San Mateo 8:12 - Ti Baro a Naimbag a Damag Biblia

¹² Ngem dagiti naituding nga agtawid iti Pagarian, maipurruakdanto iti ruar a nasipnget, ket agsangit ken agngaretngetdanto gapu iti rigatda.”

Ti Biblia (1973)

¹² Ngem dagiti anac ti pagarian maibel-lengdanto iti sipnget iti ruar: idiay addanto panagdung-aw ken panagngaretnget dagiti ngipen.

San Mateo 8:12 Iomraidhean Croise

Dagiti Salmo 112:10

Makita daytoy dagiti managdakdakes, ket makapungtotda. Agngarrietda ket pumanawda kalpasanna; mapukaw a mamimpinsan ti namnamada.

Isaias 65:14

Agkantadanto gapu iti rag-o, ngem agsangitkayto gapu iti ladingityo.

San Mateo 13:38

“Ti talon isu ti lubong. Ti nasayaat a bukel isuda dagiti annak ti Pagarian. Dagiti ruot isuda dagiti annak ti Managdakdakes.

San Mateo 13:42

Isebbadanto ida iti gumilgil-ayab nga apuy. Sadiay, agsasangit ken agngangaretngetdanto.

San Mateo 13:50

Isebbadanto dagiti dakes iti gumilgil-ayab nga apuy. Sadiay, agsasangit ken agngaretngetdanto.”

San Mateo 21:43

“Isut' gapuna nga ibagak kadakayo,” innayon pay ni Jesus, “a maikkatto kadakayo ti Pagarian ti Dios ket maitedto kadagiti tattao a makaited kadagiti umno a bunga.

San Mateo 24:51

Dusaento ti apona iti nadagsen ket mairamanto iti kinadaksanggasat dagiti aginsisingpet. Sadiay, agsangit ken agngaretngetto.”

San Mateo 25:30

Ket daytoy awan serserbina nga adipen, ipurruakyo iti kasipngetan. Sadiay, agsangit ken agngaretngetto.’ ”

San Lucas 13:28

Agsangit ken agngaretngetkayto inton makitayo nga adda da Abraham, Isaac, Jacob ken dagiti amin a profeta iti Pagarian ti Dios, idinto nga addakay iti ruar!

Dagiti Aramid 3:25

Agpaay kadakayo dagiti inkari ti Dios babaen kadagiti profeta, ket mairamankay iti katulagan ti Dios kadagiti kapuonanyo idi kinunana ken ni Abraham: ‘Bendisionakto amin a tattao ditoy daga babaen kadagiti kaputotam.’

Taga-Roma 9:4

Israelitada, ket pinagbalin ti Dios ida nga annakna. Inranudna ida iti gloriana. Nakitulag kadakuada ket intedna ti Lintegna. Adda kadakuada ti pudno a panagdaydayaw. Inawatda dagiti karina.

2 Pedro 2:17

Mayarig dagitoy a tattao iti namagaan nga ubbog. Kasda la ulep a mayang-angin iti napigsa. Insaganan ti Dios ti pagyananda iti mangliwengliweng a sipnget.

2 Pedro 2:4

Saan a kinaasian ti Dios dagiti angheles a nagbasol. Intappuakna ketdi ida idiay infierno, iti kasipngetan a lugar a nakakawaranda, a pangur-urayanda iti idadateng ti Aldaw ti Panangukom.

San Judas 1:13

Mayarigda kadagiti nadawel a dalluyon iti baybay. Kasla labutab a narugit dagiti nakababain nga aramidda. Kasda la kadagiti agalla-alla a bituen nga insaganaan ti Dios iti pagyanan iti agnanayon a mangliwengliweng a sipnget.

Paltiing 22:15

Ngem mabati iti ruar ti siudad dagiti narukop a tattao, dagiti managsalamangka, dagiti mannakikamalala, dagiti mammapatay, dagiti agdaydayaw kadagiti didiosen ken dagiti managayat ken agaramid iti kinaulbod.

1 Samuel 2:9

“Salaknibanna ti biag dagiti napudno a tattaona, ngem mapukaw ti managdakdakes iti kasipngetan; saan nga agballigi ti tao babaen iti bukodna a pigsa.