San Mateo 6:5 - Ti Baro a Naimbag a Damag Biblia

⁵ “No agkararagkayo, diyo tuladen dagiti aginsisingpet! Igagarada ti agkararag a sitatakder kadagiti sinagoga ken kadagiti lanlansangan tapno makita ida dagiti tattao. Laglagipenyo nga inawatdan ti gunggonada.

Ti Biblia (1973)

⁵ Ket intono agcararagcayo, saancay a cas cadagiti managinsisingpet; ta isuda ayatenda ti agcararag cadagiti sinagoga, ken cadagiti lanlansangan dagiti daldalan a sitatacder, tapno makita ida dagiti tattao. Pudno cunac cadacayo: Inawatda ti gungunadan.

San Mateo 6:5 Iomraidhean Croise

Dagiti Salmo 5:2

Ipangagmo kadi, O Arik ken Diosko, ti panagdawatko iti tulongmo. Agkararagak kenka, O Apo.

Dagiti Salmo 55:17

Umararawak kenkuana iti agsapa, agmatuon ken rabii, ket ipangagnanto ti timekko.

Dagiti Proverbio 15:8

Maay-ayo ti Apo no agkararag dagiti naimbag, ngem kagurana dagiti daton nga idatag kenkuana dagiti managdakdakes.

Dagiti Proverbio 16:5

Kagura ni Yahweh ti amin a napalangguad; pulos a dina ipalubos a malisianda ti pannakadusa.

Isaias 1:15

“No agkararagkayo nga umawag kaniak, dikayto talliawen. Uray kararagkayo a kararag, dikayto denggen ta namansaan iti basol dagiti imayo.

Jeremias 29:12

Umawagkayto kaniak. Agkararagkayto ket sungbatankayto.

Daniel 6:10

Nagawid ni Daniel idi madamagna a nafirmaanen ti bilin. Iti akingngato a kadsaaran ti balayna, adda kuarto a tallo ti tawana a sumango iti Jerusalem. Kas iti masansan nga ar-aramidenna, nagparintumeng iti sangoanan dagiti nakalukat a tawa ket nagkararag iti Dios iti mamitlo iti maysa nga aldaw.

San Mateo 21:22

No adda pammatiyo, awatenyonto ti aniaman a dawatenyo iti kararagyo.”

San Mateo 23:13

“Asikayo pay, dakayo a mamaestro iti Linteg ken dakayo a Fariseo! Aginsisingpetkayo! Serraanyo ti ruangan ti Pagarian ti Langit kadagiti tattao ngem dikay met sumrek ket paritanyo pay dagiti mayat a sumrek.

San Mateo 23:5

Aramidenda amin tapno madlaw dagiti tattao a relihiosoda. Kitaenyo ti kaakaba ti nakaisuratan dagiti paset ti Nasantoan a Surat nga adda kadagiti muging ken takiagda! Kitaenyo ti kagayad ti baruyboy dagiti kawesda!

San Mateo 23:6

Magustoanda dagiti katan-okan a lugar kadagiti fiestaan ken kangrunaan a tugaw kadagiti sinagoga.

San Mateo 6:1

“Kitaenyo ta diyo pagpasindayag ti panagaramidyo iti naimbag kadagiti tattao. Ta no kasta ti aramidenyo, dinakayto gunggonaan ni Amayo sadi langit.

San Mateo 6:16

“No agayunarkayo, dikay agparang a naliday a kas kadagiti aginsisingpet, ta agpammarangda a nakakaasi tapno maammoan dagiti tattao nga agay-ayunarda. Laglagipenyo nga inawatdan ti gunggonada.

San Mateo 6:2

“Ngarud, no mangtedka iti tulong, dimo iwaragawag a kas iti ar-aramiden dagiti aginsisingpet iti uneg dagiti sinagoga ken kadagiti kalsada. Aramidenda daytoy tapno dayawen ida dagiti tattao. Laglagipenyo nga inawatdan ti gunggonada.

San Mateo 9:38

“Agdawatkayo ngarud iti akinkukua iti maani tapno mangibaon kadagiti agani.”

San Marcos 11:25

Tunggal tumakderkayo nga agkararag, pakawanenyo ti siasinoman a nakabasol kadakayo tapno pakawanento met ni Amayo sadi langit dagiti basbasolyo.”

San Marcos 12:38

Bayat ti panangisursurona kadakuada, kinunana: “Annadanyo dagiti mamaestro iti Linteg. Magustoanda ti magna a sikakawes iti nagayad ken makablaawan a siraraem iti publiko.

San Lucas 11:43

“Asikayo pay a Fariseo! Pagay-ayatyo dagiti kangrunaan a pagtugawan kadagiti sinagoga ken makablaawan iti publiko.

San Lucas 18:1

Sinarita ni Jesus kadakuada daytoy a pangngarig tapno isurona ida a masapul nga agkararagda a kanayon ken dida pukawen ti namnamada.

San Lucas 18:13

“Ngem nagtakder iti adayo ti agsingsingir iti buis ket dina pay itangad dagiti matana sadi langit. Dinandanogna ketdi ti barukongna ket kinunkunana, ‘O Dios, kaasiannak kadi a managbasol!’”

San Lucas 20:47

Gundawayanda dagiti balo a babbai ket takawenda dagiti sanikuada sada ipakita ti atiddog a panagkararagda. Nadagdagsento ti dusada.”

San Lucas 6:24

“Ngem asikayo pay, dakay a nabaknang ita, ta linak-amyon ti nam-ay ti biag!

San Juan 16:24

Agpapan ita, awan pay ti dinawatyo iti naganko. Agdawatkayo ket umawatkayto tapno naan-anay ti ragsakyo.”

Taga-Efeso 6:18

Agkararagkayo bayat ti panangaramidyo kadagitoy ket iti panagkararagyo, dawatenyo a tulongannakayo ti Dios. Aniaman nga aramidenyo, agkararagkayo kas idalan ti Espiritu. Gapu iti daytoy, agsalukagkayo ket dikayo maupay. Kanayon nga idawdawatanyo dagiti amin a tattao ti Dios.

1 Taga-Tesalonica 5:17

Diyo koma liwayan ti agkararag.

Santiago 4:6

Ngem nabilbileg pay ti iparabur ti Dios. Kas nailanad iti Nasantoan a Surat: “Busoren ti Dios dagiti napasindayag ngem itedna ti ad-adu a parabur kadagiti napakumbaba.”