San Mateo 6:2 - Ti Baro a Naimbag a Damag Biblia

² “Ngarud, no mangtedka iti tulong, dimo iwaragawag a kas iti ar-aramiden dagiti aginsisingpet iti uneg dagiti sinagoga ken kadagiti kalsada. Aramidenda daytoy tapno dayawen ida dagiti tattao. Laglagipenyo nga inawatdan ti gunggonada.

Ti Biblia (1973)

² Ngarud intono manglimosca, dicanto pagunien ti tangguyob iti sangoanam, a cas iti aramiden dagiti aginsisingpet cadagiti sinagoga ken cadagiti calcalsada, tapno madayawda cadagiti tattao. Pudno cunac cadacayo: Inawatdan ti gungunada.

San Mateo 6:2 Iomraidhean Croise

Dagiti Salmo 112:9

Mangted a sibubuslon kadagiti adda kasapulanna, saanto nga agpatingga ti panangngaasina; mannakabalin ken raraemento dagiti tattao.

Dagiti Salmo 37:21

Umutang ti managdakdakes ket saan nga agbayad, ngem sibubuslon a mangted ti nalinteg.

Dagiti Proverbio 19:17

No ikkam ti napanglaw, kasla ni Yahweh ti nangtedam ket subadannakanto ti Apo.

Dagiti Proverbio 20:6

Adu ti mangipagarup iti bagida a napudno ken mapagtalkanda, ngem sadino ti pakasarakan iti kasta a tao?

Eclesiastes 11:2

Saan la nga iti maysa a negosio ti pangikabilam iti kuartam ta dimo ammo no ania ti pagmalasam ditoy lubong.

Isaias 10:6

Imbaonka a mangraut iti nasion a saan nga agbuteng iti Dios, kadagiti tattao a namagpungtot kaniak. Imbaonko ida nga agsamsam, agtakaw ken mangibaddebaddek kadagiti tattao a kas tapok kadagiti kalsada.”

Isaias 58:7

Ibingayanyo iti taraonyo dagiti mabisin. Pasangbayenyo dagiti napanglaw nga awan pagtaenganna. Kawesanyo dagiti awan aruatenna, ket diyo ipaidam ti tulongyo kadagiti bukodyo a kakabagian.

Isaias 9:17

Iti kasta, saanto nga ipalubos ti Apo nga adda makalasat nga agtutubo a lalaki. Awanto ti balo a babai ken ulila a kaasianna. Ngamin, awanan Dios dagiti tattao ken managdakdakesda. Dakes ti sawen ti tunggal maysa. Ngem uray no kasta, saanto nga agbaaw ti pungtot ti Apo ket silalayat pay laeng ti imana a mangdusa.

Oseas 8:1

Kuna ti Apo, “Puyotenyo ti trumpeta! Adda dagiti kabusor a sumiplag iti dagak a kas kadagiti agila nga agam-ampayag. Winaswas ngamin dagiti tattaok ti tulagko, ket sinalungasingda ti pannursurok.

San Mateo 15:7

Dakayo nga aginsisingpet! Pudno unay ti impadto ni Isaias maipapan kadakayo:

San Mateo 16:3

Iti agsapa, kunayo met, ‘Agtudo ita ta nalabaga ken nasipnget ti tangatang.’ Maibagayo ti tiempo babaen iti panangkitayo iti tangatang. Ngem diyo maibaga ti kaipapanan dagiti mapaspasamak kadagitoy a panawen!

San Mateo 22:18

Ngem nadlaw ni Jesus ti dakes a panggepda, ket kinunana, “Dakayo nga aginsisingpet! Apay a suotendak?

San Mateo 23:5

Aramidenda amin tapno madlaw dagiti tattao a relihiosoda. Kitaenyo ti kaakaba ti nakaisuratan dagiti paset ti Nasantoan a Surat nga adda kadagiti muging ken takiagda! Kitaenyo ti kagayad ti baruyboy dagiti kawesda!

San Mateo 23:6

Magustoanda dagiti katan-okan a lugar kadagiti fiestaan ken kangrunaan a tugaw kadagiti sinagoga.

San Mateo 24:51

Dusaento ti apona iti nadagsen ket mairamanto iti kinadaksanggasat dagiti aginsisingpet. Sadiay, agsangit ken agngaretngetto.”

San Mateo 5:18

Laglagipenyo a bayat ti panagpaut ti langit ken daga, dinto mapukaw ti uray maysa a tulnek wenno kabassitan a paset ti Linteg, agingga a matungpalda amin.

San Mateo 6:16

“No agayunarkayo, dikay agparang a naliday a kas kadagiti aginsisingpet, ta agpammarangda a nakakaasi tapno maammoan dagiti tattao nga agay-ayunarda. Laglagipenyo nga inawatdan ti gunggonada.

San Mateo 6:3

No manglimoska, mangtedka a saan a maammoan uray ti kaasitgan a gayyemmo,

San Mateo 6:5

“No agkararagkayo, diyo tuladen dagiti aginsisingpet! Igagarada ti agkararag a sitatakder kadagiti sinagoga ken kadagiti lanlansangan tapno makita ida dagiti tattao. Laglagipenyo nga inawatdan ti gunggonada.

San Mateo 7:5

Aginsisingpet! Ikkatem pay nga umuna ti troso iti matam, tapno nalawag ti panagkitam a mangikkat iti puling iti mata ni kabsatmo.

San Marcos 12:39

Pilienda dagiti kangrunaan a tugaw kadagiti sinagoga ken katan-okan a lugar iti fiestaan.

San Marcos 7:6

Insungbat ni Jesus, “Pudno unay ti impadto ni Isaias maipapan kadakayo! Aginsisingpetkayo kas insuratna, ‘Dagitoy a tattao,’ kuna ti Dios, ‘kunkunada a dayawendak babaen kadagiti bibigda. Ngem adayo kaniak ti pusoda.

San Lucas 11:41

Itedyo ketdi kadagiti napanglaw ti nagyan kadagiti tasa ken pingganyo, ket nadalusto aminen a banag kadakayo iti imatang ti linteg.

San Lucas 11:43

“Asikayo pay a Fariseo! Pagay-ayatyo dagiti kangrunaan a pagtugawan kadagiti sinagoga ken makablaawan iti publiko.

San Lucas 12:33

Ilakoyo ti amin a kukuayo ket ilimosyo ti paglakoanyo kadagiti napanglaw. Isaganaanyo dagiti bagbagiyo kadagiti supot a di marunot ken kadagiti di mapukaw a kinabaknang sadi langit. Ta sadiay saan a matakaw ken saan a mabuot.

San Lucas 12:56

Aginsisingpet! Maibagayo ti kasasaad ti panawen babaen ti panangkitayo iti langa ti langit ken daga, ngem apay a diyo maawatan ti kayat a sawen ti agdama a tiempo?”

San Lucas 13:15

Ngem insungbat ti Apo kenkuana, “Dakayo nga aginsisingpet! Iti Aldaw a Panaginana, diyo aya warwaran ti baka wenno asnoyo iti nakaiparngedanda tapno inkay ipainum ida?

San Lucas 20:46

“Annadanyo dagiti mamaestro iti Linteg. Magustoanda ti magna a sikakawes iti nagayad ken makabkablaawan a siraraem iti publiko. Pilienda dagiti kangrunaan a tugaw kadagiti sinagoga ken katan-okan a lugar iti fiestaan.

San Lucas 6:24

“Ngem asikayo pay, dakay a nabaknang ita, ta linak-amyon ti nam-ay ti biag!

San Lucas 6:42

Kasano ti panagkunam nga ikkatem ti puling iti mata ni kabsatmo no dimo pay madlaw ti troso iti matam? Sika nga aginsisingpet! Ikkatem pay nga umuna ti troso iti matam, tapno nalawag ti panagkitam a mangikkat iti puling nga adda iti mata ni kabsatmo.”

San Juan 13:29

Agsipud ta ni Judas ti agig-iggem iti kuarta, impagarup dagiti dadduma kadagiti adalan nga imbaga ni Jesus kenkuana a mapan gumatang iti kasapulanda iti fiesta. Adda met dagiti nangipagarup a mapan mangted ni Judas iti kuarta kadagiti napanglaw.

San Juan 5:41

“Diak sapulen a padayawandak dagiti tattao.

San Juan 5:44

“Agpipinnadayawkayo, ngem diyo met kalikaguman ti pammadayaw nga aggapu iti maymaysa a Dios. Kasano ngarud ti panamatiyo kaniak?

San Juan 7:18

Ti tao nga agsao iti bukodna a turay, sapsapulenna ti pakaidayawanna met laeng. Ngem ti agtarigagay iti pannakaidayaw ti nangibaon kenkuana, napudno ket awan ti kinaulbod kenkuana.

Dagiti Aramid 10:2

Relihioso ken managdaydayaw iti Dios, kasta met ti familiana. Adun ti intultulongna kadagiti napanglaw a Judio ken kanayon nga agkararag iti Dios.

Dagiti Aramid 10:31

Kinunana, ‘Cornelio, impangag ti Dios ti kararagmo ken nakitana dagiti ar-aramidem a pangtultulong kadagiti napanglaw.

Dagiti Aramid 10:4

Sibubuteng a minatmatan ni Cornelio ti anghel ket kinunana, “Ania kadi, Apo?” Kinuna ti anghel, “Impangag ti Dios dagiti kararagmo ken nakitana ti panangtultulongmo kadagiti napanglaw.

Dagiti Aramid 11:29

Nagnunumoan dagiti adalan ti mangted iti tulong kadagiti kakabsat nga agnaed idiay Judea segun ti kabaelan nga ited ti tunggal maysa.

Dagiti Aramid 24:17

“Kalpasan ti sumagmamano a tawen a kaawanko idiay Jerusalem, nagsubliak manen sadiay a mangted iti kuarta kadagiti kailiak ken mangiruknoy iti daton.

Dagiti Aramid 9:36

Idiay met Joppe, adda adalan a babai nga agnagan Tabita. Imbukbokna ti amin a panawenna nga agaramid kadagiti naimbag ken tumulong kadagiti napanglaw.

Taga-Roma 12:8

No pammaregta, paregtaentayo ti padatayo a tao. Ti adda ibingayna, mangted a sibubuslon. Ti mangipangulo, agtrabaho a sigagaget. Ti mangngaasi, mangngaasi a siraragsak.

1 Taga-Corinto 13:3

Uray no ipadawatko ti amin nga adda kaniak, ken uray pay itedko ti bagik tapno mapuoran, ngem no awan met ayat kaniak, awan magunggonak.

Taga-Galacia 2:10

Ti laeng dinawatda isu ti pananglaglagipmi kadagiti napanglaw kadakuada. Isu met ti inkagkagumaak nga ar-aramiden.

Taga-Efeso 4:28

Ti mannanakaw, isardengnan ti agtakaw. Agtrabaho ketdi tapno mangged a sitatakneng iti kuarta nga agpaay kenkuana ket makatulong met kadagiti napanglaw.

1 Taga-Tesalonica 2:6

Kasta met a dimi kinalikaguman ti panangdayaw ti siasinoman kadakami, dakayo man wenno dagiti sabsabali,

1 Timoteo 6:18

Ibagam nga agaramidda iti naimbag, a bumaknangda kadagiti nasayaat nga aramid, a managparaburda ken siaayatda a mangted kadagiti sabali.

Filemon 1:7

Pinaragsak ken pinaregtanak ti ayatmo, ingungotek a kabsat. Pinaragsakmo dagiti amin a tattao ti Dios.

Hebreo 13:16

Diyo liwayan ti agaramid iti naimbag ken ti panagtitinnulongyo, ta dagitoy ti daton a pakaragsakan ti Dios.

1 Pedro 4:11

Siasinoman a mangasaba, masapul nga ikasabana ti sao ti Dios. Siasinoman nga agserbi, masapul nga agserbi babaen iti pigsa nga inted ti Dios kenkuana. Iti kasta, iti amin a banag, maidaydayaw koma ti Dios babaen ken ni Jesu-Cristo, nga addaan iti dayag ken pannakabalin iti agnanayon nga awan inggana. Amen.

1 Samuel 15:30

Kinuna ni Saul, “Pudno a nagbasolak. Ngem iti daytoy a gundaway, ipakitam koma ti panagraemmo kaniak iti imatang dagiti pangulo dagiti tattaok ken iti amin nga Israel. Kumuyogka koma kaniak nga agsubli tapno agdaydayawak iti Apo a Diosmo.”