San Mateo 7:11 - Ti Baro a Naimbag a Damag Biblia

¹¹ No dakayo idinto a dakeskayo, ammoyo ti mangted iti naimbag kadagiti annakyo, dinto ket ad-addan ti pannangted ni Amayo sadi langit iti naimbag kadagiti agdawat kenkuana?

Ti Biblia (1973)

¹¹ Ngarud no dacayo, idinto a dakescayo, ammoyo ti mangted cadagiti nasayat a sagsagut cadagiti annacyo, Saan aya a nangnangrona pay ni Amayo nga adda sadi langit, a mangtedto cadagiti nasayaat a banbanag cadagiti agdawat kencuana?

San Mateo 7:11 Iomraidhean Croise

Genesis 6:5

Nakita ni Yahweh a nalabesen ti kinadakes dagiti tattao iti daga ket bin-ig a kinadakes ti pampanunotenda.

Genesis 8:21

Nalang-ab ni Yahweh ti nabanglo nga ayamuom ti sakrifisio ket kinunana iti nakemna, “Pulos a diakton ilunod ti daga gapu iti aramid ti tao. Ammok a dakes ti panunotna manipud kinaubingna. Diakton dadaelen ti aniaman nga adda biagna a kas iti inaramidko.

2 Samuel 7:19

Nupay kasta, ad-adu pay ti ar-aramidem, O Apo Dios. Nagkarika maipapan kadagiti kaputotak kadagiti tawen a mapasungad. Impalubosmo, O Apo Dios, a makita daytoy ti maysa a tao.

Ti Libro ni Job 15:16

Anianto ketdin ti narukop a tao nga awan serserbina, Arub-obenna ti dakes a kas iti danum nga inumenna.

Dagiti Salmo 84:11

O Apo ken Diosmi, arigmo iti init ken kalasag; mangipaayka iti parabur ken dayaw. Dimo ipaidam ti nasayaat a banag kadagiti agaramid iti naimbag.

Dagiti Salmo 85:12

Paraburannatayto ti Apo, ket umadunto ti apit ti dagatayo.

Dagiti Salmo 86:15

Ngem sika, O Apo, naasi ken managayatka a Dios; naparaburka, napudno ken naanus.

Dagiti Salmo 86:5

Naimbag ken mamakawanka, aglaplapusanan ti di agbalbaliw nga ayatmo kadagiti amin nga umawag kenka.

Isaias 49:15

Iti kastoy, daytoy ti sungbat ti Apo, “Mabalin aya a lipatan ti ina ti bukodna nga anak? Dina aya ayaten ti maladaga nga impasngayna? Uray no malipatan ti ina ti anakna, ni kaanoman dikanto lipatan.

Isaias 63:7

Saritaek ti di agbaliw nga ayat ti Apo; itan-okko gapu iti amin nga inaramidna kadatayo. Pinaraburanna a sibubuslon dagiti Israelita, gapu iti asi ken di agbalbaliw nga ayatna.

Jeremias 17:9

“Siasino ti makaawat iti puso ti tao? Manangallilaw nga awan kaaspingna; nadagsen ti sakitna ket saan a maagasan.

Jeremias 33:14

Kinuna ti Apo, “Dumtengen ti tiempo a panangtungpalko iti karik kadagiti Israelita ken kadagiti Judio.

Oseas 14:2

Agsublikayo iti Apo ket yebkasyo daytoy a kararag a kas datonyo kenkuana: “Pakawanem koma dagiti basbasolmi ken ipangagmo koma ti kararagmi ket idaydayawdaka kas inkarimi.

Mikias 7:18

Awan ti dios a kas kenka, O Apo. Pakawanem dagiti basol dagiti tattao a nakalasat. Dika koma agpungtot iti agnanayon, no di ket ipakitam kadakami ti di agbalbaliw nga ayatmo.

Malakias 1:6

Kuna ti Apo a Mannakabalin-amin kadagiti papadi, “Raemen ti anak ti amana. Raemen met ti adipen ti apona. Siak ti amayo, ngem apay a didak dayawen? Siak ti apoyo, ngem apay a didak raemen? Lalaisendak, ngem saludsodenyo pay laeng, ‘Kasano ti pananglaismi kenka?’

San Mateo 23:9

Diyo awagan iti ‘Ama’ ti siasinoman ditoy daga agsipud ta maymaysa ti Amayo sadi langit.

San Mateo 7:10

Wenno ikkanna aya iti uleg no dumawat iti ikan?

San Juan 3:16

Gapu iti kasta unay a panagayat ti Dios iti lubong, intedna ti Bugbugtong nga Anakna tapno ti siasinoman a mamati kenkuana saan a matay no di ket agbiag nga agnanayon.

Taga-Roma 3:19

Ita, ammotayo a ti amin a linaon ti Linteg agpaayda kadagiti agbibiag iti babaen ti Linteg. Adda ti Linteg tapno sumardeng amin a pambar dagiti tattao ket idatagna ti entero a lubong tapno ukomen ti Dios.

Taga-Roma 3:9

Ania ngaruden? Kayatna kadi a sawen a nasaysayaat ti sasaadenmi a Judio ngem dagiti saan a Judio? Saan! Naipakitakon nga agpadpada nga iturayan ti basol dagiti Judio ken dagiti saan a Judio.

Taga-Roma 8:32

Dina impaidam ti mismo nga Anakna, no di ket indatonna nga agpaay kadatayo amin! No impaayna ti Anakna kadatayo, dinto kadi sisasagana a mangted met kadatayo iti isuamin?

Taga-Galacia 3:22

Ngem kuna ti Nasantoan a Surat nga adda ti entero a lubong iti babaen iti pannakabalin ti basol tapno maited kadagiti mamati ti naikari a sagut babaen ti pammati ken ni Jesu-Cristo.

Santiago 1:17

Aggapu sadi langit ti amin a nasayaat ken naan-anay a sagut. Wen, aggapu iti Dios a namarsua kadagiti nailangitan a silaw. Awan kenkuana ti panagbalbaliw a mamataud iti kinasipnget.

1 Juan 3:1

Kitaenyo no kasano ti kadakkel ti panagayat ti Ama kadatayo! Wen, kasta unay ti panagayatna kadatayo ta maawagantayo nga annak ti Dios, ket pudno a kastatayo. Dinatayo bigbigen ti lubong agsipud ta dina binigbig ti Dios.

1 Juan 4:10

Daytoy ti pudno a kaipapanan ti ayat: Saan a gapu ta inayattayo ti Dios, no di ket inayatnatayo, ta imbaonna ti Anakna a pakapakawanan dagiti basbasoltayo.