San Mateo 3:8 - Ti Baro a Naimbag a Damag Biblia

⁸ Ipakitayo babaen iti aramidyo a nagbabawikayon kadagiti basbasolyo.

Ti Biblia (1973)

⁸ Agaramidcay ngarud cadagiti bunga a maicari iti panagbabawi;

San Mateo 3:8 Iomraidhean Croise

Jeremias 26:13

Masapul a baliwanyo ti panagbiagyo ken dagiti aramidyo. Tungpalenyo dagiti sao ti Apo a Diosyo tapno dinan ituloy ti panggepna a mangdadael kadakayo.

Jeremias 36:3

Nalabit nga inton mangngeg dagiti tattao ti Juda dagiti amin a didigra a pinanggepko nga idissuor kadakuada, agbalbaliwda ket ikkatenda dagiti amin a dakes a kababalinda. Iti kasta, pakawanekto ti kinadakes ken basolda.”

San Mateo 21:32

Ta immay kadakayo ni Juan a nangisuro iti pudno a dalan a surotenyo ket diyo pinati; ngem namati kenkuana dagiti agsingsingir iti buis ken dagiti dakes a babbai. Ket uray pay kalpasan ti pannakakitayo iti daytoy, dikay latta nagbabawi ken namati kenkuana.”

San Lucas 3:8

Ipakitayo babaen iti aramidyo a nagbabawikayon kadagiti basbasolyo. Ket diyo kunkuna iti bagiyo: ‘Uray ta nagtaudkam iti kaputotan ni Abraham!’ Ibagak kadakayo a kabaelan ti Dios a pagbalinen dagitoy a bato nga annak ni Abraham!

Dagiti Aramid 26:20

Immuna a nangaskasabaak idiay Damasco, ket kalpasanna, idiay Jerusalem ken kadagiti amin a lugar dagiti Judio ken kasta met kadagiti Hentil. Inkasabak a masapul nga agbabawida kadagiti basbasolda, agsublida iti Dios ket aramidenda dagiti banag a mangipakita a nagbabawidan.

Taga-Efeso 5:8

Addakay idi iti sipnget, ngem gapu ta nagbalinkayon a tattao ti Apo, addakayon iti lawag. Isut' gapuna a masapul nga agbiagkayo a kas tattao a naruam nga agtaeng iti lawag.

Taga-Efeso 5:9

Ta ti lawag ti mangyeg iti nawadwad a bunga ti amin a kita ti kinaimbag, kinalinteg ken kinapudno.

Taga-Filipos 1:11

Mapnonto ti biagyo iti pudno a kinaimbag a ni laeng Jesu-Cristo ti makaaramid ket daytoy ti pakaitan-okan ken pakaidaydayawan ti Dios.