San Mateo 8:16 - Ti Baro a Naimbag a Damag Biblia

¹⁶ Idi dumteng ti rabii, inyeg dagiti tattao ken ni Jesus dagiti adu a linuganan dagiti demonio. Babaen iti balikas, pinaksiat ni Jesus dagiti dakes nga espiritu ket pinaimbagna amin a masakit.

Ti Biblia (1973)

¹⁶ Ket idi malemen, inyegda kencuana dagiti adu a nagun-gan dagiti sairo; ket pinaruarna dagiti sairo iti sao, ket pinaimbagna dagiti amin nga masacsakit idi.

San Mateo 8:16 Iomraidhean Croise

Exodo 15:26

Kinunana kadakuada, “No ipangagyo a sipupudno ti ibagak, ni Yahweh a Diosyo, ket aramidenyo ti ibilangko a nalinteg, saankayto a dusaen iti uray ania a sakit nga impalak-amko kadagiti Egipcio. Siak ni Yahweh a mamaimbag kadakayo.”

San Mateo 12:22

Kalpasanna, impan ti sumagmamano a tattao ken ni Jesus ti maysa a lalaki a bulsek ken umel agsipud ta linuganan ti demonio. Pinaimbag ni Jesus daytoy a lalaki, ket iti kasta, makasao ken makakitan.

San Mateo 14:14

Dimsaag ni Jesus iti bangka. Idi makitana dagiti adu a tattao, naasian kadakuada ket inagasanna dagiti masakitda.

San Mateo 8:15

Sinagid ni Jesus ti ima ti babai ket awanen ti gurigorna. Bimmangon ket rinugianna ti nagserbi kenkuana.

San Mateo 8:33

Nagtataray dagiti agtartaraken kadagiti baboy a napan idiay ili. Impadamagda ti napasamak agraman ti naaramid kadagiti dua a lallaki a linuganan dagiti demonio.

San Mateo 9:2

Inyeg ti sumagmamano a tattao kenkuana ti maysa a paralitiko a nakaidda iti papag. Nabigbigna ti kaadda ti pammatida ket kinunana iti paralitiko, “Pakirdem ta pakinakemmo, anakko. Napakawanen dagiti basbasolmo.”

San Marcos 2:3

idi simmangpet ti uppat a lallaki a nagbaklay iti maysa a paralitiko nga ipanda kenkuana.

San Marcos 5:8

Sinaona daytoy gapu ta kinuna ni Jesus kenkuana, “Dakes nga espiritu, rummuarka iti daytoy a tao!”)

San Marcos 9:25

Nadlaw ni Jesus dagiti tattao nga agdidinnuron nga umasideg kenkuana. Binilinna ti dakes nga espiritu, “Sika a tuleng ken umel nga espiritu, pumanawka itoy nga ubing ket dimo subsublianen.”

San Lucas 13:12

Idi makita ni Jesus ti babai, inayabanna. “Naimbagankan iti sakitmo!” kinuna ni Jesus kenkuana.

San Lucas 4:40

Idi lumlumneken ti init, amin nga adda gagayyemna nga agsagsagaba iti uray ania a kita ti sakit, impanda dagitoy a masakit ken ni Jesus. Impatayna ti imana iti tunggal maysa ket naimbaganda amin.

San Lucas 4:41

Rimmuar met dagiti demonio kadagiti adu a tattao ket inyik-ikkisda: “Sika ti Anak ti Dios!” Ngem inungtan ida ni Jesus. Dina impalubos nga agsaoda ta ammoda nga isu ti Cristo.

Dagiti Aramid 5:15

Gapu iti ar-aramiden dagiti apostoles, naipan dagiti masakit kadagiti kalkalsada. Naipaiddada kadagiti papag ken ikamen tapno no lumabas ni Pedro, uray ti anniniwanna laeng ti manglinong iti dadduma kadakuada.