Mikias 1:1 - Ti Baro a Naimbag a Damag Biblia

¹ Linaon daytoy a libro ti mensahe ni Yahweh ken ni Mikias a taga-Moreset idi panawen ti panagari da Jotam, Ahaz ken Hezekias iti Juda. Dagitoy ti impakaammo ni Yahweh kenkuana maipapan iti Samaria ken Jerusalem.

Ti Biblia (1973)

¹ Ti sao ni Jehova a dimteng ken ni Mikias a Morasti cadagidi al-aldaw da Jotam, Acaz, ken Ezekias, nga ar-ari ti Juda, isu a nakitana a maipapan iti Samaria ken Jerusalem.

Mikias 1:1 Iomraidhean Croise

2 Ar-ari 15:32

Iti maikadua a tawen a panagturay ni Peka nga anak ni Remalias a kas ari ti Israel, naisaad ni Jotam nga anak ni Uzzias a kas ari ti Juda.

2 Ar-ari 15:5

Dinusa ni Yahweh ni Uzzias. Nagkukutel ti ari ket saan a naimbagan agingga iti ipapatayna. Nagnaed nga is-isuna iti naiputputong a balay. Naikkat kenkuana ti pagrebbenganna a kas ari ket ni Jotam nga anakna ti nangituray iti pagilian.

2 Ar-ari 16:1

Iti maika-27 a tawen a panagturay ni Peka nga anak ni Remalias a kas ari ti Israel, naisaad ni Ahaz nga anak ni Jotam a kas ari ti Juda.

2 Ar-ari 18:1

Iti maikatlo a tawen a panagturay ni Oseas nga anak ni Ela a kas ari ti Israel, naisaad ni Hezekias nga anak ni Ahaz a kas ari ti Juda.

2 Cronicas 28:1

Duapulo ti tawen ni Ahaz idi maisaad nga ari ket nagturay iti 16 a tawen idiay Jerusalem. Dina tinulad ti naimbag nga aramid ni Ari David a kapuonanna; nagaramid ketdi iti saan a kaay-ayo ni Yahweh.

2 Cronicas 29:1

Duapulo ket lima ti tawen ni Hezekias idi agari iti Juda ket 29 a tawen a nagturay idiay Jerusalem. Ni Abiha nga anak ni Zacarias ti inana.

Isaias 1:1

Iti daytoy a libro, nailanad dagiti mensahe ti Dios maipapan iti Juda ken Jerusalem. Impakaammona dagitoy ken ni Isaias nga anak ni Amoz kadagiti panawen a panagturay dagiti ari ti Juda: da Uzzias, Jotam, Ahaz ken Hezekias.

Isaias 1:2

Kinuna ti Apo, “Dakayo a langit ken daga, denggenyo ti saok. Sinukirdak dagiti ubbing a pinadakkelko.

Isaias 7:1

Rimsua ti gubat bayat ti panagturay iti Juda ni Ari Ahaz nga anak ni Jotam ken apoko ni Uzzias. Rinaut da Rezin nga ari ti Siria ken Peka nga anak ni Remalias nga ari ti Israel ti Jerusalem ngem dida naparmek ti siudad.

Isaias 7:9

Saan a napigpigsa ti Israel ngem ti Samaria a kabesera a siudadna. Saan met a napigpigsa ti Samaria ngem ni Ari Peka. “No saan a napigsa ti pammatiyo, pulos a dikayto agbayag.”

Jeremias 26:18

“Idi ni Hezekias ti ari ti Juda, imbaga ni profeta Mica a Morastita kadagiti amin a tattao a kinuna daytoy ti Apo a Mannakabalin-amin, ‘Kaslanto talon a maarado ti Sion; agbalinto ti Jerusalem a gabsuon a batbato, ket agbalinto a bakir ti turod ti Templo.’

Oseas 1:1

Daytoy ti mensahe nga impakaammo ni Yahweh ken ni Oseas nga anak ni Beeri. Panawen idi da Ozias, Jotan, Ahaz, Hezekias nga ar-ari iti Juda; ni Jeroboam nga anak ni Joas ti ari idi iti Israel.

Oseas 4:15

“Israel, uray no saanka a napudno kaniak, saan a mairaman ti Juda iti basolmo. Dika mapan agdaydayaw idiay Gilgal wenno idiay Bethaven. Dika met agkari sadiay iti nagan ni Yahweh a sibibiag.

Oseas 8:14

“Nagipatakder dagiti tattao ti Israel kadagiti palasio, ngem nalipatanda ti Namarsua kadakuada. Adu a nasarikedkedan a siudad ti binangon dagiti tattao ti Juda. Ngem mangyegakto iti apuy a mangpuor kadagiti palasioda ken dagiti siudadda.”

Amos 1:1

Dagitoy dagiti sao ni Amos a maysa nga agpaspastor iti ili ti Tekoa. Impaltiing ti Dios kenkuana dagitoy a banag maipapan iti Israel dua a tawen sakbay daydi ginggined. Ni Uzzias idi ti ari ti Juda ket ni Jeroboam nga anak ni Joas ti ari ti Israel.

Amos 6:1

Nakabutbutengto ti pagbanaganyo, dakayo a nanam-ay ti biagna dita Sion ken dakayo a mangipagarup a natalgedkayo dita Samaria—dakayo a papangulo iti daytoy agdindinamag a pagilian ti Israel, dakayo a kamangan dagiti tattao no masapulda ti tulong!

Mikias 1:5

Mapasamak amin dagitoy agsipud ta nagbasol dagiti Israelita ket tinallikudanda ti Dios. Siasino ti akimbasol iti panagtallikud ti Israel? Dagiti tattao ti Samaria! Siasino ti nagdaydayaw kadagiti didiosen idiay Juda? Dagiti tattao ti Jerusalem!

Mikias 3:9

Denggendak, dakayo nga agtuturay iti Israel, dakayo a manggura iti kinahustisia ken mangkillo iti nalinteg.

Habakuk 1:1

Daytoy ti mensahe nga impakaammo ni Yahweh ken ni profeta Habakuk.

2 Pedro 1:21

Ta awan a pulos ti padto a nagtaud iti nakem ti tao. Indalan ketdi ti Espiritu Santo dagiti tattao nga agsao iti mensahe ti Dios.