San Mateo 5:5 - Ti Baro a Naimbag a Damag Biblia

⁵ “Nagasat dagiti napakumbaba, ta maitedto kadakuada ti daga.

Ti Biblia (1973)

⁵ Nagasat dagiti naemma; ta tawidendanto ti daga.

San Mateo 5:5 Iomraidhean Croise

Dagiti Salmo 147:6

Itan-okna ti napakumbaba, ngem ti managdakdakes, ibaddekna.

Dagiti Salmo 149:4

Ta pagragsakan ti Apo dagiti tattaona; dagiti maidadanes pagballigienna.

Dagiti Salmo 22:26

Manganto koma dagiti napanglaw agingga a mapnekda; agdaydayawto iti Apo dagiti mangbirok kenkuana. Rumang-ayda koma iti awan inggana!

Dagiti Salmo 25:13

Narang-aydanto latta, ket tawidento dagiti annakda ti daga.

Dagiti Salmo 25:9

Iturongna dagiti napakumbaba iti nalinteg a dalan, ket isurona ida iti pagayatanna.

Dagiti Salmo 37:11

Ngem dagiti napakumbaba tagikuaendanto ti daga, ken lak-amendanto ti rang-ay ken talna.

Dagiti Salmo 37:22

Dagiti binendisionan ni Yahweh, tawidendanto ti daga, ngem mapagtalawto dagiti inlunodna.

Dagiti Salmo 37:29

Dagiti nalinteg tawidendanto ti daga, ket iti agnanayon, agnaeddanto a natalna.

Dagiti Salmo 37:34

Mangnamnamaka iti Apo ket tungpalem dagiti bilbilinna. Padayawannakanto babaen iti pannangtedna iti daga, ket makitamto ti pannakapaksiat ti managdakdakes.

Dagiti Salmo 37:9

Dagiti agtalek iti Apo, tagikuaendanto ti daga. Ngem dagiti managdakdakes, mapagtalawda nga awan duadua.

Dagiti Salmo 69:32

No makita daytoy dagiti maidadanes, agragsakda; dagiti agdaydayaw iti Dios, maparegtada.

Isaias 11:4

Nalintegto ti panangukomna kadagiti napanglaw; salaknibannanto ti kalintegan ti awan gawayna. Agbilinto ket madusa ti daga; matayto dagiti managdakdakes a tattao.

Isaias 29:19

Masarakanto manen dagiti napanglaw ken napakumbaba a tattao ti ragsak nga ited ti Nasantoan a Dios ti Israel.

Isaias 60:21

Nalintegto ti aramid dagiti amin a tattaom, ket tagikuaendanto ti daga iti agnanayon. Immulak ida, inaramidko ida, tapno maipakita ti kinatan-okko iti amin a parsua.

Isaias 61:1

Pinunnonak ni Apo Dios iti espirituna. Pinilinak ket imbaonnak a mangipakaammo iti naimbag a damag kadagiti napanglaw, mangliwliwa kadagiti nalapunos iti ladingit, mangiwaragawag iti pannakaruk-at dagiti napagtalaw, ken ti pannakawayawaya dagiti adda iti pagbaludan.

Sofonias 2:3

Agkamangkayo iti Apo, dakayo a napakumbaba a tattao iti daga nga agtulnog kadagiti bilinna. Agaramidkay iti naimbag ket agpakumbabakay iti imatang ti Apo. Nalabit a malisianyonto ti pannakadusa iti dayta nga aldaw a panangiparangarang ti Apo iti pungtotna.

Numero 12:3

Napakumbaba ni Moises. Kinapudnona, napakpakumbaba ngem ti uray siasinoman a tao ditoy daga.)

San Mateo 11:29

Alaenyo ti sangolko, ket agsursurokayo kaniak agsipud ta naemma ken napakumbabaak, ket masarakanyonto ti inana.

San Mateo 21:5

“Ipakaammoyo iti siudad ti Sion: Umayen ti arim, Napakumbaba ken sisasakay iti asno; Wen, iti urbon ti asno.”

Taga-Roma 4:13

Inkari ti Dios ken ni Abraham ken kadagiti kaputotanna a tagikuaendanto ti lubong. Inaramidna daytoy, saan a gapu ta nagtulnog ni Abraham iti Linteg, no di ket gapu ta namati ket inawat ti Dios a kas nalinteg.

Taga-Galacia 5:23

kinapakumbaba ken kinamanagteppel. Awan ti linteg a maibusor kadagitoy.

Taga-Efeso 4:2

Kanayon koma a napakumbabakayo, naanus ken nasingpet. Ipakitayo ti ayatyo babaen iti panagtitinnulongyo.

Taga-Colosas 3:12

Tattaonakayo ti Dios. Inayat ken pinilinakayo a kukuana. Ngarud, ipakitayo a naasikayo, naimbag, napakumbaba, nasingpet ken naanus.

1 Timoteo 6:11

Ngem sika, kas maysa a tao ti Dios, masapul nga adaywam dagitoy. Ikagumaam a suroten ti kinalinteg, ti nadiosan a biag, ti pammati, ti ayat, ti kinaanus ken kinatakneng.

2 Timoteo 2:25

nasingpet ken naannad a mangpatigmaan kadagiti kabusorna, bareng no ikkanto ida ti Dios iti gundaway nga agbabawi ket maammoanda ti pudno.

Tito 3:2

Ibagam kadakuada a dida mamadpadakes wenno makiringgor, no di ket naparbeng ken mannakigayyemda koma. Natakneng koma a kanayon ti pannakilangenda iti amin a tattao.

Santiago 1:21

Ngarud, idianyo amin a naalas nga ugali ken dakes a kababalin. Agtulnogkayo iti Dios ket awatenyo ti sao a makaisalakan kadakayo a naimulana iti pusoyo.

Santiago 3:13

Adda kadi masirib ken mannakaawat kadakayo? No adda, masapul nga ipakitana babaen iti nadalus a panagbiagna ken dagiti nasayaat nga aramidna a mabuyogan iti kinapakumbaba ken kinasirib.

1 Pedro 3:15

Ngem iti pusoyo, raemenyo ni Cristo a kas Apo. Sisasaganakayo koma a kanayon nga agpalawag no saludsodenda maipapan iti namnama nga adda kadakayo, ngem agsaokayo a sipapakumbaba ken napnoan dayaw. Pagtalinaedenyo a nadalus ti konsensiayo tapno mabainan dagiti nangibagbaga a dakes dagiti aramidyo kas pasurot ni Cristo.

1 Pedro 3:4

Ngem buklen koma ti pintasyo iti nasayaat a panagpuspuso, ti di agkupas a libnos ti kinaemma ken kinatalna ti espiritu. Isu daytoy ti kinapintas nga ibilang ti Dios a kapapatgan.