San Mateo 7:6 - Ti Baro a Naimbag a Damag Biblia

⁶ “Diyo ited kadagiti aso ti aniaman a nasantoan, amangan no darupen ken kagatendakayo. Diyo met ipurruak dagiti perlasyo kadagiti baboy—ta baddebaddekandanto laeng.”

Ti Biblia (1973)

⁶ Saanyo nga ited ti nasantoan cadagiti aso, ket saanyo met nga idisso dagiti perlasyo iti sangoanan dagiti babuy; di la ket ta payatpayatenda ida cadagiti sacsacada, ket sangoen dacayo a gusabgusaban.

San Mateo 7:6 Iomraidhean Croise

Dagiti Proverbio 11:22

Ti kinapintas ti babai nga awan nakemna mayarig iti balitok a singsing iti subsob ti baboy.

Dagiti Proverbio 23:9

Dika agsao iti nainsiriban iti maysa a maag, ta dina ammo nga ipateg ti sao.

Dagiti Proverbio 26:11

Ti maag a mangulit iti minamaag nga aramidna, mayarig iti aso a mangan iti sarruana.

Dagiti Proverbio 26:4

No sungbatam ti awan serserbina a saludsod, maibilangka a maag a kas iti nagsaludsod.

San Mateo 15:26

“Saan a rumbeng nga alaen ti kanen dagiti ubbing sa ipurruak kadagiti aso,” kinuna ni Jesus.

San Mateo 24:10

Iti dayta a tiempo, adunto dagiti mangtallikud iti pammatida. Aglilinniput ken aggiginnuradanto.

San Mateo 7:5

Aginsisingpet! Ikkatem pay nga umuna ti troso iti matam, tapno nalawag ti panagkitam a mangikkat iti puling iti mata ni kabsatmo.

2 Taga-Corinto 11:26

Iti namin-adu a panagbiahek, nagpeggadak kadagiti layus ken tulisan. Nagpeggadak kadagiti kadaraak a Judio ken kadagiti Hentil. Adu ti peggad kadagiti siudad. Peggad kadagiti let-ang. Peggad kadagiti tengnga ti taaw. Peggad kadagiti manglimlimo a gagayyem.

Taga-Filipos 3:2

Agannadkayo kadagiti aso. Agannadkayo kadagiti tattao nga agaramid iti dakes. Agannadkayo kadagiti tattao a mangipapilit iti pannakakugit.

Hebreo 10:29

Panunotenyo no kasano ti kadagsen ti dusa ti tao a manglalais iti Anak ti Dios, mangumsi iti dara a nangpatalged iti tulag a nangugas kenkuana iti basol ken agsao iti maibusor iti managparabur nga Espiritu!

Hebreo 6:6

Kalpasanna, simminada iti pammati! Pulos a saandan a mapagsubli tapno agbabawida manen, gapu ta arigna nga ilanlansada manen iti krus ti Anak ti Dios ken ibabainda iti imatang dagiti tattao.

2 Pedro 2:22

Ipakita ti napasamak kadakuada a pudno ti pagsasao: “Kanen manen ti aso ti insarruana” ken “Agsubli nga aglugnak ti nadigos a baboy.”

Paltiing 22:15

Ngem mabati iti ruar ti siudad dagiti narukop a tattao, dagiti managsalamangka, dagiti mannakikamalala, dagiti mammapatay, dagiti agdaydayaw kadagiti didiosen ken dagiti managayat ken agaramid iti kinaulbod.