San Mateo 6:12 - Ti Baro a Naimbag a Damag Biblia

¹² Pakawanennakami kadagiti basbasolmi, A kas iti pammakawanmi kadagiti nakabasol kadakami;

Ti Biblia (1973)

¹² Ket pacawanennacami cadagiti ut-utangmi, a cas met panamacawanmi cadagiti nacautang cadacami.

San Mateo 6:12 Iomraidhean Croise

1 Ar-ari 8:30

Ipangagmo dagiti kararagko ken dagiti kararag dagiti tattaom no agkararagda kenka iti daytoy a disso. Iti taengmo dita langit, ipangagnakami ket pakawanennakami.

1 Ar-ari 8:34

ipangagmo koma dita langit nga ayanmo. Pakawanem dagiti tattaom ket isublim ida iti daga nga intedmo kadagiti kapuonanda.

1 Ar-ari 8:39

ipangagmo koma ti kararagna. Ipangagmo koma ida dita langit a taengmo. Pakawanem koma ida ket agtignayka. Siksika ti makaammo iti panunot ti tao. Aramidem iti tunggal tao ti kas iti maikari iti aramidna

1 Ar-ari 8:50

Pakawanem koma dagiti amin a basolda ken ti ibubusorda kenka. Ipamuspusam a kaasian ida dagiti kabusorda.

Dagiti Salmo 130:4

Ngem pakawanennakami, tapno agbutengkami ken agdayawkam kenka.

Dagiti Salmo 32:1

Nagasat ti tao a napakawan dagiti basolna ken napunas dagiti salungasingna.

Exodo 34:7

Tungpalek ti karik iti rinibribu a kaputotan, ket pakawanek ti kinadakes, panagsalungasing ken basol. Ngem dusaek a dusaen dagiti annak ken appoko agingga iti maikatlo ken maikapat a kaputotan gapu kadagiti basol dagiti ammada.”

Isaias 1:18

Kuna ni Yahweh, “Ita, umaykayo ta aglilinnawagtayo. Nalabaga ti mansayo gapu iti basol, ngem dalusankayo agingga nga agbalinkayo a napudaw a kas iti kapas. Uray no nakalablabbaga ti mansayo, pumudawkayto a kas iti puraw a de lana.

Daniel 9:19

O Apo, timudennakami. O Apo, pakawanennakami. O Apo, denggennakami ket tulongannakami tapno maammoan ti amin a sika ti Dios. Dika koma agtaktak! Kukuam daytoy a siudad ken dagitoy a tattao.”

San Mateo 26:28

daytoy ti darak a mamatalged iti tulag ti Dios, ti darak a naibuyat nga agpaay iti adu a tao, tapno mapakawan dagiti basbasol.

San Mateo 9:2

Inyeg ti sumagmamano a tattao kenkuana ti maysa a paralitiko a nakaidda iti papag. Nabigbigna ti kaadda ti pammatida ket kinunana iti paralitiko, “Pakirdem ta pakinakemmo, anakko. Napakawanen dagiti basbasolmo.”

San Marcos 11:25

Tunggal tumakderkayo nga agkararag, pakawanenyo ti siasinoman a nakabasol kadakayo tapno pakawanento met ni Amayo sadi langit dagiti basbasolyo.”

San Lucas 11:4

Pakawanennakami kadagiti basbasolmi, Ta pakawanenmi met dagiti amin a nakabasol kadakami. Dinakam iturong iti nakaro a pakasuotan.’”

San Lucas 13:4

“Ket ania met ti panangipagarupyo kadagidi sangapulo ket walo a natay a nagaburan idi narba ti torre idiay Siloe? Ipagarupyo kadi a daytoy ti mangipaneknek a dakdakesda ngem dagiti amin a tattao nga agnaed idiay Jerusalem?

San Lucas 6:37

“Diyo ukomen ti padayo a tao tapno dinakayto met ukomen ti Dios. Diyo ilunod ti padayo a tao tapno dinakayto met ilunod ti Dios. Mamakawankayo ket pakawanennakayto met ti Dios.

Dagiti Aramid 13:38

Rebbengyo ngarud nga ammoen, kakabsat, a babaen ken ni Jesus, maipakaammo kadakayo ti pannakapakawan dagiti basbasol.

Taga-Efeso 1:7

Babaen iti ipapatay ni Cristo, nagun-od ti wayawaya ket napakawan dagiti basbasoltayo. Anian a nagdakkel ti parabur ti Dios

Taga-Efeso 4:32

Agkikinnaasi ken agiinnayatkayo ketdi. Agpipinnakawankayo, kas iti panangpakawan ti Dios kadakayo babaen ken ni Cristo.

Taga-Colosas 3:13

No adda pagkunaan ti maysa ken maysa, agiinnanus ken agpipinnakawankayo. Masapul nga agpipinnakawankayo a kas iti panangpakawan ti Apo kadakayo.