San Mateo 4:10 - Ti Baro a Naimbag a Damag Biblia

¹⁰ Insungbat ni Jesus, “Pumanawka, Satanas! Kuna ti Nasantoan a Surat, ‘Agdaydayawka iti Apo a Diosmo ket isu laeng ti pagserbiam.’”

Ti Biblia (1973)

¹⁰ Idin ni Jesus kinunana kencuana: Pumanawca, Satanas: ta adda a naisurat: Agdaydayawca iti Apo a Diosmo ket isu ti pagserviamto laeng.

San Mateo 4:10 Iomraidhean Croise

1 Cronicas 21:1

Kayat ni Satanas a riribuken dagiti Israelita, isut' gapuna nga inallukoyna ni David a mangsensus kadagiti Israelita.

Ti Libro ni Job 1:12

Kinuna ni Yahweh ken ni Satanas, “Ala wen, aramidem ti aniaman a kayatmo kadagiti amin nga adda kenkuana, ngem saanmo a dangran ni Job.” Ket pimmanaw ni Satanas iti imatang ni Yahweh.

Ti Libro ni Job 1:6

Idi dumteng ti aldaw a panagparang dagiti nailangitan a parsua iti saklang ni Yahweh, kimmuyog met kadakuada ni Satanas.

Ti Libro ni Job 2:1

Idi dumteng ti aldaw a panagparang dagiti nailangitan a parsua iti imatang ni Yahweh, naitallaong manen ni Satanas.

Dagiti Salmo 109:6

Mangdutokka iti rinuker nga ukom a mangusig iti kabusorko, ket aramatem ti maysa kadagiti kabusorna a mangidarum kenkuana.

Exodo 23:25

No agdaydayawkayo kaniak, ni Yahweh a Diosyo, ikkankayo iti makan ken danum ken ilisikayo kadagiti amin a kita ti sakit.

Isaias 30:22

Alaenyonto dagiti imahen dagiti didiosenyo a nakalupkopan iti pirak ken dagiti nadigos iti balitok ket ibellengyonto ida a kas rugit. Kunayonto, “Awan serserbiyon!”

San Mateo 16:23

Sinango ni Jesus ni Pedro ket kinunana, “Adaywannak, Satanas! Maysaka a lapped iti dalanko agsipud ta saan a ti pagayatan ti Dios ti pampanunotem no di ket ti pagayatan ti tao.”

San Marcos 1:13

Nagyan sadiay ni Jesus iti 40 nga aldaw ket iti dayta a tiempo, sinulsulisog ni Satanas. Adda dagiti atap nga ayup sadiay, ngem napan dagiti angheles ket nagserbida ken ni Jesus.

San Lucas 10:18

Insungbat ni Jesus, “Nakitak ni Satanas a natnag a kas kimat manipud langit.

San Lucas 11:18

Ngarud, no agbibinnusor dagiti pasurot ni Satanas, kasano ti panagpaut ti pagarianna? Kunayo a paksiatek dagiti demonio babaen iti tulong ni Beelzebub a mangted kaniak iti pannakabalin nga agaramid iti kasta.

San Lucas 13:16

Sangapulo ket walo a tawenen a pinarigat ni Satanas daytoy nga anak ni Abraham. Saan aya a rumbeng nga ita nga Aldaw a Panaginana, mawayawayaan iti pannakabaludna?”

San Lucas 22:3

Sinerrek ni Satanas ni Judas a managan Iscariote, maysa kadagiti sangapulo ket dua nga adalan.

San Lucas 22:31

“Simon, Simon, denggem! Napalubosan ni Satanas a mangsagat kadakayo a kas iti mannalon a mangitaep iti trigo tapno mapaglasin ti naimbag iti dakes.

San Lucas 4:8

“Kuna ti Nasantoan a Surat: ‘Agdayawka iti Apo a Diosmo ket isu laeng ti pagserbiam,’” insungbat ni Jesus.

San Juan 13:27

Apaman nga inawat ni Judas ti tinapay, simrek ni Satanas kenkuana. “Aramidem a dagus ti masapul nga aramidem,” kinuna ni Jesus kenkuana.

Dagiti Aramid 26:18

Lukatamto dagiti matada, ket manipud iti sipnget, iturongmonto ida iti lawag. Manipud iti pannakabalin ni Satanas, iturongmo ida iti pannakabalin ti Dios tapno babaen iti pammatida kaniak, mapakawanto dagiti basbasolda ket maibilangdanto kadagiti tattao ti Dios.’”

Dagiti Aramid 5:3

Kinuna ni Pedro, “Ananias, apay a pinaiturayanka ken ni Satanas ket inulbodmo ti Espiritu Santo babaen iti panangilemmengmo iti dadduma a naglakoam?

1 Taga-Corinto 5:5

ket yawatyo dayta a lalaki ken ni Satanas tapno madadael ti managbasol a katataona ket maisalakan ti espirituna inton dumteng ti Aldaw ti Apo.

1 Taga-Corinto 7:5

Dikay agpinnaidam, malaksid no pagtulaganyo nga agteppelkayo pay laeng tapno maipamaysayo ti agkararag. Ngem kalpasanna, agdennakayo manen a kas agassawa tapno dikayo matnag iti pannulisog ni Satanas gapu iti kaawan ti panagteppelyo.

2 Taga-Corinto 11:14

Saan a nakaskasdaaw daytoy! Uray ni Satanas, kabaelanna ti agparang a kasla anghel ti lawag!

2 Taga-Corinto 12:7

Tapno saanak nga tumangsit gapu kadagiti adu a naisangsangayan a banag a nakitak, naikkanak iti nasaem a sagsagabaen nga inkabil ni Satanas a mangparigat kaniak tapno diak agtangtangsit.

2 Taga-Corinto 2:11

tapno dinatayo gundawayan ni Satanas. Ammotayo dagiti panggepna.

Deuteronomio 10:20

Agbutengkayo iti Apo a Diosyo ket isu laeng ti pagdaydayawanyo. Agtalinaedkayo a napudno kenkuana ket agkarikayo iti naganna.

Santiago 4:7

Agtulnogkayo ngarud iti Dios. Sarangtenyo ti Diablo, ket itarayannakayto ti Diablo.

Josue 24:14

“Ita,” intuloy ni Josue, “agbutengkayo ngarud iti Apo ket agserbikayo kenkuana a sipupudno ken iti amin a pusoyo. Iwaksiyo dagiti didiosen a nagdaydayawan dagidi kapuonanyo idiay Mesopotamia ken Egipto. Ti laeng Apo ti pagserbianyo.

1 Pedro 5:9

Agtalinaedkayo a natibker iti pammati ket saankay a sumuko kenkuana. Kas ammoyo, saan laeng a dakayo ti agsagsagaba iti kastoy a rigat no di pay ket dagiti kakabsatyo iti pammati iti entero a lubong.

1 Samuel 7:3

Kinuna ni Samuel kadagiti Israelita, “No naimpusoan ti panagsubliyo iti Apo, masapul nga iwaksiyo dagiti didiosenyo ket ibellengyo dagiti kinitikitan nga imahen ni diosa nga Astarte. Ikonsagraryo a naan-anay ti bagiyo iti Apo ket isu laeng ti pagdaydayawanyo tapno isalakannakayto iti bileg dagiti Filisteo.”