San Mateo 8:11 - Ti Baro a Naimbag a Damag Biblia

¹¹ Laglagipenyo nga adunto ti aggapu iti laud ken daya a makisango iti panganan kada Abraham, Isaac ken Jacob iti Pagarian ti langit.

Ti Biblia (1973)

¹¹ Ket cunac cadacayo nga adu dagiti umayto nga aggapu iti daya ken laud, ket makicatugawdanto ken Abraham ken Isaac ken ni Jacob iti pagarian ti langit.

San Mateo 8:11 Iomraidhean Croise

Genesis 12:3

“Bendisionakto dagiti mangbendision kenka, ngem ilunodkonto dagiti mangilunod kenka. Dawatento dagiti amin a nasion ditoy daga a bendisionak ida a kas iti panangbendisionko kenka.”

Genesis 22:18

Dawatento kaniak dagiti amin a nasion iti lubong a bendisionak ida a kas iti panangbendisionko kadagiti kaputotam. Aramidekto daytoy gapu ta tinungpalmo ti bilinko.”

Genesis 28:14

Umadunto ti kaputotam—kaslanto tapok ti kaaduda. Agwarasdanto iti amin a lugar ket dawatento dagiti amin a nasion a bendisionak met ida a kas iti panangbendisionko kenka ken kadagiti kaputotam.

Genesis 49:10

Ikutan ni Juda ti setro, agnanayon nga agturay dagiti kaputotanna. Yegto dagiti nasion dagiti sagut a pagbayadda kenkuana. Ket agtamedda a mangipakita iti panagtulnogda.

Dagiti Salmo 22:27

Lagipendakanto ti tunggal maysa ditoy daga, Apo; manipud iti amin a suli ti lubong umaydanto agkamang kenka ket agrukbabda.

Dagiti Salmo 98:3

Tinungpalna ti karina kadagiti Israelita; nalagipna ti kinapudno ken ayatna kadakuada. Nakita dagiti tattao iti amin a disso ti panagballigi ti Diostayo.

Isaias 11:10

Iti dayta nga aldaw, maibayogto ti ramut ni Jesse ket maibilangto a pagilasinan dagiti nasion. Aguummongdanto iti naarian a siudadna ket ipaaydanto ti pammadayaw kenkuana.

Isaias 49:12

Dumteng dagiti tattaok manipud iti adayo a lugar; aggapuda iti laud ken iti amianan, kasta met iti Aswan iti abagatan.”

Isaias 49:6

Kinuna ti Apo kaniak, “Adda nangnangruna a trabaho nga ipaaramidko kenka nga adipenko! Saanmonto la nga isubli ti kinatan-ok dagiti Israelita a nakalasat, ngem pagbalinenkanto pay a silaw kadagiti pagilian— tapno maisalakan ti sangalubongan.”

Isaias 52:10

Aramaten ti Apo ti bilegna a nasantoan; isalakanna dagiti tattaona, ket makita ti sangalubongan.

Isaias 59:19

Manipud daya agingga iti laud, kabutengto ti amin a tao ti nagan ken pannakabalinna. Dumtengto ti Apo a kas iti napegges a karayan, kas iti napigsa nga angin.

Jeremias 16:19

O Apo, sika ti mangsalaknib kaniak ken mangted iti pigsak. Tulongannak iti tiempo ti rigat. Umayto kenka dagiti nasion nga aggapu iti amin a paset ti daga ket kunada, “Pasig a sinan-dios ti adda kadagidi kapuonanmi. Awan ti adda kadakuada no di laeng dagiti awan serserbina nga imahen.

Daniel 2:44

Iti panawen dagitoy nga agturay, mangipasdekto ti Dios ti langit iti pagarian a pulos a dinto agpatingga. Saanto a maparmek dayta a pagarian ngem gibusannanto dagiti amin a pagarian. Isu laeng ti agpaut iti agnanayon.

Malakias 1:11

Agraem kaniak dagiti amin a tattao ditoy lubong. Iti sadinoman a disso, agpuorda iti insenso a maipaay kaniak ket agidatagda kadagiti makaay-ayo a daton. Isuda amin raemendak.

San Mateo 21:41

Kinunada, “Awan duadua a patayennanto dagiti naranggas a makitaltalon. Ket ipaabangnanto ti kaubasan kadagiti sabali a makitaltalon a mangtedto kenkuana iti bingayna iti tiempo ti panagapit.”

San Mateo 24:31

Aguninto ti dakkel a trumpeta, ket ibaonto ti Anak ti Tao dagiti anghelesna kadagiti uppat a suli ti lubong sadanto urnongen dagiti tattao a pinili ti Dios, manipud iti maysa a pungto ti daga agingga iti sabali.”

San Mateo 3:2

“Agbabawikayo kadagiti basbasolyo,” kinunana, “agsipud ta asidegen ti Pagarian ti langit.”

San Mateo 8:10

Nasdaaw ni Jesus idi nangngegna daytoy ket kinunana kadagiti sumursurot kenkuana: “Ibagak kadakayo, diak pay nakasarak iti Israel iti siasinoman nga addaan iti kastoy a pammati.

San Lucas 12:37

Anian a ragsak dagiti kakasta nga adipen a siririing ken sisasagana a masangpetan ti amongda. Ibagak kadakayo, agkawesto iti pagserbi, pagtugawennanto ida iti panganan, ket serbiannanto ida.

San Lucas 16:22

“Natay ti napanglaw ket impan dagiti angheles iti ayan ni Abraham. Natay met ti baknang ket naitanem.

Dagiti Aramid 10:45

Nasdaaw dagiti mamati a Judio a kinakuyog ni Pedro a naggapu idiay Joppe gapu ta inted met ti Dios ti Espiritu Santo kadagiti Hentil.

Dagiti Aramid 11:18

Idi mangngegda daytoy, nagsardengda a mangbabalaw kenkuana. Indaydayawda ti Dios. Kinunkunada, “No kasta ngarud, inted met ti Dios kadagiti Hentil ti gundaway nga agbabawi ken agbiag!”

Dagiti Aramid 14:22

Pinatibkerda dagiti mamati ket binalakadanda ida nga agtalinaed a sipupudno iti pammati. Imbagada, “Masapul nga aglasattay iti adu a rigat sakbay a sumrektay iti Pagarian ti Dios.”

Dagiti Aramid 14:27

Idi sumangpetda idiay Antiokia, inurnongda dagiti kamkameng ti iglesia. Sinaritada ti amin nga inaramid ti Dios babaen kadakuada ken no kasano ti pananglukat ti Dios iti dalan tapno mamati dagiti Hentil.

1 Taga-Corinto 15:20

Ngem iti kinapudnona, napagungar ni Cristo kas umuna a bunga ken pammatalged a mapagungarto met dagiti matmaturog iti tanem.

1 Taga-Corinto 6:9

Saanyo aya nga ammo a dinto tagikuaen dagiti managdakdakes ti Pagarian ti Dios? Dikayo paallilaw. Dagiti tattao nga immoral, dagiti agrukbab kadagiti didiosen, dagiti mannakikamalala, dagiti aggartem iti padada a lalaki wenno padada a babai

Taga-Efeso 3:6

Daytoy ti palimed: Babaen iti ebanghelio, mairaman dagiti Hentil kadagiti Judio nga umawat iti bendision ti Dios. Kamkamengda iti isu met laeng a bagi, ket mairamanda iti inkari ti Dios ken ni Cristo Jesus.

Taga-Colosas 3:11

Iti kasta, awan Hentil wenno Judio, nakugit wenno saan a nakugit, ganggannaet, narungsot a tao, tagabu ken siwawayawaya, no di ket ni Cristo ti isuamin ken adda iti isuamin.

2 Taga-Tesalonica 1:5

Ipaneknek amin dagitoy a nainkalintegan ti panangukom ti Dios ket kas pagbanaganna, maikarikayo iti Pagarianna, nga isu ti agdama a pagsagsagabaanyo.

Paltiing 7:6

12,000 manipud iti tribu ti Aser, 12,000 manipud iti tribu ti Neftali, 12,000 manipud iti tribu ti Manases, 12,000 manipud iti tribu ti Simeon, 12,000 manipud iti tribu ti Levi, 12,000 manipud iti tribu ti Isacar, 12,000 manipud iti tribu ti Zabulon, 12,000 manipud iti tribu ti Jose, 12,000 manipud iti tribu ti Benjamin.