San Mateo 4:5 - Ti Baro a Naimbag a Damag Biblia

⁵ Ti Diablo inturongna ni Jesus iti Nasantoan a Siudad ket impanna iti kangatoan a paset ti Templo,

Ti Biblia (1973)

⁵ Idin daydi diablo impanna iti nasantoan a ciudad, ket insaadna iti rabaw ti cangatoan ti Templo.

San Mateo 4:5 Iomraidhean Croise

2 Cronicas 3:4

Tallopulo met a kadapan ti kaakaba ti masungad a kuarto, kas iti Templo ket 180 a kadapan ti kangatona. Puro a balitok ti naikalupkop iti uneg ti kuarto.

Nehemias 11:1

Nagnaed idiay Jerusalem dagiti papangulo. Nagbibinnunot met dagiti dadduma a tattao tapno pilienda ti maysa a familia iti tunggal sangapulo a mapan agnaed iti nasantoan a siudad ti Jerusalem. Agnaed dagiti sabali kadagiti dadduma a siudad ken il-ili.

Nehemias 11:18

Agdagup iti 284 dagiti Levita a nagnaed iti nasantoan a siudad ti Jerusalem.

Isaias 48:2

Ket kaskasdi a natangsitkay a mangibaga nga umilikay iti nasantoan a siudad, ket agtalekkay iti Dios ti Israel nga Apo a Mannakabalin-amin ti naganna.

Isaias 52:1

Jerusalem, bumilegka ket ipakitam ti kinatan-okmo manen! Nasantoan a siudad ti Dios, yarruatmo ti nadaeg a kawesmo! Dinton sumrek kadagiti ruanganmo dagiti saan a mamati iti Dios.

Daniel 9:16

Sinalaknibannakami iti napalabas isut' gapuna a dimo kadin kapungtot ti Jerusalem a siudadmo, ti nasagradoan a bantaymo. Dagiti amin a tattao kadagiti aglawlaw a pagilian, umsienda ti Jerusalem ken dagiti tattaom gapu kadagiti basolmi ken gapu kadagiti dakes nga inaramid dagiti kapuonanmi.

Daniel 9:24

“Mamimpito a pitopulo a lawas dagiti tawtawen ti kabayag ti intuding ti Dios a mapalabas sananto wayawayaan dagiti kailiam ken ti nasantoan a siudadmo iti dakes ken panagbasol. Mapakawanton ti basol ket maipasdekton ti agnanayon a kinalinteg, tapno pumayso ti parmata ken ti padto, ket maidaton manen ti nasantoan a Templo.

San Mateo 27:53

Rimmuarda kadagiti tanem ket kalpasan ti panagungar ni Jesus, napanda iti Nasantoan a Siudad a nakakitaan kadakuada dagiti adu a tattao.

San Lucas 4:9

Kamaudianna, impan ti Diablo ni Jesus idiay Jerusalem ket pinagtakderna iti kangatoan a paset ti Templo sana kinuna kenkuana, “No Anaknaka ti Dios, tumapuakka man.

San Juan 19:11

“Awan koma ti pannakabalinmo kaniak no saan nga inted kenka ti Dios,” insungbat ni Jesus. “Isut' gapuna a nakarkaro ti basol ti tao a nangyawat kaniak.”

Paltiing 11:2

Ngem dimo rukrukoden ti akinruar a paraangan ti templo agsipud ta naited daytoy kadagiti pagilian—baddebaddekandanto ti Nasantoan a Siudad iti las-ud ti tallo ket gudua a tawen.