San Mateo 6:10 - Ti Baro a Naimbag a Damag Biblia

¹⁰ Umay koma ti Pagariam; Matungpal koma ti pagayatam ditoy daga a kas sadi langit.

Ti Biblia (1973)

¹⁰ Umay coma ti pagariam. Maaramid coma ti pagayatam cas sadi langit casta met ditoy daga.

San Mateo 6:10 Iomraidhean Croise

Nehemias 9:6

Daytoy ti inkararagda: “O Apo, siksika laeng ti Apo; sika ti namarsua kadagiti langit ken kadagiti bituen iti tangatang. Pinarsuam ti daga ken ti baybay ken ti amin nga adda sadiay. Sika ti nangted iti biag ti amin, agtamed ken agdaydayaw kenka dagiti nailangitan a pannakabalin.

Dagiti Salmo 2:6

Kunana, “Insaadko ti arik idiay Sion a nasantoan a turodko.”

Dagiti Salmo 40:8

Ti panangtungpal iti pagayatam, O Dios, isut' ragsakko. Ipapusok dagiti bukodmo a pannursuro.”

Isaias 2:2

Kadagiti masakbayan nga aldaw, ti bantay a nakabangonan ti Templo isunto ti kangatoan, rimbawanna dagiti katurturodan. Adunto dagiti nasion a mapan kenkuana

Jeremias 23:5

Kuna ti Apo, “Umayen ti tiempo a panangpilik iti pagbalinek nga ari nga agtaud iti kaputotan ni David. Agturayto a sisisirib daytoy nga ari ket aramidennanto ti naimbag ken nalinteg iti entero a daga.

Daniel 2:44

Iti panawen dagitoy nga agturay, mangipasdekto ti Dios ti langit iti pagarian a pulos a dinto agpatingga. Saanto a maparmek dayta a pagarian ngem gibusannanto dagiti amin a pagarian. Isu laeng ti agpaut iti agnanayon.

Daniel 4:35

Ibilangna dagiti tattao ti daga a kasla awan serserbida; iturayanna dagiti angheles sadi langit ken dagiti tattao ditoy daga. Awan ti sumupring iti pagayatanna, wenno mangbabalaw iti aramidna.

Daniel 7:13

Iti parmatak iti dayta a rabii, nakitak ti kasla anak ti tao a bumabbaba a linikmut dagiti ulep. Immasideg iti Sibibiag iti Agnanayon ket naidatag kenkuana.

Daniel 7:27

Maitedto ti pannakabalin ken ti kinatan-ok dagiti amin a pagarian ditoy lubong kadagiti tattao ti Kangatoan a Dios. Agturaydanto iti agnanayon ket agserbi ken agtulnogto kadakuada dagiti amin a pagarian ditoy daga.”

Zacarias 9:9

Agrag-okayo, tattao ti Sion, agrag-okayo! Agdir-ikay iti ragsak, tattao ti Jerusalem! Kitaenyo, umayen kadakayo ti ariyo! Umay a sibaballigi ngem napakumbaba; umay a nakasakay iti asno, iti urbon ti asno.

San Mateo 12:50

Ti siasinoman nga agaramid iti pagayatan ni Amak sadi langit, isu ti kabsatko ken ti inak.”

San Mateo 16:28

Laglagipenyo nga adda sumagmamano kadakayo ditoy a saanto pay a matay agingga a makitada ti Anak ti Tao nga umay nga Ari.”

San Mateo 26:42

Immadayo manen ni Jesus tapno mapan agkararag. “Ama,” kinunana, “no masapul nga inumek daytoy a kopa ti panagsagaba, maaramid koma ti pagayatam.”

San Mateo 3:2

“Agbabawikayo kadagiti basbasolyo,” kinunana, “agsipud ta asidegen ti Pagarian ti langit.”

San Mateo 4:17

Manipud iti dayta a tiempo, rinugian ni Jesus ti nangasaba: “Agbabawikayo kadagiti basbasolyo, agsipud ta asidegen ti Pagarian ti langit.”

San Mateo 7:21

“Saan a ti tunggal maysa nga agkuna kaniak iti ‘Apo, Apo,’ makastrekto iti Pagarian ti langit, no di laeng dagiti mangtungpal iti pagayatan ni Amak sadi langit.

San Marcos 11:10

Bendisionan koma ti Dios ti umay a pagarian ni amatayo a David! Madaydayaw ti Dios!”

San Marcos 3:35

Ta dagiti agaramid iti pagayatan ti Dios, isuda dagiti kakabsatko ken ti inak.”

San Lucas 19:11

Dimngeg dagiti tattao iti imbaga ni Jesus. Gapu ta asidegen ni Jesus idiay Jerusalem, impagarupda a dandani agparangen ti Pagarian ti Dios. Isut' gapuna a sinarita ni Jesus daytoy a pangngarig:

San Lucas 19:38

“Bendisionan koma ti Dios ti Ari nga umay iti nagan ti Apo,” ipukpukkawda. “Kappia sadi langit ken gloria iti Dios!”

San Lucas 22:42

“Ama,” kinunana, “no pagayatam, yadayom kaniak daytoy a kopa ti panagsagaba. Ngem saan a ti pagayatak ti maaramid, no di ket ti pagayatam.”

San Juan 4:34

“Ti taraonko isut' panangtungpalko iti pagayatan ti nangibaon kaniak ken ti panangileppasko iti paaramidna,” kinuna ni Jesus kadakuada.

San Juan 6:40

Ta pagayatan ni Amak nga amin a makakita ken mamati iti Anak adda biagna nga agnanayon. Ket pagungarekto ida inton maudi nga aldaw.”

San Juan 7:17

“Ti siasinoman a mayat nga agaramid iti pagayatan ti Dios, maammoannanto no agtaud iti Dios ti isursurok wenno agsaoak iti kabukbukodak a turay.

Dagiti Aramid 13:22

Kalpasan ti panangikkat ti Dios kenkuana, insaadna ni David a kas arida. Kastoy ti kinuna ti Dios maipapan kenkuana, ‘Nasarakak a ni David nga anak ni Jesse ti lalaki a makatungpal iti amin a pagayatak!’

Dagiti Aramid 21:14

Dimi mabaw-ing ti nakemna, isut' gapuna nga insardengmin ti manguy-uyot kenkuana. “Maaramid koma ti pagayatan ti Apo,” kinunami.

Dagiti Aramid 22:14

“‘Pinilinaka ti Dios dagiti kapuonantayo,’ kinunana, ‘tapno maammoam ti pagayatanna, tapno makitam ti nalinteg nga Adipenna ken tapno mangngegmo ti mismo a timekna.

Taga-Roma 12:2

Saanyo a tultuladen dagiti ugali iti daytoy a lubong ngem palubosanyo a baliwannakayo ti Dios ket pabaroenyo a naan-anay ti panunotyo. Ket maammoanyonto ti pagayatan ti Dios—no ania ti naimbag, makaay-ayo kenkuana ken awan pagkuranganna.

Taga-Efeso 6:6

Aramidenyo daytoy saan la a no kumitkitada kadakayo tapno maay-ayoda kadakayo. Ngem kas tagabu ni Cristo, aramidenyo ketdi ti pagayatan ti Dios iti amin a pusoyo.

Taga-Colosas 1:13

Inispalnatayo iti pannakabalin ti sipnget ket impannatayo iti pagarian ti dungdungngoenna nga Anak.

Taga-Colosas 1:9

Isut' gapuna a kanayon nga ikarkararagandakayo manipud pannakadamagmi iti maipapan kadakayo. Idawdawatmi iti Dios a magun-odyo ti naan-anay a kinasirib ken pannakaawat tapno maammoanyo a naimbag ti pagayatanna,

1 Taga-Tesalonica 4:3

Kayat ti Dios nga agbiagkayo a nasantoan ket adaywanyo ti immoralidad.

1 Taga-Tesalonica 5:18

Agyamankayo iti Dios, dakes man wenno nasayaat ti kasasaad. Daytoy ti kayat ti Dios a panagbiagyo a kas tattao ni Cristo Jesus.

Hebreo 1:14

Siasino ngarud dagiti angheles? Espirituda nga agserserbi iti Dios ket imbaonna ida a tumulong kadagiti umawat iti pannakaisalakan.

Hebreo 10:36

Masapul nga agibturkayo tapno maaramidyo ti pagayatan ti Dios, ket awatenyo ti inkarina.

Hebreo 10:7

Iti kasta, kinunak, ‘Adtoyak, O Dios, a mangaramid iti pagayatam, Kas naisurat iti maipapan kaniak iti libro ti Linteg.’”

1 Pedro 2:15

Ta kayat ti Dios a, babaen kadagiti naimbag nga aramidyo, maawanan iti gundaway dagiti maag nga agsao iti ulbod ken awan serserbina.

1 Pedro 4:2

Ngarud, manipud ita, masapul nga iturayan ti pagayatan ti Dios ti nabati pay nga aldaw ti panagbiagyo ditoy daga, a saan ketdi a dagiti nailubongan a tarigagay.

Paltiing 11:15

Pinuyot ti maikapito nga anghel ti trumpetana. Adda dagiti napipigsa a timek a naggapu sadi langit a kunkunada, “Naiteden iti Apotayo ken iti Cristona ti pagarian ti lubong, ket agturayto iti agnanayon nga awan inggana!”

Paltiing 12:10

Kalpasanna, nangngegko ti maysa a napigsa a timek sadi langit. Kinunana, “Dimtengen ti panangisalakan ti Dios, ti pannakabalinna ken ti pagarianna! Ipabigbigen ti Cristona ti turayna iti sangalubongan. Ta napagtalawen sadi langit ti mangidardarum kadagiti kakabsattayo iti pammati iti aldaw ken rabii iti sangoanan ti Dios.

Paltiing 19:6

Kalpasanna, nangngegko ti kasla timek ti adu a tattao a kasla daranudor ti agdissuor a danum ken napigsa a gurruod. Kinunada: “Madaydayaw ti Dios! Ari ti Apo a Diostayo a Mannakabalin-amin!

Paltiing 20:4

Ket nakakitaak kadagiti trono. Naikkan dagiti nakatugaw sadiay iti pannakabalin a mangukom. Nakitak met dagiti kararua dagiti napapatay gapu iti panangpaneknekda ken ni Jesus ken iti panangipakaammoda iti sao ti Dios. Saanda a nagrukbab iti narungsot nga animal wenno iti ladawanna. Saanda a pinaikkan dagiti muging ken imada iti marka ti narungsot nga animal. Nagungarda ket nakipagturayda ken ni Cristo iti unos ti 1,000 a tawen.