San Mateo 3:6 - Ti Baro a Naimbag a Damag Biblia

⁶ Nagbabawida a silalatak kadagiti basbasolda ket binuniagan ida ni Juan idiay karayan Jordan.

Ti Biblia (1973)

⁶ Ket nabautizaranda kencuana idiay carayan Jordan nga ipudpudnoda dagiti basbasolda.

San Mateo 3:6 Iomraidhean Croise

ESDRAS 10:1

Sidudumog ni Ezra iti sangoanan ti Templo, ket agsangsangit a nangipudno kadagitoy a basbasol. Kabayatan ti panagkararagna, linawlaw ti adu nga Israelita—lallaki, babbai ken ubbing—nga agsangsangit met iti nasaem.

Dagiti Salmo 32:5

Impudnok kenka dagiti basolko; diak inlimed dagiti labsingko. “Inkeddengko nga ipudno kenka dagiti basbasolko,” kinunak, ket pinakawanmo dagiti amin a salungasingko.

Dagiti Proverbio 28:13

Pulos a dikanto agballigi no padasem nga ilemmeng dagiti basolmo. Ipudnom ida ken agbabawika, ket kaasiannakanto ti Dios.

Ezekiel 36:25

Warsiankayto iti nadalus a danum ket madalusankayto iti amin nga didiosen ken amin a nangtulaw kadakayo.

Daniel 9:4

Nagkararagak ken ni Yahweh a Diosko ket impudnok ti basol dagiti kailiak. Kastoy ti kararagko: “Apo Dios, naindaklanka ket agraemkami kenka. Napudnoka iti nakitulagam, ket ipakitam ti di agbalbaliw nga ayatmo kadagiti agayat kenka ken agtungpal iti aniaman a bilinmo.

Levitico 16:21

Ipatayna ti dua nga imana iti ulo ti animal ket ipakaammona dagiti amin a kinadakes, basol ken kinasukir dagiti Israelita tapno mayakarda iti ulo ti kalding. Kalpasanna, itedna ti kalding iti a natudingan a mangibulos iti let-ang.

Levitico 26:40

“Ngem ipudnonto dagiti kaputotanyo dagiti basbasolda ken dagiti basbasol dagidi kapuonanda a nangsalungasing ken nangbusor kaniak

Numero 5:7

Masapul nga ipudnona ti basolna, bayadanna ti maikeddeng a gatad ket nayonanna pay iti apagkalima a paset daytoy. Maited ti pagbayadna iti nakabasolanna.

San Mateo 3:11

Buniagankayo iti danum kas pakakitaan ti panagbalbaliwyo. Ngem ti umay a sumarsaruno kaniak buniagannakayto iti Espiritu Santo ken iti apuy. Dakdakkel ti pannakabalinna ngem siak; diak pay maikari a mangbitbit iti sandaliasna.

San Marcos 1:5

Adu ti napan nagdengngeg kenkuana. Naggapuda iti entero a probinsia ti Judea ken iti siudad ti Jerusalem. Nagbabawida a silalatak kadagiti basbasolda ket binuniagan ida ni Juan idiay karayan Jordan.

San Lucas 1:16

ket adunto kadagiti Israelita ti pagsublienna iti Apo a Diosda.

San Lucas 3:16

Kinuna ni Juan kadakuada: “Buniagankayo iti danum, ngem sumarsaruno kaniak ti maysa a dakdakkel ti pannakabalinna ngem siak. Diak pay maikari a mangwarwar iti sandaliasna. Buniagannakayto iti Espiritu Santo ken apuy.

Dagiti Aramid 1:5

Namuniag ni Juan iti danum, ngem kalpasan ti sumagmamano pay nga aldaw, mabuniagankayto iti Espiritu Santo.”

Dagiti Aramid 11:16

Nalagipko ti kinuna ti Apo, ‘Namuniag ni Juan iti danum, ngem mabuniagankayto iti Espiritu Santo.’

Dagiti Aramid 19:18

Adu kadagiti mamati ti immay ket silalatak nga inaklon ken impudnoda dagiti kakastoy nga inaramidda.

Dagiti Aramid 22:16

Ket ita, ania pay la ti urayem? Tumakderka. Awagam ti naganna ket pabuniaganka ken dawatem ti pannakapakawan dagiti basbasolmo.’”

1 Taga-Corinto 10:2

Iti salinong ti ulep ken iti baybay, nabuniaganda amin a kas pasurot ni Moises.

Taga-Colosas 2:12

Ta idi nabuniagankayo, naitanemkayon a nairaman ken Cristo, ket iti dayta a pannakabuniagyo, napagungarkayo met a kas kenkuana gapu iti panamatiyo iti nabileg a pannakabalin ti Dios a namagungar kenkuana.

Hebreo 6:2

pannursuro maipapan iti buniag ken ti seremonia ti panangipatay iti ima; ti panagungar dagiti natay ken ti agnanayon a pannakaukom.

Hebreo 9:10

Dagitoy nga alagaden maipapan iti taraon, inumen ken nadumaduma a seremonia ti pannakadalus, agpaayda laeng agingga a dumteng ti tiempo ti panagbalbaliw.

Santiago 5:16

Ngarud, ipudnoyo dagiti basbasolyo iti tunggal maysa. Ikarkararaganyo ti tunggal maysa tapno maagasankayto. Adda nabileg a pannakabalin a parnuayen ti kararag ti nalinteg a tao.

Josue 7:19

Kinuna ni Josue ken ni Acan, “Anakko, ibagam ti pudno iti sango ni Yahweh a Dios ti Israel. Ipudnom kaniak ti inaramidmo. Dika aglibak kaniak.”

1 Pedro 3:21

Mayasping daytoy a danum iti buniag a makaisalakan ita kadakayo. Saan a babaen iti pannakaugas ti rugit ti bagi, no di ket iti panagkari iti Dios babaen iti nadalus a konsensia. Isalakannakayo ti buniag babaen iti panagungar ni Jesu-Cristo

1 Juan 1:9

Ngem no ipudnotayo dagiti basbasoltayo, tungpalenna ti karina ket aramidenna ti maitutop. Pakawanenna dagiti basoltayo ket ugasannatayo iti amin a kinadakestayo.