San Mateo 5:3 - Ti Baro a Naimbag a Damag Biblia

³ “Nagasat dagiti mangbigbig a napanglawda iti imatang ti Dios, ta kukuada ti Pagarian ti Langit.

Ti Biblia (1973)

³ Nagasat dagiti napanglaw iti pakinakemda; ta cucuada ti pagarian ti langit.

San Mateo 5:3 Iomraidhean Croise

2 Cronicas 33:12

Gapu iti panagsagabana, nagpakumbaba, nagkamang ken ni Yahweh a Diosna ket nagpatulong kenkuana.

2 Cronicas 33:19

Nailanad iti Pakasaritaan dagiti Profeta ti kararag ti ari ken ti sungbat ti Dios iti dayta a kararag, ti pakasaritaan dagiti basolna, ti kinadakes nga inaramidna, dagiti inaramidna a pagdaydayawan ken dagiti simbolo ni Asera a diosa ken dagiti imahen a nagdaydayawanna.

2 Cronicas 33:23

Ngem saan a kas iti daydi amana a nagpakumbaba iti imatang ni Yahweh, ket nakarkaro pay ti panagbasolna.

2 Cronicas 34:27

ket nagbabawi ken nagpakumbabaka iti imatangko. Rinay-abmo ti pagan-anaymo ken nagsangitka idi mangngegmo a dusaek ti Jerusalem ken dagiti umilina. Nangngegko ti kararagmo

2 Cronicas 7:14

no agkararagda kaniak ken agbabawida ket tallikudanda ti dakes nga aramidda, ipangagko ida iti langit, pakawanek dagiti basbasolda ket parang-ayek manen ti dagada.

Ti Libro ni Job 42:6

Isut' gapuna a mabainak iti amin a naisawangko; agbabawiak ket warsiak ti bagik iti tapok ken dapu.

Dagiti Salmo 1:1

Nagasat ti tao a di mangipangag iti pammagbaga dagiti managdakdakes, dina tuladen ti aramid dagiti managbasol, ken di makikadua kadagiti mangrabrabak iti Dios.

Dagiti Salmo 112:1

Madaydayaw ti Apo! Nagasat ti tao nga agbuteng ken ni Yahweh, a maragsakan a mangtungpal kadagiti bilbilinna.

Dagiti Salmo 128:1

Nagasat dagiti agbuteng ken iti Apo; wen, nagasat dagiti agbiag kas mayannurot iti pagayatanna.

Dagiti Salmo 146:5

Nagasat ti tao a ti Dios ni Jacob ti katulonganna ken mangnamnama iti Apo a Diosna,

Dagiti Salmo 2:12

agrukbab kenkuana amangan no sumged lattan ti pungtotna ket pukawennakayo. Nagasat dagiti amin nga agkamang kenkuana.

Dagiti Salmo 34:18

Umasideg ti Apo kadagiti maupay; isalakanna dagiti awanen a pulos ti namnamana.

Dagiti Salmo 41:1

Nagasat ti tao a tumulong kadagiti napanglaw; isalakanto ni Yahweh iti tiempo ti riribuk.

Dagiti Salmo 51:17

O Dios, ti napakumbaba nga espiritu ti sakrifisiok kenka; dimonto laksiden ti puso a napakumbaba ken nagbabawi.

Dagiti Salmo 84:12

O Apo a Mannakabalin-amin, nagasat ti tao nga agtalek kenka.

Dagiti Proverbio 16:19

Nasaysayaat ti napakumbaba iti sidong dagiti napanglaw ngem ti maysa kadagiti napalangguad ket mairamanka iti sinamsamda.

Dagiti Proverbio 29:23

Ti kinatangsit ti tao isut' mangipababa kenkuana, ngem mararaem no napakumbaba.

Dagiti Proverbio 8:32

“Ita, denggendak, dakayo nga agtutubo. Aramidenyo ti ibagak ket naragsakkayto.

Isaias 30:18

Nupay kasta, agur-uray ti Apo a mangngaasi kadakayo. Wen, agur-uray a mangparabur kadakayo gapu ta kanayon a maiparbeng ti aramidna. Nagasat ti tao nga agtalek iti Apo.

Isaias 57:15

“Siak ti nangato ken Nasantoan a Dios nga agbiag iti agnanayon. Agnaedak iti nangato ken nasantoan a lugar ngem makipagnaedak met kadagiti tattao a napakumbaba ken nakakaasi, tapno mapasublik ti panagtalek ken namnamada.

Isaias 61:1

Pinunnonak ni Apo Dios iti espirituna. Pinilinak ket imbaonnak a mangipakaammo iti naimbag a damag kadagiti napanglaw, mangliwliwa kadagiti nalapunos iti ladingit, mangiwaragawag iti pannakaruk-at dagiti napagtalaw, ken ti pannakawayawaya dagiti adda iti pagbaludan.

Isaias 66:2

Siak a mismo ti nangparsua iti sangalubongan! Maay-ayoak kadagiti napakumbaba ken managbabawi, kadagiti agbuteng ken agtulnog kaniak.

Mikias 6:8

Saan! Inlawlawag kadakayo ti Apo no ania ti naimbag. Daytoy ti dawatenna kadatayo: aramidentayo ti nalinteg, ipakitatayo ti di agbalbaliw a panagayat, ken agtulnogtayo a sipapakumbaba iti Diostayo.

San Mateo 11:25

Iti dayta a tiempo, kinuna ni Jesus, “Agyamanak kenka, Ama nga Apo ti langit ken daga, ta impakitam kadagiti awan adalna ti inlemmengmo kadagiti mamasirib ken kadagiti nasaririt.

San Mateo 11:6

Nagasat ti tao a di agduadua kaniak!”

San Mateo 13:16

“Ngem nagasatkayo ta makakita dagiti matayo ken makangngeg dagiti lapayagyo!

San Mateo 19:14

“Palubosanyo dagiti ubbing nga umay kaniak,” kinuna ni Jesus. “Diyo paritan ida ta dagiti kas kadakuada ti agtagikua iti Pagarian ti Langit.”

San Mateo 24:46

Nagasat dayta nga adipen no masangpetan ti apona a kasta ti ar-aramidenna.

San Mateo 25:34

Kalpasanna, kunanto ti Ari kadagiti tattao iti makannawanna: ‘Umaykayo, dakayo a binendisionan ni Amak! Awatenyo ti pagarian a naisagana para kadakayo manipud pannakaparsua ti lubong.

San Mateo 3:2

“Agbabawikayo kadagiti basbasolyo,” kinunana, “agsipud ta asidegen ti Pagarian ti langit.”

San Mateo 8:11

Laglagipenyo nga adunto ti aggapu iti laud ken daya a makisango iti panganan kada Abraham, Isaac ken Jacob iti Pagarian ti langit.

San Marcos 10:14

Idi madlaw ni Jesus ti inaramid dagiti adalanna, nakaunget ket kinunana kadakuada, “Palubosanyo dagiti ubbing nga umay kaniak. Diyo paritan ida ta dagiti kas kadakuada ti agtagikua iti Pagarian ti Dios.

San Lucas 11:28

“Wen, ngem nagasgasat pay dagiti dumngeg ken mangtungpal iti sao ti Dios!” insungbat ni Jesus.

San Lucas 18:14

Kinuna ni Jesus, “Ibagak kadakayo, nagawid ti agsingsingir iti buis a napalinteg iti sangoanan ti Dios. Ngem ti Fariseo, saan a napalinteg. Ta ti mangitantan-ok iti bagina, maipababanto. Ngem ti mangipababa iti bagina, maitan-okto.”

San Lucas 22:29

Ngarud, kas iti pannangted kaniak ni Amak iti kalintegan nga agturay, itedkonto met kadakayo ti isu met laeng a kalintegan.

San Lucas 22:30

Mangan ken uminumkayto iti lamisaanko iti Pagariak ken agtugawkayo kadagiti trono a mangituray kadagiti sangapulo ket dua a tribu ti Israel.”

San Lucas 4:18

“Adda kaniak ti Espiritu ti Apo. Pinilinak a mangikasaba iti Naimbag a Damag kadagiti napanglaw, Imbaonnak a mangiwaragawag iti pannakawayawaya dagiti balud, Iti pannakakita manen dagiti bulsek, Iti pannakaruk-at dagiti maparparigat,

San Juan 20:29

Kinuna ni Jesus kenkuana, “Mamatika kadi gapu ta nakitanak? Nagasat dagiti mamati nupay didak makita!”

Deuteronomio 8:2

Lagipenyo ti panangidalan ti Apo a Diosyo kadakayo iti nabayag a panagdaliasatyo iti let-ang iti uneg ti 40 a tawen. Sinuotnakayo tapno maammoanna no ania ti adda iti pusoyo ken no tungpalenyo dagiti bilinna.

Santiago 1:10

Agragsak met koma ti nabaknang iti panangipababa kenkuana ti Dios. Ta kas iti sabong ti atap a mula, saanto nga agbayag ti nabaknang.

Santiago 1:12

Nagasat ti tao nga agtalinaed a natibker bayat ti pannakasuotna. Ngamin, no agballigi, awatennanto ti balangat ti biag nga inkari ti Dios kadagiti agayat kenkuana.

Santiago 2:5

Dumngegkayo, ingungotek a kakabsat! Dagiti napanglaw ditoy lubong ti pinili ti Dios tapno mapabaknang ti pammatida ken agbalinda a kameng ti Pagarian nga inkarina kadagiti agayat kenkuana.

Paltiing 19:9

Ket kinuna ti anghel kaniak, “Isuratmo daytoy: Nagasat dagiti naawis iti pannakarambak ti kasar ti Kordero.” Innayonna, “Pudno a sao ti Dios dagitoy.”

Paltiing 22:14

Nagasat dagiti mangdalus kadagiti kawesda ta maikkanda iti kalintegan a sumrek iti siudad ken mangan iti bunga ti puon ti kayo a mangted iti biag.

Paltiing 3:17

“Kunam a nabaknang ken narang-ayka ket adda amin a masapulmo. Ngem dimo ammo a daksanggasat ken kakaasika. Napanglawka. Lamolamoka. Bulsekka.