San Mateo 4:4 - Ti Baro a Naimbag a Damag Biblia

⁴ Ngem insungbat ni Jesus, “Kuna ti Nasantoan a Surat, ‘Saan laeng a tinapay ti pagbiag ti tao no di pay ket ti tunggal balikas nga aggapu iti Dios.’”

Ti Biblia (1973)

⁴ Ngem Isu, simmungbat, ket kinunana: Adda a naisurat. Saan laeng a ti tinapay ti pagbiagto ti tao, no di ket ti isu-amin a sao a rummuar iti ngiwat ti Dios.

San Mateo 4:4 Iomraidhean Croise

Exodo 16:15

Idi makita dagiti Israelita, dida ammo no ania dagitoy ket nagsisinnaludsodda, “Ania dagitoy?” “Daytoy ti taraonyo nga inted ti Apo,” kinuna ni Moises kadakuada.

Exodo 16:35

Uppat a pulo a tawen a mana ti kinkinnan dagiti Israelita agingga a dimtengda iti daga ti Canaan ket nagnaedda sadiay.

Exodo 16:8

Innayon pay ni Moises, “Iti rabii, mangted ti Apo iti karne a sidayo. Iti bigat, ikkannakayo iti tinapay ingganat' mapnekkayo agsipud ta nangngegna ti nakaro a panagsaoyo iti maibusor kenkuana. No agreklamokayo kadakami, awan sabali a pagreklamoanyo no di ti Apo.”

Exodo 23:15

Iti bulan ti Abib, ti bulan nga ipapanawyo idi idiay Egipto, rambakanyo ti Fiesta ti Tinapay nga Awan Lebadurana. Kas imbilinko kadakayo, tinapay laeng nga awan lebadurana ti kanenyo iti las-ud ti pito nga aldaw bayat ti fiesta. Dikay umay agdaydayaw kaniak no awan ti idatonyo.

San Mateo 15:11

Saan a ti ipauneg ti tao ti mangtulaw kenkuana no di ket ti rummuar iti ngiwatna.”

San Mateo 4:10

Insungbat ni Jesus, “Pumanawka, Satanas! Kuna ti Nasantoan a Surat, ‘Agdaydayawka iti Apo a Diosmo ket isu laeng ti pagserbiam.’”

San Mateo 4:7

Ngem insungbat ni Jesus, “Kuna met ti Nasantoan a Surat, ‘Dimo sulisogen ti Apo a Diosmo.’”

San Marcos 7:20

Insarunona pay, “Dagiti agtaud iti tao ti mangtulaw kenkuana.

San Lucas 4:12

Insungbat ni Jesus, “Kuna ti Nasantoan a Surat: ‘Dimo sulisogen ti Apo a Diosmo.’”

San Lucas 4:4

“Kuna ti Nasantoan a Surat,” insungbat ni Jesus, “‘Saan laeng a tinapay ti pagbiag ti tao.’”

San Lucas 4:8

“Kuna ti Nasantoan a Surat: ‘Agdayawka iti Apo a Diosmo ket isu laeng ti pagserbiam,’” insungbat ni Jesus.

San Juan 15:26

“Umayto ti Mammagbaga—ti Espiritu ti kinapudno manipud iti Ama. Ibaonkonto kadakayo manipud iti Ama, ket agsaonto a mangpaneknek iti maipapan kaniak.

San Juan 6:63

Ti Espiritu ti makaited iti biag. Awan a pulos ti maited ti lasag. Espiritu ken biag dagiti insaok kadakayo.

Taga-Roma 15:4

Ta amin nga adda iti Nasantoan a Surat, naisuratda tapno isurodatayo a mangnamnama babaen iti anus ken pammaregta nga ited ti Nasantoan a Surat.

Taga-Efeso 6:17

Awatenyo met ti pannakaisalakan a pannakahelmetyo ken ti sao ti Dios nga ited ti Espiritu a pannakakampilanyo.

Deuteronomio 8:3

Pinagbisinnakayo, sanakayo met la inikkan iti mana, maysa a taraon a diyo pay naramramanan uray dagidi kapuonanyo. Inaramidna daytoy tapno masursuroyo a saan la a tinapay ti pagbiag ti tao no di pay ket dagiti amin a sao ti Dios.