San Mateo 5:10 - Ti Baro a Naimbag a Damag Biblia

¹⁰ “Nagasat dagiti maidadanes gapu iti panangtungpalda iti pagayatan ti Dios, ta kukuada ti Pagarian ti Langit.

Ti Biblia (1973)

¹⁰ Nagasat dagiti maidadanes a maipoon iti kinalinteg; ta cucuada ti pagarian ti langit.

San Mateo 5:10 Iomraidhean Croise

Dagiti Salmo 37:12

Ti managdakdakes isikatna ti nalinteg, ket agngariet iti gurana kenkuana.

Isaias 66:5

Dakayo nga agbuteng ken agtulnog iti Apo, denggenyo ti kunana, “Agsipud ta napudnokayo kaniak, guraendakayo ti sumagmamano kadagiti kailianyo, ket awan ti panangikankanoda kadakayo. Rabrabakendakayo ket kunada, ‘Kayatmi a makita a naragsakkayo; ngarud, ipakita koma ti Apo ti kinatan-okna ket isalakannakayo.’ Ngem isudanto ti maibabain!

San Mateo 10:23

No idadanesdakayo iti maysa nga ili, inkayo agkamang iti sabali nga ili. Ibagak kadakayo a diyonto pay malpas ti trabahoyo iti amin nga il-ili ti Israel, inton umay ti Anak ti Tao.

San Mateo 19:14

“Palubosanyo dagiti ubbing nga umay kaniak,” kinuna ni Jesus. “Diyo paritan ida ta dagiti kas kadakuada ti agtagikua iti Pagarian ti Langit.”

San Mateo 25:34

Kalpasanna, kunanto ti Ari kadagiti tattao iti makannawanna: ‘Umaykayo, dakayo a binendisionan ni Amak! Awatenyo ti pagarian a naisagana para kadakayo manipud pannakaparsua ti lubong.

San Mateo 5:3

“Nagasat dagiti mangbigbig a napanglawda iti imatang ti Dios, ta kukuada ti Pagarian ti Langit.

San Marcos 10:14

Idi madlaw ni Jesus ti inaramid dagiti adalanna, nakaunget ket kinunana kadakuada, “Palubosanyo dagiti ubbing nga umay kaniak. Diyo paritan ida ta dagiti kas kadakuada ti agtagikua iti Pagarian ti Dios.

San Marcos 10:30

ad-adunto ti awatenna ditoy a biag. Awatennanto ti nasursurok pay ngem ginasgasut a balbalay, kakabsat, nagannak, annak ken dagdaga—agraman pannakaidadanes; ket iti mapasungad a panawen, awatennanto ti biag nga agnanayon.

San Lucas 21:12

“Ngem sakbay a mapasamak dagitoy, tiliwendakayto dagiti tattao ket idadanesdakayto. Maidarumkayto ket mausigkayto iti uneg dagiti sinagoga, ket maibaludkayto. Gapu kaniak, maisaklangkayto kadagiti ar-ari ken agtuturay.

San Lucas 22:29

Ngarud, kas iti pannangted kaniak ni Amak iti kalintegan nga agturay, itedkonto met kadakayo ti isu met laeng a kalintegan.

San Lucas 6:20

Kinita ni Jesus dagiti adalanna ket kinunana: “Nagasatkayo, dakay a napanglaw, ta kukuayo ti Pagarian ti Dios!

San Lucas 6:22

“Nagasatkayo no guraendakayo dagiti tattao, no didakay awaten, no pabainandakayo, no kunada a dakeskayo, gapu iti Anak ti Tao!

San Juan 15:20

Laglagipenyo ti imbagak kadakayo: ‘Saan a natantan-ok ti adipen ngem ti apona.’ No indadanesdak, idadanesdakayto met. No tinungpalda ti saok, tungpalendanto met ti saoyo.

Dagiti Aramid 5:40

Pinastrekda dagiti apostoles. Pinasaplitda ida sada imballaag manen kadakuada a dida agsasao iti nagan ni Jesus. Kalpasanna, winayawayaanda ida.

Dagiti Aramid 8:1

Immanamong ni Saulo iti pannakapapatay ni Esteban. Sumagmamano a lallaki a relihioso ti nangitanem ken ni Esteban, ket kasta unay ti panangdung-awda kenkuana. Iti dayta met la nga aldaw, nangrugi ti nakaro a pannakaidadanes ti iglesia idiay Jerusalem. Malaksid kadagiti apostoles, nawarawara dagiti amin a mamati iti entero a Judea ken Samaria.

2 Taga-Corinto 4:17

Ket daytoy nalag-an ken apagbiit a sagsagabaenmi, itedna kadakami ti dakkel ken agnanayon a dayag nga awan pakaipadaanna.

Taga-Filipos 1:28

Dikay agbuteng kadagiti kabusoryo. Agturedkayo a kankanayon. Daytoy ti mangipakita kadakuada a maabakdanto, ngem agballigikayto ta pagballigiennakayo ti Dios!

2 Timoteo 2:12

No makaibturtayo, makipagturaytayto met kenkuana. No kunatayo a saantayo nga am-ammo, kunananto met a dinatay am-ammo.

2 Timoteo 3:11

ti pannakaidadanesko ken ti panagsagabak. Ammom dagiti amin a napasamak kaniak idiay Antiokia, Iconio, Listra, ken dagiti nakabutbuteng a pannakaidadanes nga inibturak. Ngem insalakannak ti Apo kadagitoy!

Santiago 1:12

Nagasat ti tao nga agtalinaed a natibker bayat ti pannakasuotna. Ngamin, no agballigi, awatennanto ti balangat ti biag nga inkari ti Dios kadagiti agayat kenkuana.

Santiago 5:11

Gapu ta nakaibturda, kunatayo a naragsakda. Nadamagyon ti kinaanus ni Job nga agibtur ken ammoyo ti pannangted ti Apo kadagiti kasapulanna iti kamaudiananna. Ngamin, manangngaasi ken mannakipagrikna ti Apo.

1 Juan 3:12

Saantayo nga agbalin a kas ken ni Cain a pinaiturayan iti Managdakdakes ket pinatayna ni Abel a kabsatna. Apay a pinatayna? Gapu ta dakes dagiti aramid ni Cain, ket nalinteg dagiti aramid ti kabsatna.

Paltiing 2:10

Dika agbuteng kadagiti panagsagaba a dumtengto kenka. Denggem, suotennaka ti Diablo babaen iti panangipisokna iti sumagmamano kadakayo iti pagbaludan. Agrigatkayto iti uneg ti sangapulo nga aldaw. Agtalinaedka ngarud a mapagtalkan uray pay no isut' pakatayam ket itedkonto kenka ti biag a kas gunggona ti balligim.