San Mateo 4:11 - Ti Baro a Naimbag a Damag Biblia

¹¹ Iti kasta, pimmanaw ti Diablo. Dimteng dagiti angheles ket nagserbida ken ni Jesus.

Ti Biblia (1973)

¹¹ Idin di diablo pinanawannan; ket adtoy, dagiti angel dimtengda ket nagservida kencuana.

San Mateo 4:11 Iomraidhean Croise

1 Ar-ari 19:6

Inwaras ni Elias ti panagkitana. Iti asideg ti ulona, nakitana ti maysa a tinapay ken sangakaramba a danum. Nangan ken imminum ni Elias sa nagidda manen.

San Mateo 26:53

Dimo aya ammo a mabalinko ti agpatulong ken ni Amak ket ibaonna a dagus ti nasurok a sangapulo ket dua nga armada dagiti angheles?

San Mateo 4:6

sana kinuna, “No sika ti Anak ti Dios, tumappuakka man, agsipud ta kuna ti Nasantoan a Surat, ‘Bilinento ti Dios dagiti anghelesna a mangaywan kenka: Tapayaendakanto Tapno uray dagiti sakam saan a madunor iti bato.’”

San Marcos 1:13

Nagyan sadiay ni Jesus iti 40 nga aldaw ket iti dayta a tiempo, sinulsulisog ni Satanas. Adda dagiti atap nga ayup sadiay, ngem napan dagiti angheles ket nagserbida ken ni Jesus.

San Lucas 22:53

Inaldaw a nakipulpulapolak kadakayo idiay Templo, ngem didak inan-ano. Nupay kasta, daytoyen ti orasyo—ti oras a panagturay ti sipnget.”

San Lucas 4:13

Idi naaramiden ti Diablo ti amin a mabalinna a pangsulisog ken ni Jesus, pinanawanna pay laeng agingga iti dumteng ti sabali a gundaway.

San Juan 14:30

Diak makapagbayagen a makisao kadakayo, ta umayen ti agturay iti daytoy a lubong. Saannak nga iturayan,

1 Timoteo 3:16

Anian a nagdakkel ti palimed ti pammatitayo: Isu ket nagparang a kas tao, Pinaneknekan ti Espiritu ti kinalintegna, Ket nakita dagiti angheles. Naikaskasaba kadagiti pagilian, Pinati dagiti tattao iti entero a lubong, Ket nayuli sadi langit.

Hebreo 1:14

Siasino ngarud dagiti angheles? Espirituda nga agserserbi iti Dios ket imbaonna ida a tumulong kadagiti umawat iti pannakaisalakan.

Hebreo 1:6

Ngem kuna ti Dios idi dandanina ibaon ti inauna nga Anakna ditoy lubong, “Masapul nga agdaydayaw kenkuana dagiti amin nga angheles ti Dios.”