San Mateo 27:4 - Ti Baro a Naimbag a Damag Biblia

⁴ “Nagbasolak!” kinunana, “ta inyawatko a mapapatay ti maysa a tao nga awan basolna.” “Ania ti bibiangmi?” kinunada kenkuana. “Problemam daytan.”

Ti Biblia (1973)

⁴ A cuncunana: Siac nacabasolac iti panangyawatco iti dara nga awan biddutna. Ngem kinunada: Ania ti bibiangmi? macaammoca.

San Mateo 27:4 Iomraidhean Croise

1 Ar-ari 21:27

Idi malpas ti panagsao ni Elias, rinay-ab ni Ahab ti pagan-anayna, inuksobna ket nagarruat iti nakersang a lupot. Dina kayat ti mangan. Naturog a sikakawes iti nakersang a lupot ket nagpagnapagna a malmalday ken masmasnaayan.

2 Ar-ari 24:4

ken nangnangruna ti panangpapatayna kadagiti tattao nga awan basolna. Saan a mapakawan ni Yahweh ni Manases gapu iti dayta nga inaramidna.

Ti Libro ni Job 13:4

Agulbodkayo a pangkalub iti kinanengnengyo; kaskay la doktor nga awan mapaimbagna.

Dagiti Salmo 94:21

Agmaymaysada a mangilupitlupit kadagiti nalinteg a tattao, ket ikeddengda a mapapatay ti awan basolna.

Exodo 12:31

Iti dayta met la a rabii, pinaayaban ti ari da Moises ken Aaron. “Pumanawkayon, dakayo ken dagiti Israelita!” kinunana kadakuada. “Panawanyo ti pagiliak, ket inkayo agdaydayaw iti Apo a kas dinawatyo.

Exodo 9:27

Pinaayaban ti ari da Moises ken Aaron ket kinunana kadakuada, “Bigbigek itan a siak ti nagbasol! Nalinteg ti Apo. Siak ken dagiti tattaok ti nakabasol.

Dagiti Proverbio 12:8

No nasariritka, idaydayawdaka dagiti tattao; no nengnengka, uyawendaka.

Jeremias 26:15

Ngem tandaananyo daytoy, dakayo ken dagiti tattao iti daytoy a siudad: no patayendak makabasolkayo iti panangpapatayyo iti tao nga awan basolna agsipud ta ti Apo ti nangibaon kaniak a mangiballaag kadakayo kadagitoy.”

Jonas 1:14

Isut' gapuna nga immasugda ken ni Yahweh, “O Apo, dawatenmi kenka a dinakami patayen a kas dusami gapu ta patayenmi daytoy a tao! Sika, O Apo, ti makaammo iti daytoy. Sika ti akin-aramid.”

San Mateo 27:19

Maysa pay, idi agtugtugaw ni Pilato iti pangukoman, pinaibaga ti asawana daytoy: “Dimo pakibiangan dayta nalinteg a tao, ta natagtagainepko idi rabii a nagsagabaak iti kasta unay gapu kenkuana.”

San Mateo 27:54

Nagbuteng ti kapitan ken dagiti soldadona a mangbambantay ken ni Jesus idi mariknada ti ginggined ken makitada ti amin a napasamak. Kinunada, “Pudno gayam nga Anak ti Dios daytoy!”

San Lucas 23:22

Pinitlo ni Pilato ti nagkuna kadakuada, “Ania kadi ti basolna? Awan nasarakak nga inaramidna a pakaigapuan ti pannakapapatayna. Pasaplitko laeng sakonto palubosan.”

San Lucas 23:41

Rebbengna nga agsagabata gapu iti inaramidta. Ngem daytoy a tao, awan dakes nga inaramidna.”

San Lucas 23:47

Idi makita ti kapitan dagiti soldado ti napasamak, nagdaydayaw iti Dios. “Pudno nga awan basol daytoy a tao!” kinunana.

San Juan 19:7

“Adda sagudayen ti lintegmi a rebbengna a mapapatay agsipud ta imbilangna ti bagina nga Anak ti Dios,” insungbat dagiti Judio.

Dagiti Aramid 13:28

Ket uray no awan nasarakanda a pakaigapuan a makedngan a matay, dinawatda ken Pilato a papapatayna.

Taga-Roma 3:19

Ita, ammotayo a ti amin a linaon ti Linteg agpaayda kadagiti agbibiag iti babaen ti Linteg. Adda ti Linteg tapno sumardeng amin a pambar dagiti tattao ket idatagna ti entero a lubong tapno ukomen ti Dios.

1 Timoteo 4:2

Dagitoy a pannursuro ket iwarwaras dagiti manangallilaw ken ulbod a tattao a natayen ti konsensiada, a kasla nauram iti bumegbeggang a landok.

Tito 1:16

Kunada nga ammoda ti Dios ngem makita kadagiti aramidda a dida am-ammo ti Dios. Nakarimrimon ken nasukirda, ket dida maikari nga agaramid iti naimbag.

Hebreo 7:26

Ngarud, ni Jesus ti Kangatoan a Padi a makaaramid iti amin a kasapulantayo. Nasantoan, awan tulaw wenno basolna, naisina kadagiti managbasol ket naipangato sadi langit.

1 Pedro 1:19

Nawayawayaankayo ketdi babaen iti pannakaidaton iti napateg a dara ni Cristo a mayarig iti kordero nga awan mulit ken tulawna.

1 Juan 3:12

Saantayo nga agbalin a kas ken ni Cain a pinaiturayan iti Managdakdakes ket pinatayna ni Abel a kabsatna. Apay a pinatayna? Gapu ta dakes dagiti aramid ni Cain, ket nalinteg dagiti aramid ti kabsatna.

Paltiing 11:10

Maragsakanto dagiti tattao ditoy daga gapu iti ipapatay dagitoy dua. Agrarambak ken agririnnegalodanto agsipud ta natayen dagiti dua a profeta a nangyeg iti adu a panagsagaba iti sangkataoan.

1 Samuel 15:24

“Wen, nagbasolak,” insungbat ni Saul. “Diak tinungpal ti bilin ti Apo ken dagiti bilinmo. Nagbutengak kadagiti tattaok, isu a sinurotko ti kayatda a maaramid.

1 Samuel 15:30

Kinuna ni Saul, “Pudno a nagbasolak. Ngem iti daytoy a gundaway, ipakitam koma ti panagraemmo kaniak iti imatang dagiti pangulo dagiti tattaok ken iti amin nga Israel. Kumuyogka koma kaniak nga agsubli tapno agdaydayawak iti Apo a Diosmo.”

1 Samuel 19:5

Impustana ti biagna idi patayenna ni Goliat, ket inted ti Apo ti dakkel a balligi iti Israel. Nakitam daytoy nga inaramidna ket naragsakanka. Apay ngarud a patayem ni David nga awan ti gapuna? Apay nga agaramidka iti dakes iti tao nga awan basolna?”