dagiti annakyo tapno agbalinda a tagabu dagiti ganggannaet. Inaldawto a mabannog dagiti matayo a mangpaspasungad kadagiti annakyo ngem didanton agsubli.