San Mateo 9:4 - Ti Baro a Naimbag a Damag Biblia

⁴ Agsipud ta ammo ni Jesus ti pampanunotenda, kinunana, “Apay nga agpampanunotkayo iti dakes?

Ti Biblia (1973)

⁴ Ket idinto nga ammo ni Jesus dagiti panunutda, kinunana: Apay-apay agpanunutcay ti dakes cadagiti puspusoyo?

San Mateo 9:4 Iomraidhean Croise

Dagiti Salmo 139:2

Ammom amin nga aramidko; ammom dagiti pampanunotko uray addaka iti adayo.

Dagiti Salmo 44:21

awan duadua a maammoam ta ammom ti amin dagiti nalimed a pampanunotmi.

Ezekiel 38:10

Daytoy ti kuna ti Apo a Dios ken ni Gog, “Inton dumteng dayta a tiempo, rugiamto ti agpanunot iti dakes a panggep.

San Mateo 12:25

Ammo ni Jesus ti pampanunotenda ket kinunana kadakuada, “Saan nga agbayag ti pagarian a mabingaybingay ken aggiginnubat met laeng. Aniaman nga ili wenno familia a mabingaybingay ken aggiginnura, dinto agpaut.

San Marcos 12:15

Ngem nadlaw ni Jesus ti sikapda ket kinunana, “Apay a suotendak? Ikkandak man iti bagi ti pirak ta kitaek.”

San Marcos 2:8

Ammo a dagus ni Jesus ti adda iti panunotda ket kinunana, “Apay a kasta ti pampanunotenyo?

San Lucas 11:17

Ngem ammo ni Jesus ti pampanunotenda ket kinunana kadakuada, “Saan nga agbayag ti pagarian a nabingaybingay ken agbibinnusor dagiti tattaona. Kasta met a mawarawara ti familia no agbibinnusor dagiti kamkamengna.

San Lucas 5:22

Ammo ni Jesus ti kapanunotanda ket kinunana kadakuada, “Apay a kasta ti pampanunotenyo?

San Lucas 6:8

Ngem ammo ni Jesus ti pampanunotenda. Kinunana iti lalaki, “Tumakderka ket umayka ditoy sango.” Timmakder ti lalaki ket napan iti sangoananda.

San Lucas 7:40

“Simon,” kinuna ni Jesus iti Fariseo, “adda ibagak kenka.” “Ania dayta, Maestro?” insungbat ni Simon.

San Juan 16:19

Gapu ta ammo ni Jesus no ania ti kayatda a saludsoden kenkuana, kinunana kadakuada, “Agsisinnaludsodkayo kadi gapu iti saok nga ‘Iti saan a mabayag, didakton makita, ngem kalpasan met la ti bassit a tiempo, makitadakto manen’?

San Juan 16:30

Ita, maawatanmin nga ammom amin. Saanmo a masapul ti uray siasinoman nga agsaludsod kenka. Daytoy ti gapuna a naggapuka iti Dios.”

San Juan 21:17

Pinitlo ni Jesus a sinaludsod, “Simon nga anak ni Juan, ay-ayatennak kadi?” Nagliday ni Pedro gapu ta namitlon a sinaludsod ni Jesus kenkuana, “Ay-ayatennak kadi?” Kinuna ni Pedro, “Apo, ammom amin a banag. Ammom nga ay-ayatenka!” Kinuna ni Jesus kenkuana, “Aywanam dagiti karnerok.

San Juan 6:61

Nupay no awan ti nangibagbaga kenkuana, ammo ni Jesus nga agdadayamudom dagiti adalanna gapu iti daytoy. Iti kasta, kinunana kadakuada: “Maupaykayo kadi gapu iti daytoy?

San Juan 6:64

Nupay kasta, adda sumagmamano kadakayo a di mamati.” (Sigud nga ammo ni Jesus no siasino dagiti saan a mamati ken no siasino ti mangliputto kenkuana.)

Dagiti Aramid 5:9

Iti kasta, kinuna ni Pedro, “Apay a nagtulaganyo nga agassawa a suoten ti Espiritu ti Apo? Denggem dagiti arimpadek! Addan iti ruangan dagiti lallaki a napan nangitanem iti asawam. Umaydaka met iruar!”

Paltiing 2:23

Papatayekto met dagiti annakna tapno maammoan dagiti iglesia nga ammok ti panunot ken tarigagay dagiti tattao. Dusaekto ti tunggal maysa kadakayo, segun ti inaramidyo.