San Mateo 5:4 - Ti Baro a Naimbag a Damag Biblia

⁴ “Nagasat dagiti agladingit, ta liwliwaento ida ti Dios.

Ti Biblia (1973)

⁴ Nagasat dagiti agladingit; ta maliuliwadanto.

San Mateo 5:4 Iomraidhean Croise

Isaias 12:1

Dumtengto ti aldaw nga ikanta ti tunggal tao: “Idaydayawka, O Apo; nupay nakapungtotka kaniak bimmaaw ti pungtotmo ket ita, liwliwaennak.

Isaias 25:8

Pukawennanto ti Apo a Dios ni patay iti agnanayon! Punasennanto amin a lua ti tunggal maysa ket ikkatennanto ti pakaibabainan a sinagaba dagiti tattaona iti sangalubongan. Ti Apo a mismo ti nagsao.

Isaias 30:19

Dakayo nga agnaed iti Jerusalem, dikayton agsangit. Manangngaasi ti Apo ket no umasugkayo nga agpatulong kenkuana, ipangagnakayo.

Isaias 35:10

Naragsakdanto a dumanon idiay Jerusalem; agkankanta ken agpukpukkawdanto gapu iti ragsakda. Naragsakdanto iti awan inggana, agnanayonto nga awan ti leddaang ken ladingitda.

Isaias 57:18

“Nakitak dagiti aramidda ngem paimbagekto ida. Idalan ken tulongakto ida ket liwliwaekto dagiti agladladingit.

Isaias 66:10

Makipagragsakkayo iti Jerusalem; agrag-okayo gapu kenkuana, dakay a mangipatpateg iti daytoy a siudad. Makipagrag-okayo itan kenkuana, dakay a nangdung-aw idi kenkuana.

Isaias 66:2

Siak a mismo ti nangparsua iti sangalubongan! Maay-ayoak kadagiti napakumbaba ken managbabawi, kadagiti agbuteng ken agtulnog kaniak.

Ezekiel 7:16

Addanto dagiti agkamang kadagiti bambantay a kasla napabutngan a kalapati manipud kadagiti tanap. Agsasainnekdanto gapu kadagiti basbasolda.

Ezekiel 9:4

Kinunana, “Sursorem ti siudad ti Jerusalem, ket markaam ti muging dagiti agasug ken mariribukan gapu iti amin a makarimon a maar-aramid iti siudad.”

Zacarias 12:10

“Punnoekto dagiti kaputotan ni David ken dagiti tattao ti Jerusalem iti espiritu a mamagbalin kadakuada a manangngaasi ken managkararag. Kitaendanto ti natay gapu iti panangduyokda kenkuana ket dung-awandanto a kas iti pimmusay a kakaisuna nga anak. Agdung-awdanto iti nasaem a kasla kadagiti tattao a natay ti inauna nga anakda.

San Lucas 16:25

“Ngem kinuna ni Abraham, ‘Anakko, laglagipem a kabayatan ti panagbiagmo, naited kenka ti amin nga agkakaimbag a banag idinto a naglak-am ni Lazaro iti rigat. Itan, adda ditoy a maliwliwa ket addaka dita a matutuok.

San Lucas 6:21

“Nagasatkayo, dakayo a mabisin ita, ta mapnekkayto! “Nagasatkayo, dakayo nga agsangit ita, ta agkatawakayto!

San Lucas 6:25

“Asikayo pay, dakay a mapnek ita, ta mabisinankayto! “Asikayo pay, dakay nga agkatawa ita, ta agdung-aw ken agsangitkayto!

San Lucas 7:38

Nagtakder nga agsangsangit iti likudan ni Jesus. Nagtedted dagiti luana kadagiti saka ni Jesus, ket pinunasanna ida iti buokna. Inagkanna dagiti saka ni Jesus sana binukbokan iti bangbanglo.

San Lucas 7:50

Ngem kinuna ni Jesus iti babai, “Insalakannaka ti pammatim. Agawidkan a sitatalna.”

Santiago 1:12

Nagasat ti tao nga agtalinaed a natibker bayat ti pannakasuotna. Ngamin, no agballigi, awatennanto ti balangat ti biag nga inkari ti Dios kadagiti agayat kenkuana.

Paltiing 21:4

Punasennanto dagiti luada. Awanton ti patay, ladingit, sangsangit wenno ut-ot agsipud ta limmabasen dagiti immun-una a banag.”