San Mateo 7:7 - Ti Baro a Naimbag a Damag Biblia

⁷ “Agdawatkayo ket maikkankayto; agsapulkayo ket makabirokkayto; agtuktokkayo ket mailukatto ti ruangan kadakayo.

Ti Biblia (1973)

⁷ Agdawatcayo, ket maiccancayto; agsapulcayo ket macasaraccayto: umawagcayo ket mailucatancayto.

San Mateo 7:7 Iomraidhean Croise

Genesis 26:32

Iti dayta nga aldaw, dimteng dagiti adipen ni Isaac ket impadamagda kenkuana a nakasarakda iti danum iti bubon a kinalida.

1 Ar-ari 3:5

Iti dayta a rabii, nagparang ni Yahweh kenkuana iti maysa a tagtagainep ket sinaludsodna, “Ania ti kayatmo nga itedko kenka?”

Dagiti Salmo 10:17

Mangngegmo, O Apo, ti kararag dagiti nanumo; papigsaem ti pakinakemda.

Dagiti Salmo 10:4

Iti kinatangsitna kastoy ti kunkunana, “Awan ti Dios; saanak nga agsagaba!” Kastoy ti kanayon a pampanunotenna.

Dagiti Salmo 119:12

Idaydayawka, O Apo; isurom kaniak dagiti daldalanmo.

Dagiti Salmo 27:8

Idi kinunam, “Umaykayo kaniak,” insungbatko, “Umayak, O Apo.”

Dagiti Salmo 34:4

Immawagak iti Apo ket sinungbatannak; inispalnak kadagiti amin a pagbutbutngak.

Dagiti Salmo 37:4

Sapulem iti Apo ti pagragsakam, ket itednanto ti tartarigagayam.

Dagiti Salmo 50:15

No umay ti riribuk, awagannak; ispalenkanto ket idaydayawnakto.”

Dagiti Salmo 69:32

No makita daytoy dagiti maidadanes, agragsakda; dagiti agdaydayaw iti Dios, maparegtada.

Dagiti Salmo 70:4

Agragsak ken agrag-o koma dagiti amin nga umay kenka! Agnanayon koma a kuna dagiti amin nga agyaman iti panangisalakanmo: “Nagtan-ok ketdin ti Dios!”

Dagiti Salmo 86:5

Naimbag ken mamakawanka, aglaplapusanan ti di agbalbaliw nga ayatmo kadagiti amin nga umawag kenka.

Dagiti Proverbio 8:17

Ay-ayatek dagiti agayat kaniak, masarakannak ti mangsapul kaniak.

Kanta ni Solomon 3:2

Bimmangonak ket sinursorko ti siudad, linasatko dagiti kalsada ken lansangan. Binirbirokko ti kaayan-ayatko, sinapsapulko ngem diak masarakan.

Isaias 30:19

Dakayo nga agnaed iti Jerusalem, dikayton agsangit. Manangngaasi ti Apo ket no umasugkayo nga agpatulong kenkuana, ipangagnakayo.

Jeremias 33:3

“Awagannak ket sungbatankanto. Ibagakto kenka dagiti nakaskasdaaw ken naindaklan a banag a saanmo pay nga ammo.

Amos 5:4

Kuna ni Yahweh kadagiti Israelita, “Umaykayo kaniak ket agbiagkayo.

San Mateo 18:19

“Adda pay ibagak kadakayo: No pagnummoan ti dua kadakayo ditoy daga ti aniaman a dawatenyo, itedto kadakayo ni Amak sadi langit.

San Mateo 21:22

No adda pammatiyo, awatenyonto ti aniaman a dawatenyo iti kararagyo.”

San Mateo 6:33

Ipangpangrunayo ketdi a biroken ti Pagarianna ken tungpalen ti pagayatanna, ket itednanto amin a kasapulanyo.

San Mateo 7:11

No dakayo idinto a dakeskayo, ammoyo ti mangted iti naimbag kadagiti annakyo, dinto ket ad-addan ti pannangted ni Amayo sadi langit iti naimbag kadagiti agdawat kenkuana?

San Mateo 7:8

Ta ti amin nga agdawat, maikkan; ti agsapul, makabirok; ti agtuktok, mailukatto kenkuana ti ruangan.

San Marcos 11:24

Gapu iti daytoy, ibagak kadakayo: Tunggal agkararagkayo ket adda dawatenyo, patienyo a naawatyon, ket maitedto ti aniaman a dawatenyo.

San Lucas 13:25

“Inton tumakderen ti ama ti familia tapno mapanna irikep ti ruangan, mabatikayto iti ruar. Uray agtugtogkayo ket kunayo, ‘Apo, ilukatmo man ti ruangan,’ isungbatnanto kadakayo, ‘Diak ammo no taga-anokayo.’

San Lucas 18:1

Sinarita ni Jesus kadakuada daytoy a pangngarig tapno isurona ida a masapul nga agkararagda a kanayon ken dida pukawen ti namnamada.

San Juan 15:16

Saan a dakayo ti nangpili kaniak, no di ket siak ti nangpili kadakayo. Imbaonkayo a mapan ken agbunga iti adu, ket manayon koma ti bungayo. Iti kasta, itedto ti Ama kadakayo ti aniaman a dawatenyo kenkuana iti naganko.

San Juan 15:7

No agtaengkayo kaniak, ket agtaeng dagiti saok kadakayo, dawatenyo ti aniaman a kayatyo, ket maitedto kadakayo.

San Juan 4:10

“No ammom la koma ti sagut nga ited ti Dios ken no siasino ti dumawdawat kenka iti inumen, dumawatka koma kenkuana ket ikkannaka iti nabiag a danum,” insungbat ni Jesus.

Taga-Roma 2:7

Adda tattao a naanus nga agaramid iti naimbag tapno magun-odda ti dayag, dayaw ken biag nga awan patinggana. Itedto ti Dios kadakuada ti biag nga agnanayon.

Taga-Roma 3:11

Awan ti uray maysa a makaawat, wenno mangbirok iti Dios.

Hebreo 11:6

Ngem no awan ti pammati, saan a mabalin a maparagsak ti Dios. Ta no umasidegka iti Dios, masapul a patiem nga adda Dios a manggunggona kadagiti agsapul kenkuana.

Santiago 5:15

No mamati dagiti panglakayen nga ipangag ti Dios ti kararagda, umimbagto ti masakit; pasalun-atento ti Apo ket pakawanennanto pay dagiti basolna.

1 Juan 3:22

Ikkannatayo iti aniaman a dawatentayo, agsipud ta tungpalentayo dagiti bilbilinna ken aramidentayo ti pakaragsakanna.