San Mateo 3:11 - Ti Baro a Naimbag a Damag Biblia

¹¹ Buniagankayo iti danum kas pakakitaan ti panagbalbaliwyo. Ngem ti umay a sumarsaruno kaniak buniagannakayto iti Espiritu Santo ken iti apuy. Dakdakkel ti pannakabalinna ngem siak; diak pay maikari a mangbitbit iti sandaliasna.

Ti Biblia (1973)

¹¹ Siac kinapudnona, bautizarancayo iti danum a maipaay iti panagbabawi; ngem dayta umay sumaruno caniac adadda ti pannacabalinna ngem siac; dagiti zapatos daytoy saanac a maicari nga agiggem; isu bautizarannacayto iti Espiritu Santo ken apuy.

San Mateo 3:11 Iomraidhean Croise

Isaias 4:4

Usarento ni Yahweh ti pannakabalinna a mangukom ken mangdalus iti nasion ket mapakawan ti basol ti Jerusalem ken maikkat ti dara a naibuyat sadiay.

Isaias 44:3

“Ibuyatkonto ti danum iti namaga a daga; pataudekto dagiti karayan iti let-ang. Ibukbukkonto ti Espirituk kadagiti annakmo; bendisionakto dagiti kaputotam.

Zacarias 13:9

Paglasatekto iti apuy dagiti nakalasat nga apagkatlo. Gugorakto ida a kas iti pannakagugor ti pirak iti apuy. Gugorakto ida a kas iti pannakagugor ti balitok. Kalpasanna, agkararagdanto kaniak ket ipangagkonto ida. Ibagakto kadakuada nga isuda dagiti tattaok ket ipudnodanto a siak ti Diosda.”

San Mateo 3:6

Nagbabawida a silalatak kadagiti basbasolda ket binuniagan ida ni Juan idiay karayan Jordan.

San Marcos 1:4

Nagparang ni Juan idiay let-ang a namumbuniag ken nangaskasaba. Impakaammona kadagiti tattao nga agbabawida kadagiti basbasolda ken mabuniaganda tapno pakawanen ti Dios dagiti basbasolda.

San Lucas 1:17

Umun-unanto a maibaon ngem ti Apo. Nabileg ken mannakabalinto a kas ken ni profeta Elias. Pagtutunosennanto manen dagiti amma ken dagiti annak. Pagsubliennanto iti kinalinteg dagiti nasukir. Isaganananto dagiti tattao a maipaay iti Apo.”

San Lucas 3:16

Kinuna ni Juan kadakuada: “Buniagankayo iti danum, ngem sumarsaruno kaniak ti maysa a dakdakkel ti pannakabalinna ngem siak. Diak pay maikari a mangwarwar iti sandaliasna. Buniagannakayto iti Espiritu Santo ken apuy.

San Lucas 3:3

Ngarud, sinursorna ti amin a disso a madalanan ti karayan Jordan. “Agbabawikayo kadagiti basbasolyo, ket pabuniagankayo,” inkaskasabana. “Iti kasta, pakawanen ti Dios dagiti basbasolyo.”

San Juan 1:15

Pinaneknekan ni Juan ti maipapan kenkuana ket impukkawna: “Isu daytoy ti ibagbagak idi kinunak, ‘Umay a sumarsaruno kaniak, nupay kasta, natantan-ok ngem siak, ta addan sakbay a nayanakak.’”

San Juan 1:30

“Isu daytoy ti sarsaritaek idi kinunak, ‘Sumarsaruno kaniak ti maysa a tao a natantan-ok ngem siak, ta addan sakbay a nayanakak.’

Dagiti Aramid 1:5

Namuniag ni Juan iti danum, ngem kalpasan ti sumagmamano pay nga aldaw, mabuniagankayto iti Espiritu Santo.”

Dagiti Aramid 19:4

Kinuna ni Pablo, “Ti panamuniag ni Juan maipaay kadagiti agbabawi kadagiti basolda. Imbaga ni Juan kadagiti tattao a masapul a patienda ti sumaruno kenkuana nga isu ni Jesus.”

Dagiti Aramid 8:36

Intuloyda ti panagdaliasatda agingga a dimtengda iti lugar nga adda danum. Kinuna ti ofisial ken ni Felipe, “Adtoy ti danum. Ania ti makatiped iti panagbuniagko?”

Dagiti Aramid 8:38

Pinagsardeng ngarud ti ofisial ti lugan. Napanda a dua iti danum ket binuniagan ni Felipe.

1 Taga-Corinto 12:13

Kasta met kadatayo amin—Judio man wenno Hentil, tagabu man wenno siwawayawaya—nabuniagantayo a naikamang iti maymaysa a bagi babaen iti maymaysa nga Espiritu nga isu met laeng ti naited nga inumentayo.

Taga-Efeso 3:8

Siak ti kanumoan kadagiti nanumo a tattao ti Dios, ngem siak ti pinili ti Dios a mangipakaammo kadagiti Hentil iti di matukod a kinabaknang ni Cristo,

Tito 3:5

insalakannatayo, saan a gapu iti aniaman a nasayaat nga inaramidtayo no di ket gapu iti asina kadatayo. Wen, naisalakantayo babaen iti panangugasna iti danum, ket gapu iti daytoy, naipasngaytay iti baro a biag babaen iti Espiritu Santo.

1 Pedro 5:5

Dakayo nga agtutubo, paiturayankayo met kadagiti nataengan. Dakay amin, agtitinnulongkayo kas napakumbaba nga adipen, ta kuna ti Nasantoan a Surat, “Busoren ti Dios dagiti natangsit, ngem paraburanna dagiti napakumbaba.”