San Mateo 6:1 - Ti Baro a Naimbag a Damag Biblia

¹ “Kitaenyo ta diyo pagpasindayag ti panagaramidyo iti naimbag kadagiti tattao. Ta no kasta ti aramidenyo, dinakayto gunggonaan ni Amayo sadi langit.

Ti Biblia (1973)

¹ Agannadcayo ta saancayo nga agaramid iti kinalintegyo iti sangoanan dagiti tao, tapno pagpasindayawyo: ta no saan, awan ti gungunayo ken Amayo nga adda sadi langit.

San Mateo 6:1 Iomraidhean Croise

2 Ar-ari 10:16

Kinuna ni Jehu, “Sumurotka kaniak tapno makitam ti kinapudnok iti Apo.” Ket nagkaluganda a napan idiay Samaria.

2 Ar-ari 10:31

Ngem saan a napasnek ni Jehu iti panangtungpalna iti Linteg ni Yahweh a Dios ti Israel. Tinuladna ketdi ti aramid ni Jeroboam a nangisungsong kadagiti Israelita nga agbasol.

Dagiti Salmo 112:9

Mangted a sibubuslon kadagiti adda kasapulanna, saanto nga agpatingga ti panangngaasina; mannakabalin ken raraemento dagiti tattao.

Ezekiel 33:31

Isut' gapuna nga agdudupudop dagiti tattaok nga umay dumngeg kenka, ngem dida tungpalen ti ibagam nga aramidenda. Napno iti ayat dagiti balbalikasda ngem dagiti inaagum nga aramidda.

Daniel 4:27

Ipangagmo ngarud, Natan-ok nga Ari, daytoy balakadko: Isardengmon ti panagbasolmo, agaramidka iti naimbag, ket kaasiam dagiti napanglaw tapno manayonto ti kinarang-aymo.”

Zacarias 13:4

Inton dumteng dayta a tiempo, awanto ti profeta a mangipalangguad kadagiti parmatana wenno agkawes wenno agparang a kas profeta tapno allilawenna dagiti tattao.

Zacarias 7:5

“Ibagam kadagiti tattao iti pagilian ken kadagiti papadi, a no agayunar ken agdung-awda idi iti maikalima ken maikapito a bulan iti las-ud dagitoy pitopulo a tawen, saan a kas pammadayawda kaniak.

San Mateo 16:27

Ta dandanin umay ti Anak ti Tao agraman dagiti anghelesna. Umay iti dayag ni Amana, ket gunggonaannanto ti tunggal maysa kas mayannatup kadagiti aramidna.

San Mateo 16:6

“Agsiputkayo,” kinuna ni Jesus kadakuada. “Agannadkayo iti lebadura dagiti Fariseo ken Saduceo.”

San Mateo 23:13

“Asikayo pay, dakayo a mamaestro iti Linteg ken dakayo a Fariseo! Aginsisingpetkayo! Serraanyo ti ruangan ti Pagarian ti Langit kadagiti tattao ngem dikay met sumrek ket paritanyo pay dagiti mayat a sumrek.

San Mateo 23:5

Aramidenda amin tapno madlaw dagiti tattao a relihiosoda. Kitaenyo ti kaakaba ti nakaisuratan dagiti paset ti Nasantoan a Surat nga adda kadagiti muging ken takiagda! Kitaenyo ti kagayad ti baruyboy dagiti kawesda!

San Mateo 25:40

Kunanto ti Ari, ‘Ibagak kadakayo: no inaramidyo daytoy iti kanunumoan kadagitoy a kakabsatko, inaramidyo met kaniak!’

San Mateo 5:16

Masapul a kasta met ti panaglawag ti silawyo iti imatang dagiti tattao, tapno makitada dagiti naimbag nga aramidyo ket idaydayawda ni Amayo sadi langit.”

San Mateo 5:46

Apay a gunggonaannakayo koma ti Dios no dagiti laeng agayat kadakayo ti ayatenyo? Kasta met ti aramiden dagiti agsingsingir iti buis!

San Mateo 5:48

Masapul ngarud nga awan pagkuranganyo a kas ken ni Amayo sadi langit nga awan pagkuranganna.”

San Mateo 6:16

“No agayunarkayo, dikay agparang a naliday a kas kadagiti aginsisingpet, ta agpammarangda a nakakaasi tapno maammoan dagiti tattao nga agay-ayunarda. Laglagipenyo nga inawatdan ti gunggonada.

San Mateo 6:9

Kastoy ngarud ti panagkararagyo: ‘Amami sadi langit: Madaydayaw koma ti nasantoan a naganmo;

San Marcos 8:15

“Agsiputkayo!” imballaag ni Jesus kadakuada. “Annadanyo ti lebadura dagiti Fariseo, kasta met ti lebadura ni Herodes.”

San Lucas 11:35

Agannadka ngarud tapno ti silaw nga adda kenka saan a kinasipnget.

San Lucas 12:1

Agaaribungbong dagiti rinibribu a tattao ket urayda la agbibinnaddeken. Immuna a kinasao ni Jesus dagiti adalanna. Kinunana, “Annadanyo ti lebadura dagiti Fariseo, kayatko a sawen, ti panaginsisingpetda.

San Lucas 12:15

Intuloyna a kinuna kadakuada amin: “Kitaenyo ket agannadkay iti amin a kita ti kinaagum. Ta ti pudno a biag ti tao saan a maibatay iti sanikua, uray no kasano ti kinabaknangna.”

San Lucas 16:15

Kinuna ni Jesus kadakuada, “Agparangkayo a kasla nalinteg iti imatang dagiti tattao. Ngem ammo ti Dios ti naguneg iti pusoyo. Ta dagiti ibilang ti tao a kas napateg awan kaes-eskanna iti imatang ti Dios.

San Juan 12:43

Ad-adda nga ayatenda ti pammadayaw dagiti tattao ngem ti pammadayaw ti Dios.

San Juan 5:44

“Agpipinnadayawkayo, ngem diyo met kalikaguman ti pammadayaw nga aggapu iti maymaysa a Dios. Kasano ngarud ti panamatiyo kaniak?

Dagiti Aramid 3:12

Idi makita ni Pedro dagiti tattao, kinunana kadakuada, “Kakabsat nga Israelita, apay a masdaawkayo iti daytoy a napasamak? Apay a kasta ti panagkitayo kadakami? Pagarupenyo aya a pinapagnami daytoy a tao iti bukodmi a pannakabalin wenno kinasanto?

Taga-Galacia 6:12

Dagiti tattao a mangipapilit a makugitkayo isuda dagiti agpabuya tapno aglatakda ken mangipangas kadagiti banag a makita. Nupay kasta, aramidenda daytoy tapno malisianda ti panagsagaba a maipatay kadakuada gapu iti krus ni Cristo.

Deuteronomio 24:13

Isubliyo ti kawes sakbay a lumnek ti init tapno adda pagturogna. Agyamanto ket maragsakanto kadakayo ti Apo a Diosyo.

Hebreo 11:26

Imbilangna a napatpateg nga adayo ti panagsagaba a maipuon iti Cristo ngem ti amin a kinabaknang ti Egipto agsipud ta kanayon a situturong ti panagkitana iti gunggona iti masakbayan.

Hebreo 2:1

Rebbengtayo ngarud nga imutektekan a naimbag dagiti kinapudno a nangngegtayo tapno saantayo a mayaw-awan.

Hebreo 6:10

Nalinteg ti Dios. Dinanto lipaten ti aramidyo, kayatna a sawen, ti ayat nga impaayyo kenkuana babaen iti panangtulongyo ken ti panangtultulongyo pay laeng kadagiti kakabsatyo iti pammati.

2 Juan 1:8

Agannadkayo ngarud, amangan no mapukawyo dagiti nagbannoganyo ket diyo maawat ti naan-anay a gunggona.