San Mateo 8:8 - Ti Baro a Naimbag a Damag Biblia

⁸ Insungbat ti kapitan, “Saan a masapul nga umayka, Apo. Diak maikari nga umawat kenka iti balayko. Agsaoka laeng ket umimbag ti adipenko.

Ti Biblia (1973)

⁸ Ket simmungbat di Centurion, ket kinunana: Apo, saanac a maicari nga umawat kenca iti uneg ti balayco; ngem saoem laeng ti sao ket ti ubingco umimbagto.

San Mateo 8:8 Iomraidhean Croise

Genesis 32:10

Diak maikari iti amin nga imbag ken ayat nga impaaymo kaniak nga adipenmo. Idi bimmallasiwak iti Jordan, awan iggemko no di la sarukod, ngem ita ta nagsubliakon, duan a bunggoy ti kinakuyogko.

Dagiti Salmo 10:17

Mangngegmo, O Apo, ti kararag dagiti nanumo; papigsaem ti pakinakemda.

Dagiti Salmo 107:20

Pinaimbagna ida babaen iti panagbilinna, ket inispalna ida iti pakadadaelanda.

Dagiti Salmo 33:9

Naaramid ti lubong babaen iti panagsaona; timmaud ti amin babaen iti panagbilinna.

Numero 20:8

“Alaem ti sarukod iti sango ti Lakasa ti Tulag ket kalpasanna, ayabanyo ken ni Aaron ti entero a gimong. Iti imatangda amin, agsaoka iti dayta a bato ket pumsuak ti danum nga agpaay kadakuada ken dagiti animalda.”

San Mateo 3:11

Buniagankayo iti danum kas pakakitaan ti panagbalbaliwyo. Ngem ti umay a sumarsaruno kaniak buniagannakayto iti Espiritu Santo ken iti apuy. Dakdakkel ti pannakabalinna ngem siak; diak pay maikari a mangbitbit iti sandaliasna.

San Mateo 3:14

Ngem kayat a lapdan ni Juan ket kinunana ken Jesus, “Siak koma ti rebbengna a buniagam, ngem apay nga umayka kaniak?”

San Mateo 8:3

Sinagid ni Jesus ti lalaki sana kinuna, “Kayatko. Umimbagkan!” Dagus nga immimbag ti lalaki.

San Mateo 8:7

“Umayko paimbagen,” kinuna ni Jesus.

San Mateo 8:9

Ta uray siak, addaak iti babaen dagiti naturturay ngem siak a pagtungpalak ket adda met dagiti soldado a mangtungpal kadagiti bilinko. No kunak iti maysa, ‘Mapanka idiay,’ mapan. No kunak iti sabali, ‘Umayka,’ umay. Ket no ibilinko iti tagabuk, ‘Aramidem daytoy,’ aramidenna.”

San Lucas 15:19

Diak maikarin a maawagan nga anakmo. Ibilangnak kadi a kas maysa kadagiti tangtangdanam.’

San Lucas 15:21

‘Ama,’ kinuna ti anak, ‘nagbasolak iti Dios, kasta met kenka. Diak maikarin a maawagan nga anakmo.’

San Lucas 5:8

Idi makita ni Simon Pedro ti napasamak, nagparintumeng iti sangoanan ni Jesus ket kinunana, “Apo, adaywannak! Maysaak a managbasol.”

San Juan 1:27

Sumarsaruno kaniak, ngem diak pay maikari a mangwarwar iti sandaliasna.”