San Mateo 9:6 - Ti Baro a Naimbag a Damag Biblia

⁶ Paneknekak ngarud kadakayo a ti Anak ti Tao adda pannakabalinna ditoy daga a mamakawan kadagiti basbasol.” Ket kinunana iti paralitiko, “Bumangonka, bagkatem ta iddam ket agawidkan.”

Ti Biblia (1973)

⁶ Ngem tapno maammoanyo a ti Anac ti tao adda pannacabalinna ditoy daga a mamacawan cadagiti basbasol, (idin cunana iti saan a macagunay:) Bumangonca, alaem ta iddam, ket inca idiay balaymo.

San Mateo 9:6 Iomraidhean Croise

Isaias 43:25

“Ngem siak ti Dios a mangikkat kadagiti basolmo, ket aramidek daytoy gapu iti kinadiosko. Diakton isingir dagiti basbasolmo.

Mikias 7:18

Awan ti dios a kas kenka, O Apo. Pakawanem dagiti basol dagiti tattao a nakalasat. Dika koma agpungtot iti agnanayon, no di ket ipakitam kadakami ti di agbalbaliw nga ayatmo.

San Mateo 4:24

Nagdinamag ni Jesus iti entero a daga ti Siria. Impan dagiti tattao kenkuana dagiti addaan iti nadumaduma a saksakit ken an-annayen: dagiti linuganan dagiti demonio, dagiti agkiskissiw, ken dagiti paralitiko. Pinaimbag amin ida ni Jesus.

San Mateo 8:20

Simmungbat ni Jesus kenkuana, “Adda rukib dagiti musang, ken adda umok dagiti tumatayab, ngem awan pagiddaan ken paginanaan ti Anak ti Tao.”

San Mateo 9:2

Inyeg ti sumagmamano a tattao kenkuana ti maysa a paralitiko a nakaidda iti papag. Nabigbigna ti kaadda ti pammatida ket kinunana iti paralitiko, “Pakirdem ta pakinakemmo, anakko. Napakawanen dagiti basbasolmo.”

San Mateo 9:5

Ania ti nalaklaka a sawen, ‘Napakawanen dagiti basbasolmo,’ wenno, ‘Bumangonka ket magnaka’?

San Mateo 9:7

Timmakder ti paralitiko ket nagawid.

San Marcos 2:10

Paneknekak ngarud kadakayo a ti Anak ti Tao adda pannakabalinna ditoy daga a mamakawan kadagiti basbasol.”

San Marcos 2:7

“Apay a kasta ti sao daytoy a tao? Maibusor iti Dios ti sasawenna! Ni laeng Apo Dios ti makapakawan iti basol!”

San Lucas 5:21

Nagtantanabutob dagiti mamaestro iti Linteg, kasta met dagiti Fariseo, ket kinunkunada: “Apay a kastoy ti panagsao daytoy a tao? Maibusor iti Dios ti sasawenna! Ti laeng Dios ti makapakawan kadagiti basbasol!”

San Juan 10:28

Ikkak ida iti biag nga agnanayon, ket pulos a didanto matay. Awan ti makarabsut kadakuada kaniak.

San Juan 17:2

Ta inikkam iti pannakabalin nga agturay kadagiti amin a tattao tapno ikkanna met iti biag nga agnanayon dagiti amin nga intedmo kenkuana.

San Juan 5:27

Ket intednan iti Anak ti turay a mangukom, agsipud ta isu ti Anak ti Tao.

San Juan 5:8

“Bumangonka,” kinuna ni Jesus. “Bagkatem ta iddam, ket magnakan.”

Dagiti Aramid 5:31

Intan-ok ti Dios iti makannawanna, kas Pangulo ken Mangisalakan, tapno ikkanna dagiti Israelita iti gundaway nga agbabawi kadagiti basbasolda ket mapakawanda.

Dagiti Aramid 9:34

Kinuna ni Pedro kenkuana, “Eneas, paimbagennaka ni Jesu-Cristo. Bumangonka ket idulinmo ta iddam.” Dinagdagus ni Eneas ti bimmangon.

2 Taga-Corinto 2:10

No pakawanenyo ti siasinoman gapu iti inaramidna, pakawanek met. Ta no mamakawanak—no pudno a masapul a pakawanek ti siasinoman—aramidek gapu kadakayo iti sangoanan ni Cristo

2 Taga-Corinto 5:20

Ngarud, adtoykami a pannakangiwat ni Cristo. Kasla ti Dios a mismo ti agdawdawat kadakayo. Iti nagan ni Cristo, yunay-unaymi a makikappiakayo iti Dios!

Taga-Efeso 4:32

Agkikinnaasi ken agiinnayatkayo ketdi. Agpipinnakawankayo, kas iti panangpakawan ti Dios kadakayo babaen ken ni Cristo.

Taga-Colosas 3:13

No adda pagkunaan ti maysa ken maysa, agiinnanus ken agpipinnakawankayo. Masapul nga agpipinnakawankayo a kas iti panangpakawan ti Apo kadakayo.