Mikias 1:3 - Ti Baro a Naimbag a Damag Biblia

³ Rummuar iti nasantoan a taengna; umulog ket magna iti tapaw dagiti bantay.

Ti Biblia (1973)

³ Ta, adtoy, ni Jehova agparang manipud iti yanna, ket bumabanto, ket agpayatto cadagiti nangato a disso ti daga.

Mikias 1:3 Iomraidhean Croise

Ti Libro ni Job 40:12

Wen, kitaem dagiti napalangguad ket pagpakumbabaem ida. Dadaelem dagiti managdakdakes iti pagtaktakderanda.

Dagiti Salmo 115:3

Adda sadi langit ti Diosmi; aramidenna ti aniaman a kayatna.

Isaias 25:10

Salaknibanto ti Apo ti Bantay Sion, ngem maibaddebaddekto dagiti tattao ti Moab a kas iti pannakaibaddebaddek ti garami iti takki.

Isaias 26:21

Manipud iti nailangitan a taengna, umay ti Apo a mangdusa kadagiti tattao ditoy daga gapu kadagiti basolda. Maibutaktakto dagiti pammapatay a naaramid iti nalimed ket dinton ilemmeng ti daga dagiti napapatay.

Ezekiel 3:12

Kalpasanna, impangatonak ti espiritu ti Dios ket manipud iti likudak, nangngegko ti napigsa a timek a kunana, “Idaydayawyo ti dayag ti Apo nga adda sadi langit.”

Amos 4:13

Ti Dios ti nangaramid kadagiti bantay; isu ti nangparsua kadagiti angin. Ipakaammona iti tao ti panunotna; pagbalinenna a rabii ti aldaw. Magna iti alimpatok ti daga. Daytoy ti naganna: Ti Dios nga Apo a Mannakabalin-amin!

Amos 9:5

Ni Apo Dios a Mannakabalin-amin sagidenna ti daga ket agginggined; agdung-aw ti amin nga agnaed sadiay. Kas iti Karayan Nile, dumakkel ken ages-es ti entero a lubong.

Habakuk 3:19

Papigsaennak ti Apo. Pasiglatennak a kas iti ugsa ken papagnaennak kadagiti nangato ken natalged a disso.

Zacarias 14:4

Iti dayta nga aldaw, agtakderto ti Apo iti tapaw ti Bantay Olivo iti daya ti Jerusalem. Maguduanto ti bantay ket addanto nalawa a tanap iti baetna a mangrugi iti daya nga agpa-laud. Umalisto nga agpa-amianan ti kaguduana ket agpa-abagatanto met ti sabali a kagudua.

Deuteronomio 32:13

“Pinagturayna ida kadagiti nangato a luglugar, tinaraonanna ida iti aniaman nga agtubo iti tay-ak. Nakasarakda iti diro kadagiti rengngat dagiti bato; nagtubo dagiti kayoda nga olibo iti kabatoan.

Deuteronomio 33:29

Naggasatka ketdin, O Israel! Awan ti nasion a kas kenka nga insalakan ti Apo. Ti Apo a mismo ti kalasag ken kampilanmo; salakniban ken pagballigiennaka. Umayto dagiti kabusormo a dumawat iti kaasim, ket baddebaddekemto ida.